മമ്മൂട്ടി പൊലീസ് ഉദ്യോഗസ്ഥനായെത്തുന്ന 'ഉണ്ട' എന്ന ചിത്രത്തിലെ മമ്മൂട്ടിയുടെ ക്യാരക്ടർ പോസ്റ്റർ പുറത്ത്.. മമ്മൂട്ടി അവതരിപ്പിക്കുന്ന സബ് ഇൻസ്പെക്ടർ മണികണ്ഠൻ സി.പി എന്ന കഥാപാത്രത്തിന്റെ പോസ്റ്ററാണ് റിലീസ് ചെയ്തത്. മമ്മൂട്ടി തന്റെ ഒഫീഷ്യൽ ഫേസ്‌ബുക്ക് പേജിലൂടെയാണ് പോസ്റ്റർ റിലീസ് ചെയ്തത്. നേരത്തെ എട്ട് അഭിനേതാക്കളുടെ ക്യാരക്ടർ പോസ്റ്ററുകൾ റിലീസ് ചെയ്തിരുന്നു.
ഖാലിദ് റഹ്മാൻ സംവിധാനം ചെയ്യുന്ന ചിത്രം ഛത്തീസ്‌ഗഡിലേക്ക് തിരഞ്ഞെടുപ്പ് ജോലിക്ക് പോകുന്ന മലയാളി പൊലീസ് സംഘത്തിന്റെ കഥയാണ് പറയുന്നത്. അബ്രാഹാമിന്റെ സന്തതികൾക്ക് ശേഷം മമ്മൂട്ടി പൊലീസ് വേഷത്തിലെത്തുന്ന ചിത്രമാണിത്. അനുരാഗ കരിക്കിൻവെള്ളത്തിനു ശേഷം ഖാലിദ് റഹ്മാൻ ഒരുക്കുന്ന ചിത്രത്തിന് ഹർഷാദാണ് തിരക്കഥ ഒരുക്കിയിരിക്കുന്നത്.
കണ്ണൂർ, ഛത്തീസ്‌ഗഡ് എന്നിവിടങ്ങളിലായിരുന്നു സിനിമയുടെ ചിത്രീകരണം. ഷൈൻ ടോം ചാക്കോ, ജേക്കബ് ഗ്രിഗറി, സുധി കോപ്പ, ദിലീഷ് പോത്തൻ, അലൻസിയർ, അർജുൻ അശോകൻ, ലുക്മാൻ തുടങ്ങിയവർ ചിത്രത്തിലുണ്ട്. മൂവീസ് മിൽ, ജെമിനി സ്റ്റുഡിയോസിന്റെ ബാനറിൽ കൃഷ്ണൻ സേതുകുമാർ ആണ് ഉണ്ട നിർമ്മിക്കുന്നത്. പ്രശാന്ത് പിള്ളയാണ് സംഗീതം. ചിത്രം ഈദ് റിലീസായി തിയേറ്ററുകളിലെത്തും
മമ്മൂട്ടിയുടേതായി ഈ വർഷം പുറത്തുവരാനുള്ള ചിത്രങ്ങളിൽ പ്രേക്ഷകപ്രതീക്ഷയിൽ മുന്നിൽ നിൽക്കുന്ന പ്രോജക്ടാണ് 'ഉണ്ട'. പേര് പ്രഖ്യാപിച്ചത് മുതലുള്ള കൗതുകം ഖാലിദ് റഹ്മാൻ സംവിധാനം ചെയ്യുന്ന സിനിമ ഇപ്പോഴും നിലനിർത്തുന്നുണ്ട്. അതേസമയം കഥയോ പശ്ചാത്തലമോ ഒന്നും പുറത്തുവിടാതെയായിരുന്നു ഇതിന്റെ ചിത്രീകരണം. വിഷു ദിനത്തിലാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തെത്തിയത്. പിന്നാലെ ക്യാരക്ടർ പോസ്റ്ററുകളും പുറത്തെത്തിത്തുടങ്ങി.എട്ട് ക്യാരക്ടർ പോസ്റ്ററുകൾക്ക് ശേഷം ഇപ്പോഴിതാ ഒൻപതാമത്തെ പോസ്റ്ററായി മമ്മൂട്ടിയുടെ ലുക്കും അണിയറക്കാർ പുറത്തുവിട്ടതോടെ ആരാധകരും ആവേശത്തിലാണ്.
Mammookka Unda movie first look poster
'എല്ലാര്‍ക്കും തെരിഞ്ച വിഷയം താ'; വിജയ് ദേവരകൊണ്ടയുമായി പ്രണയത്തിലോ എന്ന ചോദ്യത്തിന് രശ്മികയുടെ മറുപടി ഇങ്ങനെ; താരങ്ങളുടെ 'സീക്രട്ട് ലഞ്ച് ഡേറ്റ് ചിത്രങ്ങള്‍ക്ക് പിന്നാലെ നടിയുടെ മറുപടിയും പ്രണയ ഗോസിപ്പ് ചൂടുപിടിപ്പിക്കുമ്പോള്‍
അന്വേഷണ ഉദ്യോഗസ്ഥനായി ധ്യാന്‍; നിഗൂഢതകള്‍ നിറച്ച ഐ.ഡി. ടീസര്‍ പുറത്ത്