മഞ്ഞ ചേലയിൽ ഗുരുവായൂരപ്പന്റെ സന്നിധിയിൽ എത്തി നടി അനുശ്രീ; കണ്ണനെ കൺകുളിർക്കെ കണ്ട താരത്തിന്റെ മനോഹര ചിത്രങ്ങൾ ഏറ്റെടുത്ത് സോഷ്യൽ മീഡിയ

ഒട്ടനവധി വ്യത്യസ്ത കഥാപാത്രങ്ങളിലൂടെ മലയാളികള്‍ക്ക് ഏറെ പ്രിയങ്കരിയായി മാറിയ താരമാണ് അനുശ്രീ. മലയാളത്തിലെ യുവതാരങ്ങള്‍ക്കും സൂപ്പര്‍ സ്റ്റാര്‍സിനുമൊപ്പവും അഭിനയിച്ച അനുശ്രീ താരജാഡകള്‍ ഒന്നുമില്ലാത്ത ഒരു താരമാണ് താനെന്ന് പലവട്ടം തെളിയിച്ചിട്ടുണ്ട്. വെടിവഴിപാട്, റെഡ് വൈന്‍,പുള്ളിപ്പുലികളും ആട്ടിന്‍കുട്ടിയും ,നാക്കു പെന്റ നാക്കു ടാക്ക, ചന്ദ്രേട്ടന്‍ എവിടെയാ,ഒപ്പം തുടങ്ങിയ ശ്രദ്ധേയമായ വേഷങ്ങൾ അവതരിപ്പിക്കുകയും ചെയ്തിട്ടുണ്ട്. തന്റെ നാട്ടിലെ പരിപാടികള്‍ക്കെല്ലാം അനുശ്രീ സജീവമായി പങ്കെടുക്കാറുണ്ട്. എന്നാൽ ഇപ്പോൾ താരത്തിന്റെ ഒരു ചിത്രമാണ് സോഷ്യൽ മീഡിയയിലൂടെ ശ്രദ്ധ നേടുന്നത്.

മഞ്ഞ പുടവ ഉടുത്ത് ഗുരുവായൂരപ്പൻറെ സന്നിധിയിൽ നിൽക്കുന്ന താരത്തിന്റെ ചിത്രങ്ങളാണ് സോഷ്യൽ മീഡിയ ഇപ്പോൾ ഏറ്റെടുത്തിരിക്കുന്നത്. ഗുരുവായൂരപ്പൻറെ സന്നിധിയിൽ എന്നാണ് താരം  പങ്കുവച്ച ചിത്രത്തിന്  ഒപ്പം കുറിച്ചിരിക്കുന്നത്. ചിത്രത്തിൽ അതീവ സുന്ദരിയായി എത്തിയ അനുശ്രീയുടെ  ചിത്രങ്ങൾക്ക് ചുവടെ നിരവധി  കമന്റുകളാണ് വരുന്നതും.

അതേസമയം സോഷ്യൽ മീഡിയയിൽ ഏറെ സജീവയായ താരത്തിന്റെ വിശേഷങ്ങളും ചിത്രങ്ങളും എല്ലാം തന്നെ വൈറലായി മാറിയിരുന്നു. അടുത്തിടെ ശ്രീകൃഷ്ണ ജയന്തി ദിനത്തോടനുബന്ധിച്ച് താരം നടത്തിയ ഫോട്ടോഷൂട്ട് ചിത്രങ്ങൾ എല്ലാം തന്നെ സോഷ്യൽ മീഡിയ ഏറ്റെടുത്തിരുന്നു. താരജാഡകൾ ഒന്നും തന്നെ കാണിക്കാത്ത അനുശ്രീക്ക് നിരവധി ആരാധകരാണ് ഉള്ളത്. നിരവധി ഗ്ളാമറസ് ചിത്രങ്ങളായിരുന്നു താരം ലോക്ക് ഡൗൺ കാലത്ത് ഉൾപ്പെടെ സമൂഹമാധ്യമങ്ങളിൽ പങ്കുവച്ചിരുന്നത്.