അഞ്ച് വര്‍ഷത്തെ നീണ്ട കാത്തിരിപ്പിന് ശേഷം നടന്‍ മോഹന്‍ലാല്‍ ആദ്യമായി സംവിധാനം ചെയ്യുന്ന ചിത്രം ബറോസിന്റെ വെര്‍ച്വല്‍ 3ഡി ടെയിലര്‍ റിലീസായി. ആശീര്‍വാദ് സിനിമാസിന്റെ യൂട്യൂബ് ചാനലിലൂടെ പുറത്തിറങ്ങിയ ട്രെയ്ലര്‍ മികച്ച ത്രീഡി അനുഭവമാണ് സമ്മാനിക്കുന്നത്. ക്രിസ്മസ് റിലീസ് ആയി ഡിസംബര്‍ 25ന് ചിത്രം തിയേറ്ററില്‍ എത്തും.
അവിസ്മരണീയമായ ദൃശ്യവിരുന്നാണ് ആരാധകര്‍ക്കായി മോഹന്‍ലാല്‍ ചിത്രത്തില്‍ ഒരുക്കിയിരിക്കുന്നത്. ബറോസ് എന്ന നിധി കാക്കുന്ന ഭൂതത്തെ കുട്ടികള്‍ക്കും മുതിര്‍ന്നവര്‍ക്കും ഒരേ പോലെ ആസ്വദിക്കാന്‍ കഴിയുമെന്ന് ഉറപ്പ് നല്‍കുന്നതാണ് ട്രെയിലര്‍. ഇതിനോടകം തന്നെ ട്രെയിലര്‍ ആരാധകര്‍ ഏറ്റെടുത്തു കഴിഞ്ഞു. നേരത്തെ സൂര്യയുടെ കങ്കുവ എന്ന ചിത്രത്തിന്റെ ഇടവേളയില്‍ ബറോസിന്റെ ട്രെയിലര്‍ തിയറ്ററുകളില്‍ പ്രദര്‍ശിപ്പിച്ചിരുന്നു
ഇന്ത്യയിലെ ആദ്യ ത്രീഡി ചിത്രമായിരുന്ന 'മൈ ഡിയര്‍ കുട്ടിച്ചാത്തന്‍' സംവിധാനം ചെയ്ത ജിജോയുടെ കഥയെ ആസ്പദമാക്കിയാണ് മോഹന്‍ലാല്‍ സിനിമയൊരുക്കിയിരിക്കുന്നത്. ഡിഗാമയുടെ നിധി കാക്കുന്ന ബറോസ് എന്ന ഭൂതമായി മോഹന്‍ലാല്‍ തന്നെ ടൈറ്റില്‍ കഥാപാത്രത്തെ അവതരിപ്പിക്കുന്നു. ഗുരുസോമസുന്ദരം, മോഹന്‍ശര്‍മ, തുഹിന്‍ മേനോന്‍ എന്നിവരാണ് എന്നിവര്‍ക്ക് പുറമേ മായാ, സീസര്‍ ലോറന്റെ തുടങ്ങി വിദേശതാരങ്ങളും ചിത്രത്തില്‍ എത്തുന്നുണ്ട്.
അമേരിക്കന്‍ റിയാലിറ്റി ഷോ ആയ ദ വേള്‍ഡ് ബെസ്റ്റില്‍ പങ്കെടുത്ത് വിജയിച്ച ലിഡിയന്‍ നാദസ്വരമാണ് ചിത്രത്തിനായി സംഗീത സംവിധാനം നിര്‍വഹിക്കുന്നത്. മാര്‍ക്ക് കിലിയനാണ് പശ്ചാത്തല സംഗീതം നിര്‍വഹിക്കുന്നത്. പ്രശസ്ത കലാസംവിധായകനായ സന്തോഷ് രാമനാണ് സെറ്റുകള്‍ ഡിസൈന്‍ ചെയ്യുന്നത്. സന്തോഷ് ശിവനാണ് ഛായാഗ്രഹണം നിര്‍വഹിക്കുന്നത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് നിര്‍മാണം.
Premium Lifestyle and Entertainment website
നാനും റൗഡി താന്‍' ചിത്രത്തിലെ ചില രംഗങ്ങള്‍ ഉപയോഗിക്കാന്‍ രണ്ടുവര്‍ഷത്തോളം ധനുഷുമായി ആശയവിനിമയം നടത്തിയെന്ന നയന്‍താരയുടെ അവകാശവാദം തെറ്റ്; നയന്‍താരയ്ക്ക് മറുപടി നല്‍കാന്‍ സമയമില്ല; ചിത്രത്തിന്റെ തിരക്കിലാണ് ധനുഷ്; വിവാദത്തില്‍ പ്രതികരിച്ച് ധനുഷിന്റെ പിതാവ്