പൃഥ്വിരാജ് വന്ന് എന്നെ കെട്ടിപ്പിടിച്ചു; പിറ്റേന്നാണ് അറിഞ്ഞത് പുള്ളിയ്ക്ക് കോവിഡാണെന്ന്; വെട്ടിലായ സംഭവം പങ്കുവച്ച് സുരാജ്

പ്രേക്ഷകരെ ഒരുപോലെ  ചിരിപ്പിക്കുകയും കരയിപ്പിക്കുകയും ചെയ്യുന്ന ഒരു  നടനാണ് സുരാജ് വെഞ്ഞാറമൂട്. ചെറിയ കുട്ടികൾ മുതൽ  മുത്തശ്ശിമാർ ഉൾപ്പെടെ  വരെ സുരാജിന്റെ ആരാധകരാണ്. സുരാജ് വെഞ്ഞാറമ്മൂടും പൃഥ്വിരാജും പ്രധാനകഥാപാത്രങ്ങളായി എത്തുന്ന ജനഗണമന തിയേറ്ററുകളിലെത്താനുള്ള തയ്യാറെടുപ്പുകൾ തുടരുകയാണ്. എന്നാൽ ഇപ്പോൾ  ഒരു അഭിമുഖത്തില്‍ സെറ്റിലെ രസകരമായ അനുഭവങ്ങള്‍ പങ്കുവെച്ചിരിക്കുകയാണ് സുരാജ്. തനിക്ക് മൂന്നുവട്ടം കോവിഡ് വന്നതിനെക്കുറിച്ചും അദ്ദേഹം വെളിപ്പെടുത്തി.

കോവിഡിനെ നമ്മള്‍ ഭയന്നിരുന്ന സമയത്താണ് എനിക്കൊരു സംസ്ഥാന അവാര്‍ഡ് കിട്ടുന്നത്. നമ്മുടെ ഷൂട്ടിങ്ങ് തുടങ്ങി രണ്ട് ദിവസമേ ആയിട്ടുണ്ടായിരുന്നുള്ളൂ ആ സംസ്ഥാന അവാര്‍ഡ് കിട്ടിയപ്പോള്‍.അപ്പോഴത്തേക്കും പൃഥ്വിരാജ് വന്ന് എന്നെ ഒന്ന് കെട്ടിപ്പിടിച്ചു. ഹഗ് ചെയ്തിട്ട് അങ്ങ് പോയി. അതിന്റെ പിറ്റേന്നാണ് അറിയുന്നത് പുള്ളിയ്ക്ക് കോവിഡ് ആയെന്ന്.

പിന്നെ ഞാന്‍ പോയി ചെക്ക് ചെയ്ത്, എനിക്കും കോവിഡ് ആയി. പക്ഷെ, മൂന്ന് കോവിഡ് വന്ന ഒരേ ഒരാള്‍ ഞാനാണ്. നാലാമത്തേത്, അവിടെ ‘നിയോ കോവ്’ എന്തോ ഗവേഷണം നടക്കുന്നുണ്ടല്ലോ. മിക്കവാറും അത് ഞാന്‍ തന്നെ ലോഞ്ച് ചെയ്യും. കോവിഡിന് എന്നെ ഇഷ്ടമായി,” സുരാജ് പറഞ്ഞു.

 ജന ഗണ മനയില്‍ മറ്റ് പ്രധാന കഥാപാത്രങ്ങളെ മമ്ത മോഹന്‍ദാസ്, ധ്രുവന്‍, വിന്‍സി അലോഷ്യസ്, ശാരി എന്നിവരാണ് അവതരിപ്പിക്കുന്നത്.  സിനിമയുടെ രചന നിർവഹിക്കുന്നത് ഷാരിസ് മുഹമ്മദ് ആണ്. ചിത്രം നിര്‍മിക്കുന്നത് ഷാരിസ് മുഹമ്മദ് ആണ്. ക്യാമറ സുദീപ് ഇളമണ്‍, സംഗീതം ജേക്സ് ബിജോയ്.