നിര്‍മ്മാതാവും സംവിധായകനുമായ കരണ്‍ ജോഹര്‍ അവതാരകനാകുന്ന 'കോഫി വിത്ത് കരണ്‍' എന്ന ചാറ്റ് ഷോയുടെ ആറാമത് സീസണിന്റെ ആദ്യ എപ്പിസോഡില്‍ അതിഥികളായി എത്തുന്നത് ബോളിവുഡ് താരസുന്ദരികളായ ദീപിക പദുക്കോണും ആലിയ ഭട്ടുമാണ്. പുതിയ സീസണ് തുടക്കം കുറിച്ചുകൊണ്ട് എത്തിയ താരസുന്ദരിമാരുമായുള്ള കരണിന്റെ സംഭാഷണങ്ങളുടെ ടീസറാണ് ഇപ്പോള്‍ ചര്‍ച്ചയാവുന്നത്.
ബോളിവുഡിലെ സുന്ദരനായ രണ്‍ബിറിന്റെ പഴയ കാമുകി ദീപികയും നിലവിലെ കാമുകി ആലിയയും ഒന്നിച്ചെത്തിയതുകൊണ്ട് തന്നെ ടീസറിന് വന്‍ സ്വീകാര്യതയാണ് ലഭിച്ചിരിക്കുന്നത്. പരിപാടിയുടെ ടീസര്‍ കരണ്‍ ജോഹര്‍ തന്നെയാണ് തന്റെ ഇന്‍സ്റ്റഗ്രാം പേജില്‍ പങ്കുവച്ചത്.
ദീപികയും ആലിയയും കരണ്‍ജോഹറും സംസാരിക്കുന്നതിനിടെ ദി എലിഫന്റ് ഇന്‍ ദി റൂം എന്നൊരു പരാമര്‍ശം കരണ്‍ ജോഹര്‍ നടത്തി. രണ്‍ബീറിനെക്കുറിച്ച് കരണ്‍ സംസാരിച്ചു തുടങ്ങിയപ്പോള്‍ ദീപിക ഇതിനിടയില്‍ കയറി സംസാരിക്കുന്നുമുണ്ട്.
ദീപികയും ആലിയയും ഉടന്‍ വിവാഹത്തിന് തയ്യാറെടുക്കുന്നു എന്ന തരത്തിലാണ് കരണ്‍ ജോഹര്‍ സംസാരിക്കുന്നത്. ആരുടെ വിവാഹമാണ് ആദ്യം എന്ന ചോദ്യത്തിന് ഇരുവരും പരസ്പരം വിരല്‍ ചൂണ്ടിക്കാണിക്കുന്നുണ്ട്. എന്നാല്‍ ഈ വിഷയത്തില്‍ ദീപിക പറയുന്നത് നുണയാണെന്ന് ആലിയയും കരണും ആരോപിക്കുന്നുമുണ്ട്.
ദീപികയുടേയും രണ്‍വീര്‍ സിങിന്റേയും വിവാഹം ഉടനുണ്ടാകുമെന്ന തരത്തില്‍ വാര്‍ത്തകള്‍ പ്രചരിക്കാന്‍ തുടങ്ങിയിട്ട് ഒരുപാട് നാളായി. നവംബര്‍ 20ന് ഇറ്റലിയില്‍ വച്ചായിരിക്കും ഇരുവരുടേയും വിവാഹം എന്നാണ് സ്ഥിരീകരിക്കാത്ത റിപ്പോര്‍ട്ടുകള്‍. അതേസമയം പ്രിയങ്കാ ചോപ്രയുടേയും നിക് ജൊനാസിന്റയേയും വിവാഹവും നവംബറില്‍ ഉണ്ടാകും എന്ന് അറിയുന്നു.
.jpg)
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം