ധീരമായ നിലപാടില്‍ ഉറച്ചു നില്‍ക്കാന്‍ കരുത്ത് കാണിച്ച ഈ മൂന്നു വനിതകള്‍ക്ക് ബിഗ് സല്യൂട്ട്; നിങ്ങളായിരുന്നു ശരി എന്ന് കാലം തെളിയിക്കും; പിന്തുണയുമായി ബെന്യാമിന്‍

ആക്രമിക്കപ്പെട്ട നടിക്ക് തുടക്കം മുതല്‍ എല്ലാ പിന്തുണയും നല്‍കി ഒപ്പം നിന്നവരാണ് നടി പാര്‍വ്വതി രേവതി പദ്മപ്രിയ തുടങ്ങിയ താരങ്ങള്‍. ഒരോ തവണയും അവള്‍ക്കൊപ്പമാണ് തങ്ങളെന്ന് ധൈര്യത്തോടെ വിളിച്ചു പറയുകയാണ് ഈ നായികമാര്‍. സിനിമയിലെ മുന്നോട്ടു യാത്രയെക്കുറിച്ചോ നഷ്ടമാകാന്‍ സാധ്യതയുളള അവസരങ്ങളെക്കുറിച്ചോ ചിന്തിക്കാതെയാണ് ഈ നടിമാര്‍ മുന്നോട്ടു പോകുന്നത്. 

ഇപ്പോള്‍ ഇവര്‍ക്ക്് പിന്തുണയുമായി പ്രശസ്ത എഴുത്തുകാരന്‍ ബെന്യാമിന്‍. ാര്യസാദ്ധ്യതകളുടെ മാത്രം ഈ ലോകത്ത് വരും വരായ്കകളെ കുറിച്ച് ആലോചിക്കാതെ ഇരയായ പെണ്‍കുട്ടിയെ ചേര്‍ത്തു പിടിക്കാനും ധീരമായ നിലപാടില്‍ ഉറച്ചു നില്‍ക്കാനും കരുത്ത് കാണിച്ച ഈ മൂന്നു വനിതകള്‍ക്ക് ബിഗ് സല്യൂട്ട് എന്ന് ബെന്യാമിന്‍ തന്റെ ഫെയ്‌സ്ബുക്കില്‍ കുറിച്ചു.

ബെന്യാമിന്റെ ഫെയ്‌സ്ബുക്ക് കുറിപ്പ്:

കാര്യസാദ്ധ്യതകളുടെ മാത്രം ഈ ലോകത്ത് വരുംവരായ്കകളെ കുറിച്ച് ആലോചിക്കാതെ ഇരയായ പെണ്‍കുട്ടിയെ ചേര്‍ത്തു പിടിക്കാനും ധീരമായ നിലപാടില്‍ ഉറച്ചു നില്‍ക്കാനും കരുത്ത് കാണിച്ച ഈ മൂന്നു വനിതകള്‍ക്ക് ബിഗ് സല്യൂട്ട്. ലിംഗനീതിയും സമത്വവും ഉറപ്പു വരുത്തുന്നതിന് പൊതുജന പിന്തുണ ഇവര്‍ക്ക് ആവശ്യമുണ്ട്. പാര്‍വതി, രേവതി, പദ്മപ്രിയ. മുന്നോട്ട് പോവുക. നിങ്ങളായിരുന്നു ശരി എന്ന് കാലം തെളിയിക്കും