ആര്‍ട്ടിസ്റ്റുകള്‍ പാര്‍ട്ടി നോക്കിയല്ല മറിച്ച്‌ വ്യക്തികളെ നോക്കിയാണ് വോട്ട് ചെയ്യാറുള്ളത്: തെസ്നി ഖാൻ

മലയാള സിനിമ പ്രേമികൾക്ക് ഏറെ സുപരിചിതയായ നടിയാണ് തെസ്നി ഖാൻ.  മലയാളചലച്ചിത്രങ്ങളിൽ ഹാസ്യ വേഷങ്ങളാണ് തെസ്‌നി ഏറെയും കൈകാര്യം ചെയ്തിട്ടുള്ളത്. അതോടൊപ്പം തന്നെ നിരവധി സ്റ്റേജ് ഷോസിലും തെസ്‌നി സജീവയായിരുന്നു. എന്നാൽ ഇപ്പോൾ കേരളത്തില്‍ ഇപ്പോഴുള്ള ഭരണത്തില്‍ പ്രശ്‌നങ്ങളൊന്നും ഇല്ല. ഏത് പാര്‍ട്ടി ഭരണത്തില്‍ വന്നാലും ചില പ്രശ്‌നങ്ങള്‍ ഉണ്ടാവുമെന്ന് സിനിമ താരം തെസ്‌നി ഖാന്‍ പറയുന്നു.

 പ്രളയ സമയത്തും കൊവിഡ് പ്രതിസന്ധിയിലും, എല്‍ഡിഎഫ് സര്‍ക്കാര്‍ നിരവധി നല്ല കാര്യങ്ങള്‍ ചെയ്തിട്ടുണ്ട്. ആര്‍ട്ടിസ്റ്റുകള്‍ പാര്‍ട്ടി നോക്കിയല്ല, മറിച്ച്‌ വ്യക്തികളെ നോക്കിയാണ് വോട്ട് ചെയ്യാറ്. നല്ല വ്യക്തി ഏതൊ അവര്‍ക്ക് വോട്ട് ചെയ്യും. ഏത് വ്യക്തിയാണ് പഞ്ചായത്തിനോ, മണ്ഡലത്തിനോ വേണ്ടി നല്ല കാര്യങ്ങള്‍ ചെയ്യുക, അവരെ ജയപ്പിക്കാനാണ് ശ്രമിക്കുക.

വനിതകള്‍ കൂടുതല്‍ രാഷ്ട്രീയത്തിലെക്ക് വരുന്നത് നല്ലതാണ്. ഭരണം തീര്‍ച്ചയായും സ്ത്രീകള്‍ വന്നാല്‍ നല്ല രീതിയില്‍ പോകും.  വളരെ ചെറുപ്പം മുതലെ തെഞ്ഞെടുപ്പ് പ്രചരണങ്ങള്‍ക്ക് ഉപ്പയോടൊപ്പം പോകാറുണ്ടായിരുന്നു. തന്റെ ചെറുപ്പകാലത്തെ തെരഞ്ഞെടുപ്പുമായി ബന്ധപ്പെട്ട് നിരവധി അനുഭവങ്ങൾ ഉണ്ടായിട്ടുണ്ട് എന്നും തെസ്നി തുറന്ന് പറയുന്നു.