കാത്തിരിപ്പിനൊടുവില്‍ തല അജിത്തിന്റെ ആക്ഷന്‍ ചിത്രം വിശ്വാസം 14 ന് തീയേറ്ററുകളിലേക്കെത്തുകയാണ്. തമിഴ് മക്കള്‍ ആദ്യദിനം തന്നെ ചിത്രം കാണാനുള്ള നെട്ടോട്ടത്തിലാണ്. സോഷ്യല്‍ മീഡിയകളില്‍ ഇപ്പോള്‍ വൈറലായികൊണ്ടിരിക്കുന്നത് വിശ്വാസത്തിന്റെ മുന്‍കൂര്‍ ടിക്കറ്റ് നല്‍കുന്ന തീയേറ്ററിന്റെ മുന്‍വശത്ത് നിന്നുള്ള ആരാധകരുടെ ആവേശത്തിന്റെ വീഡിയേയാണ്.
തീയേറ്ററിന്റെ ഗെയിറ്റില്‍ വലിഞ്ഞ് കയറിയും മതില് ചാടി കടന്നും ആദ്യ ദിവസത്തെ ടിക്കറ്റ് നേടാനുള്ള ആരാധകരുടെ സാഹസങ്ങളാണ് വിഡിയോയില്‍. അംബട്ടൂര്‍ റക്കി മള്‍ട്ടിപ്ലക്‌സ് തീയേറ്ററിന് മുന്നില്‍ നിന്നുള്ള ദൃശ്യങ്ങളാണ് വിഡിയോയില്‍ ഉള്ളത്. ചിത്രത്തിന്റെ ഓണ്‍ലൈന്‍ സ്ട്രീമിംഗ് റൈറ്റ്‌സ് റെക്കോര്‍ഡ് വിലയ്ക്ക് ആമസോണ്‍ പ്രൈം സ്വന്തമാക്കിയെന്നാണ് റിപ്പോര്‍ട്ട്.
സിരുത്തൈ ശിവയാണ് സിനിമ സംവിധാനം ചെയ്തിരിക്കുന്നത്. കോരിത്തരിപ്പിക്കുന്ന ആക്ഷന്‍ രംഗങ്ങളും മരണമാസ് ഡയലോഗുകളുമായാണ് ചിത്രത്തിന്റെ ട്രെയിലറിലുള്ളത്. നയന്‍താര നായികയായി എത്തുന്ന ചിത്രത്തില്‍ സാള്‍ട് ആന്‍ഡ് പെപ്പര്‍ ലുക്കിലും തല നരയ്ക്കാത്ത ലുക്കിലും താരമെത്തുന്നു. ഇവരുടെ മകളായി മലയാള താരം അനിഘയും ചിത്രത്തില്‍ എത്തുന്നുണ്ട്.
Heavy rush for #Viswasam bookings all over the state.. @SathyaJyothi_ @kjr_studios pic.twitter.com/UJ0R0EJ0D1
— Ramesh Bala (@rameshlaus) January 6, 2019
Premium Lifestyle and Entertainment website
'എല്ലാര്‍ക്കും തെരിഞ്ച വിഷയം താ'; വിജയ് ദേവരകൊണ്ടയുമായി പ്രണയത്തിലോ എന്ന ചോദ്യത്തിന് രശ്മികയുടെ മറുപടി ഇങ്ങനെ; താരങ്ങളുടെ 'സീക്രട്ട് ലഞ്ച് ഡേറ്റ് ചിത്രങ്ങള്‍ക്ക് പിന്നാലെ നടിയുടെ മറുപടിയും പ്രണയ ഗോസിപ്പ് ചൂടുപിടിപ്പിക്കുമ്പോള്‍
അന്വേഷണ ഉദ്യോഗസ്ഥനായി ധ്യാന്‍; നിഗൂഢതകള്‍ നിറച്ച ഐ.ഡി. ടീസര്‍ പുറത്ത്