ദുല്‍ഖര്‍ സല്‍മാന്റെ വേഫെറര്‍ ഫിലിംസ് നിര്‍മ്മിക്കുന്ന ഏഴാം ചിത്രമായ ' ലോക - ചാപ്റ്റര്‍ വണ്‍:ചന്ദ്ര' യുടെ ടീസര്‍ രണ്ട് മില്യണ്‍ കാഴ്ചക്കരിലേക്ക്. ഇന്ത്യന്‍ സിനിമകളുടെ ടീസറുകളില്‍ യൂട്യൂബ് ട്രെന്‍ഡിങ്ങ് ലിസ്റ്റില്‍ ഒന്നാം സ്ഥാനവും ലോക സ്വന്തമാക്കി. കല്യാണി പ്രിയദര്‍ശന്‍, നസ്ലന്‍ എന്നിവര്‍ പ്രധാന വേഷങ്ങളിലെത്തുന്ന ഈ സൂപ്പര്‍ ഹീറോ ചിത്രം രചിച്ചു സംവിധാനം ചെയ്തിരിക്കുന്നത് ഡൊമിനിക് അരുണ്‍ ആണ്. മെഗാ ബഡ്ജറ്റിലാണ് ചിത്രം ഒരുക്കിയിരിക്കുന്നത്. 'ലോക' എന്ന് പേരുള്ള ഒരു സൂപ്പര്‍ ഹീറോ സിനിമാറ്റിക് യൂണിവേഴ്‌സിലെ ആദ്യ ചിത്രമാണ് 'ചന്ദ്ര'. ഒരു സൂപ്പര്‍ഹീറോ കഥാപാത്രം ആയാണ് കല്യാണി പ്രിയദര്‍ശന്‍ ഈ ചിത്രത്തില്‍ വേഷമിട്ടിരിക്കുന്നത്. ഓണം റിലീസായി ചിത്രം തീയേറ്ററുകളിലെത്തും.
ടീസര്‍ റിലീസിന് പിന്നാലെ വലിയ ഹൈപ്പാണ് ചിത്രത്തിന് മേല്‍ ഉണ്ടായിരിക്കുന്നത്. ലോകമെമ്പാടും ട്രെന്‍ഡിങ്ങ് ലിസ്റ്റില്‍ ഇടം പിടിച്ച ലോക ചാപ്റ്റര്‍ 1 : ചന്ദ്രയുടെ ട്രെയിലര്‍ ഇന്ത്യയില്‍ തന്നെ സിനിമകളുടെ ട്രെയിലര്‍ ട്രെന്‍ഡിങ്ങ് ലിസ്റ്റിലാണ് ഒന്നാം സ്ഥാനം നേടിയത്. ബഹ്റൈനില്‍ ഒന്നാം സ്ഥാനത്താണ് ടീസര്‍. ലിസ്റ്റില്‍ മൂന്നാം സ്ഥാനത്തും ഓസ്ട്രേലിയയില്‍ 25ാം സ്ഥാനത്തും ടീസര്‍ ഇടം പിടിച്ചു. ട്രെയിലര്‍ കണ്ട് തീയറ്ററില്‍ ചിത്രത്തിനായി ഒരുപാട് പ്രതീക്ഷയോടെ കാത്തിരിക്കുകയാണ് സിനിമ പ്രേമികള്‍.
ചിത്രത്തിന്റെ ഫസ്റ്റ് ലുക്ക് പോസ്റ്റര്‍ നേരത്തെ പുറത്തു വന്നിരുന്നു. മലയാളി പ്രേക്ഷകര്‍ ഇതുവരെ കാണാത്ത കാണാത്ത കഥാ പശ്ചാത്തലത്തിലാണ് ചിത്രം ഒരുക്കിയിരിക്കുന്നത് എന്ന സൂചനയാണ് ഇപ്പോള്‍ വന്നിരിക്കുന്ന ടീസറും ആദ്യം എത്തിയ ഫസ്റ്റ് ലുക്ക് പോസ്റ്ററും തരുന്നത്. ചന്ദു സലിം കുമാര്‍, അരുണ്‍ കുര്യന്‍, ശാന്തി ബാലചന്ദ്രന്‍ എന്നിവരും നിര്‍ണ്ണായക വേഷങ്ങള്‍ ചെയ്യുന്ന ചിത്രം വമ്പന്‍ പ്രതീക്ഷകളോടെയാണ് പ്രേക്ഷകര്‍ കാത്തിരിക്കുന്നത്. ഒന്നിലധികം ഭാഗങ്ങളില്‍ ഒരുങ്ങുന്ന ഒരു സിനിമാറ്റിക്ക് യൂണിവേഴ്സിന്റെ ആദ്യ ഭാഗമാണ് 'ലോക - ചാപ്റ്റര്‍ വണ്‍: ചന്ദ്ര'.
ഛായാഗ്രഹണം -നിമിഷ് രവി, സംഗീതം - ജേക്സ് ബിജോയ്, എഡിറ്റര്‍ - ചമന്‍ ചാക്കോ, എക്‌സിക്യൂട്ടീവ് പ്രൊഡ്യൂസേഴ്‌സ്-ജോം വര്‍ഗീസ്, ബിബിന്‍ പെരുമ്പള്ളി, അഡീഷണല്‍ തിരക്കഥ-ശാന്തി ബാലചന്ദ്രന്‍, പ്രൊഡക്ഷന്‍ ഡിസൈനര്‍-ബംഗ്ലാന്‍ , കലാസംവിധായകന്‍-ജിത്തു സെബാസ്റ്റ്യന്‍, മേക്കപ്പ് - റൊണക്‌സ് സേവ്യര്‍, കോസ്റ്റ്യൂം ഡിസൈനര്‍-മെല്‍വി ജെ, അര്‍ച്ചന റാവു, സ്റ്റില്‍സ്- രോഹിത് കെ സുരേഷ്, അമല്‍ കെ സദര്‍, ആക്ഷന്‍ കൊറിയോഗ്രാഫര്‍- യാനിക്ക് ബെന്‍, പ്രൊഡക്ഷന്‍ കണ്‍ട്രോളര്‍ - റിനി ദിവാകര്‍, വിനോഷ് കൈമള്‍, ചീഫ് അസോസിയേറ്റ്-സുജിത്ത് സുരേഷ്, പിആര്‍ഒ- ശബരി.
Premium Lifestyle and Entertainment website
പെണ്ണിന് പ്രായം പഠനത്തിന് ഒരു തടസ്സമല്ല എന്നത് അനുഭവത്തില്‍ വന്നു;ചിറകുകള്‍ തൂവലുകള്‍ കൂട്ടിവച്ച ഇടമല്ല;പകരം പറക്കുവാന്‍ ഉള്ളവ; ഭാര്യയുടെ നേട്ടം സീരിയല്‍ നടന്‍ നിരഞ്ജന്‍ പങ്ക് വച്ചത് ഇങ്ങനെ
മാനസികമായി തകര്‍ന്നുപോയി; ഇപ്പോഴും റിക്കവറായിട്ടില്ല;അഭിമുഖത്തില്‍ എന്റെ ഭാഗത്തു വലിയൊരു വീഴ്ച സംഭവിച്ചു;ഒരു കുഞ്ഞിന്റെ അമ്മയാണ് ഞാനും; അഭിമുഖത്തിനെതിരെ വിമര്‍ശനം ഉയര്‍ന്നതോടെ ക്ഷമാപണം നടത്തി അവതാരക നൈനിഷ