മലയാള സിനിമയുടെ എക്കാലത്തെയും എവര്ഗ്രീന് ഹിറ്റ് ചിത്രമായിരുന്നു 'അനിയത്തിപ്രാവ്'. കുഞ്ചാക്കോ ബോബനും, ബേബി ശാലിനിയും തകര്ത്ത് അഭിനയിച്ച ആ പടം ഇറങ്ങിയിട്ട് ഇന്ന് 28 വര്ഷം തികയുന്നു. കുറെ പഴയ നല്ല ഓര്മ്മകളേയും തൊട്ടുണര്ത്തുന്ന ചിത്രം കൂടിയായിരുന്നു ചാക്കോച്ചന്റേയും ശാലിനിയുടേയും അനിയത്തിപ്രാവ്. ഇപ്പോഴിതാ, കുഞ്ചാക്കോ ബോബനെ ചാക്കോച്ചനാക്കിയ സുധിയെ തന്നോളം തന്നെ സ്നേഹിച്ച പ്രിയ ആരാധകര്ക്ക് നന്ദി പറയുകയാണ് പ്രിയതാരം. ഒപ്പം 28 വര്ഷങ്ങള് പിന്നിട്ട ചിത്രത്തിന്റെ ഓര്മ്മകളും ഫേസ്ബുക്കിലൂടെ പങ്കുവെച്ചിരിക്കുകയാണ്.
താരത്തിന്റെ ഫേസ്ബുക്ക് കുറിപ്പ്... നായകനായി അഭിനയിച്ച ആദ്യ സിനിമ പുറത്തിറങ്ങുമ്പോള് പ്രതീക്ഷിച്ചതല്ല, 28 വര്ഷങ്ങള്ക്കു ശേഷം ഇതുപോലൊരു കുറിപ്പ്. ഈ സ്നേഹം എനിക്ക് നല്കാന് കാരണക്കാരായ ആയ പാച്ചിക്കക്കും നിര്മാതാവ് സ്വര്ഗ്ഗചിത്ര അപ്പച്ചനും, അവരുടെ സുധിയുടെ നന്ദി. സുധിയെ ഇപ്പോഴും നെഞ്ചിലേറ്റി സ്നേഹിക്കുന്ന, നല്ല സിനിമകള് ചെയ്യുമ്പോള് തിയേറ്ററില് എത്തുകയും മോശം സിനിമകള് പരാജയപ്പെടുത്തി ശാസിക്കുകയും ചെയ്യുന്ന പ്രേക്ഷകരോടും, സിനിമാ മേഖലയിലെ എന്റെ എല്ലാ സഹപ്രവര്ത്തകരോടും ഹൃദയം നിറഞ്ഞ നന്ദി.
മലയാളിയുടെ സ്വന്തം ഉദയ പിക്ചേഴ്സ് 79 വര്ഷം പൂര്ത്തിയാക്കുന്നു. വിജയങ്ങളേക്കാള് പരാജയങ്ങളുടെ കണക്കുകളേക്കുറിച്ച് വ്യക്തമായ ''ക്ലാരിറ്റി'' അറിയുകയും, അനുഭവിക്കുകയും ചെയ്ത ഒരു കുടുംബമാണ് ഉദയ. വിണ്ണിലെ താരം എന്ന സങ്കല്പ്പത്തിനേക്കാള് മണ്ണിലെ മനുഷ്യനായി നില്ക്കാനുഉള്ള തിരിച്ചറിവും, വിവേകവും, പക്വതയും ആ പരാജയങ്ങള് നല്കി. സിനിമയില് വിജയങ്ങേളേക്കാള് കൂടുതല് സാധ്യത പരാജയപ്പെടാനാണെന്നറിഞ്ഞുകൊണ്ട് തന്നെയാണ് ഈ നിമിഷം വരെയുള്ള യാത്രയും.
കൂടുതല് ഉത്തരവാദിത്വത്തോടെ നല്ല കഥാപാത്രങ്ങളുമായി നല്ല സിനിമകളുമായി വീണ്ടും വരും എന്ന ഉറപ്പോടെ... നിങ്ങള് നല്കുന്ന സ്നേഹത്തില് നിന്നുള്ള ഉറച്ച ആത്മവിശ്വാസത്തോടെ, വിനയത്തോടെ, സ്നേഹത്തോടെ... നിങ്ങളുടെ സ്വന്തം , കുഞ്ചാക്കോ ബോബന്
Premium Lifestyle and Entertainment website
'ദൃഢം' സിനിമ കണ്ടു;. ഞാന് മാതൃഭൂമി ആഴ്ച പതിപ്പില് പ്രസിദ്ധീകരിച്ച 'കരിങ്കുടി പോലീസ് സ്റ്റേഷന്' എന്ന ചെറുകഥ മോഷ്ടിച്ചതാണ് ഇതിലെ മൂല കഥ എന്ന് പറഞ്ഞാല് ഒരു തെറ്റുമില്ല; ഷെയ്ന് നിഗം ചിത്രങ്ങള്ക്കെതിരെ കഥാ മോഷണ ആരോപണവുമായി മുന് ഡിജിപി ആര്. ശ്രീലേഖ 
മുടി മുറിച്ചത് ചേയ്ഞ്ചാവാന് അല്ല; ആശുപത്രിയും വീടും മാത്രമായി ജീവിതം; കീമോ തുടങ്ങും മുമ്പുള്ള ടെസ്റ്റുകള് നടത്തി; മരുന്ന് കഴിതോടെ വായയൊക്കെ പൊട്ടി; രോഗത്തില് നിന്ന് മുക്തി നേടി തിരിച്ച് വരും; എല്ലാവരുടേയും സ്നേഹവും പ്രാര്ത്ഥനയും ലഭിച്ചപ്പോള് രോഗം പകുതി കുറഞ്ഞ ഫീല്; കീമോ തുടങ്ങാന് പോകുന്ന വിവരം പങ്ക് വച്ച് രേണു സുധി