നടി മഞ്ജു വാര്യര് തടവിലാണെന്ന ആരോപണവുമായി സെക്രട്ടേറിയറ്റിന് മുന്നില് സമരം ചെയ്യുന്ന സനല് കുമാര് ശശിധരനെതിരെ രസകരമായ കുറിപ്പുമായി മഞ്ജു വാര്യരുടെ സഹോദരന് മധു വാര്യര്. താനും അമ്മയും കൂടി തടവില് കഴിയുന്ന മഞ്ജുവിനെ പോയി കാണാന് തീരുമാനിച്ചുവെന്നും അവിടെ ചെന്നപ്പോള് തോക്കിന്മുനയില് ഇരിക്കുന്ന മഞ്ജുവിനെ കണ്ട് എല്ലാവരും ഞെട്ടിയെന്നും പരിഹാസ രൂപേണ മധു വാര്യര് കുറിച്ചു.
മധു വാര്യരുടെ കുറിപ്പിന്റെ പൂര്ണ്ണ രൂപം:
അമ്മയും അനുവും ആവണിയും ഞാനും കൂടെ തടവില് കഴിയുന്ന മഞ്ജുവിനെ പോയി കാണാന് തീരുമാനിച്ചു. മഞ്ജുവിനെ തടവില് പാര്പ്പിച്ചിട്ടുള്ള കാലമാടന്മാര് എങ്ങാനും ആക്രമിച്ചാലോ എന്ന് പേടിച്ച്, അവരെ കടിച്ചു കുടയാന് ഒന്നരയടി കഷ്ടിയുള്ള കൊക്കോയെ കൂടെ കൂട്ടി. അവിടെ ചെന്നപ്പോള് തോക്കിന്മുനയില് ഇരിക്കുന്ന മഞ്ജുവിനെ കണ്ട് അമ്മ ഞെട്ടി, അനു ഞെട്ടി, ആവണി ഞെട്ടി, ഞാന് ഞെട്ടി, ബാല്ക്കണിയില് ഇരിക്കുന്ന പ്രാവിലേക്ക് ശ്രദ്ധ പോയത് കൊണ്ട് ഒരു പത്ത് സെക്കന്റ് ഡിലേ കഴിഞ്ഞ് കൊക്കോയും ഞെട്ടല് രേഖപ്പെടുത്തി. അങ്ങനെ ഞെട്ടല് മഹാമഹം കഴിഞ്ഞു എന്നുറപ്പ് വരുത്തിയതിന് ശേഷം ഞങ്ങള് ബാക്കി കാര്യപരിപാടിയിലേക്ക് കടന്നു. മഞ്ജു പുതിയതായി വാങ്ങിയ ഡ്രെസ്സുകള് എടുത്ത് കൊണ്ട് വന്ന് നിരത്തി അതിന്റെ ഡിസ്കഷന്സിലേക്ക് കടന്നു.
തടവില് ഇരിക്കുമ്പോഴെങ്കിലും മഞ്ജുവിന്റെ വാചകമടിക്ക് കുറവുണ്ടാകുമെന്ന് കരുതിയെങ്കിലും അത് തെറ്റാണെന്ന് പെട്ടെന്ന് തന്നെ മനസ്സിലായി. അത് കഴിഞ്ഞ് ഗണ്പോയിന്റിലുള്ള മഞ്ജു എല്ലാവര്ക്കും ബേണ്ഡ് ഗാര്ലിക് ഫ്രൈഡ് റൈസും, നൂഡില്സും, ഹണി ഗ്ലേസ്ഡ് ചിക്കനും, സാള്ട്ട് പെപ്പര് കോട്ടേജ് ചീസും ഓര്ഡര് ചെയ്തു. ഭക്ഷണശേഷം ഇറങ്ങാന് നേരം രണ്ട് ദിവസം കഴിഞ്ഞേ വരുന്നുള്ളൂ എന്ന് അമ്മ പറഞ്ഞു. കഥകളി ക്ലാസ്സിന്റേയും യോഗാ ക്ലാസ്സിന്റേയും ബോറടി മാറ്റാന് രണ്ട് ദിവസം മഞ്ജുവിന്റെ കൂടെ തടവില് കഴിയാന് പോകുകയാണ് പോലും. അപ്പൊ ഇനിയുള്ള രണ്ട് ദിവസം അമ്മയും തോക്കിന്മുനയിലായിരിക്കും.
Premium Lifestyle and Entertainment website
'അവള്ക്ക് എന്തെങ്കിലും സംഭവിച്ചാല് എന്റെ വയറാണ് ആളുന്നത്'; ആരെയാകും ഏറ്റവും കൂടുതല് മിസ് ചെയ്യുക? ബിഗ് ബോസ് ഷോയിലേക്ക് പോകും മുന്പ് മൃദുല പറഞ്ഞ വാക്കുകള് 
നിങ്ങള്ക്ക് വിറ്റാമിന് ഡി കുറവാണോ? അറിയാം ലക്ഷണങ്ങള്
റിവ്യൂ പറയുമ്പോള് വെള്ളമടിച്ചിട്ടാണ് പറയുന്നതെന്ന നടന് അനീഷ് ഗോപന്റെ വാക്കുകള് പങ്ക് വച്ച് ഭാര്യ;യൂട്യൂബര് അശ്വന്ത് കോക്ക് പിടിയിലായതിന് പിന്നാലെ നടന് മുമ്പ് പങ്ക് വച്ച വാക്കുകള് ശ്രദ്ധ നേടുമ്പോള്