എന്നെയൊക്കെ വായി നോക്കിയിട്ടുണ്ട്; എത്ര ഭംഗി ഇല്ലെങ്കിലും നോക്കിയേ പറ്റൂ; ഗ്ലാമറുള്ളതിനെ കാണുമ്പോൾ അങ്ങോട്ട് പോകും: തെസ്നി ഖാൻ

മലയാള സിനിമ പ്രേമികൾക്ക് ഏറെ സുപരിചിതയായ നടിയാണ് തെസ്നി ഖാൻ.  മലയാളചലച്ചിത്രങ്ങളിൽ ഹാസ്യ വേഷങ്ങളാണ് തെസ്‌നി ഏറെയും കൈകാര്യം ചെയ്തിട്ടുള്ളത്. അതോടൊപ്പം തന്നെ നിരവധി സ്റ്റേജ് ഷോസിലും തെസ്‌നി സജീവയായിരുന്നു.  വളരെയധികം പ്രാധാന്യമുള്ള വേഷങ്ങളിൽ പല സൂപ്പർ താര സിനിമകളിലും  തെസ്‌നി എത്തിയിട്ടുണ്ട്. മിമിക്രി വേദികളിൽ നിന്നും സിനിമയിൽ സജീവമായ താരം കൂടിയാണ് തെസ്‌നി ഖാൻ. ബിഗ് ബോസ് മലയാള് രണ്ടാം സീസണിൽ മത്സരാർത്ഥിയായിരുന്നു തെസ്‌നി ഖാൻ. 

സ്വാസിക അവതരിപ്പിയ്ക്കുന്ന റെഡ് കാർപെറ്റ് എന്ന ഷോയിൽ എത്തിയപ്പോൾ കലാഭവനിലെ ഓർമകൾ പങ്കുവച്ച എത്തിയിരിക്കുകയാണ് താരം. മാജിക്കിലൂടെയാണ് ഞാൻ കരിയർ ആരംഭിച്ചത്. വാപ്പയുടെ കൂടെ അസിസ്റ്റന്റ് ആയി പോകുമായിരുന്നു. സ്‌കൂൾ പഠന കാലം മുതൽ തുടങ്ങിയതാണ്. പിന്നീട് ശരീര ഭാരം കൂടിയപ്പോൾ വാപ്പയുടെ കൂടെയുള്ള മാജിക് ഷോകൾ നിർത്തി. പുറത്ത് ചെറിയ ഷോകൾ ചെയ്തു. പിന്നീട് ആണ് കലാഭവനിൽ എത്തുന്നത്. കലാഭവനിൽ അപ്പോൾ ഉണ്ടായിരുന്ന ഒരേ ഒരു പെൺ ആർട്ടിസ്റ്റ് താൻ മാത്രമായിരുന്നു.

സ്വാസിക അവിടെ നാദിർഷ ഒക്കെ ഉണ്ടായിരുന്നില്ലെ, എങ്ങിനെയായിരുന്നു ഉഴപ്പനായിരുന്നോ വായി നോക്കിയായിരുന്നോ എന്ന ചോദ്യം ചോദിച്ചത്. പിന്നെ, എന്നെയൊക്കെ വായി നോക്കിയിട്ടുണ്ട്. എത്ര ഭംഗി ഇല്ലെങ്കിലും നോക്കിയേ പറ്റൂ, ഞാനല്ലേ ഉള്ളൂ. പിന്നെ ഗ്ലാമറുള്ളതിനെ കാണുമ്പോൾ അങ്ങോട്ട് പോകും എന്നായിരുന്നു തെസ്‌നി ഖാന്റെ മറുപടി. കലാഭവനിൽ എല്ലാത്തിനും വളരെ അധികം സപ്പോർട്ട് ആയിരുന്നു. ഡാൻസും പാട്ടും സ്‌കിറ്റും അങ്ങനെ എല്ലാം ചെയ്യും. അവിടെ നിന്നാണ് സിനിമയിലേക്ക് അവസരം ലഭിയ്ക്കുന്നത്.