പ്രശസ്ത സിനിമാ നടന്‍ റഹ്മാന്റെ പിതാവ് അന്തരിച്ചു...!

മലയാളസിനിമയില്‍ എണ്‍പതുകളില്‍ തിളങ്ങി നിന്ന നടന്‍ റഹ്മാന്റെ പിതാവ് നിലമ്പൂര്‍ ചന്തക്കുന്ന് കുഴിക്കാട്ടില്‍ കെ.എം.എ റഹ്മാന്‍ (85) നിര്യാതനായി. ഖബറടക്കം ഇന്ന് വൈകുന്നേരം 6.30ന് ചന്തക്കുന്ന് വലിയ ജുമാ മസ്ജിദ് ഖബറ സ്ഥാനില്‍ നടക്കും. ഭാര്യ സാവി. മകള്‍ ഡോ: ഷെമീമ മരുമക്കള്‍. മെഹ്റുന്നീസ്. ആരീഫ് ബാംഗ്ലൂര്‍. 

മലയാളത്തിലൂടെയാണ് അരങ്ങേറ്റം നടത്തിയതെങ്കിലും  റഹ്മാന്‍ പിന്നീട്  മറ്റ് ദക്ഷിണേന്ത്യന്‍ ചലച്ചിത്ര മേഖലയിലേക്ക് ചേക്കേറി. 1983ലില്‍ പുറത്തിറങ്ങിയ പത്മരാജന്‍ സംവിധാനം ചെയ്ത കൂടെവിടെ ആയിരുന്നു റഹ്മാന്റെ ആദ്യ മലയാളചിത്രം. ഈ ചിത്രത്തിലെ രവി പൂത്തൂരാന്‍ എന്ന കൗമാരക്കാരന്റെ വേഷത്തോടെ മലയാളത്തില്‍ റഹ്മാന്‍ തന്റെ സ്ഥാനം ഉറപ്പിച്ചു. റഷീന്‍ റഹ്മാന്‍ എന്നാണ് റഹ്മാന്റെ യഥാര്‍ത്ഥ പേര്. തമിഴ്, മലയാളം, തെലുങ്ക് ഭാഷകളിലായി നൂറ്റമ്പതിലേറെ ചിത്രങ്ങളില്‍ നായക-ഉപനായക വേഷങ്ങളില്‍ ഇതിനോടകം അഭിനയിച്ചു.

ഫേസ്ബുക്ക് പേജിലൂടെ റഹ്മാന്‍ തന്നെയാണ് പിതാവിന്റെ മരണവിവരം അറിയിച്ചിരിക്കുന്നത്. ആരാധകരടക്കം നിരവധി പേരാണ് താരപിതാവിന്റെ വിയോഗത്തില്‍ അനുശോനവുമായി എത്തിയിരിക്കുന്നത്.