ടിആര്‍പി റേറ്റിംഗില്‍ വീണ്ടും മുന്നിലായി എഷ്യാനെറ്റിലെ കുടുംബവിളക്ക്. ഏഷ്യാനെറ്റിൽ സംപ്രേഷണം ചെയ്യുന്ന ഒരു മലയാളഭാഷ കുടുംബ പരമ്പരയാണ് കുടുംബവിളക്ക്. 27 ജനുവരി 2020 മുതലാണ് ഈ പരമ്പര സംപ്രേഷണം ചെയ്ത് തുടങ്ങിയത്. ബംഗാളി സീരിയൽ ശ്രീമോയീ എന്ന പരമ്പരയുടെ പുനരാവിഷ്കരണമാണ് കുടുംബവിളക്ക്. മാസങ്ങളായി കേരളത്തിലെ പ്രേക്ഷകരില്‍ എറ്റവും കൂടുതല്‍ പേര് കാണുന്ന പരമ്പരയാണ് കുടുംബവിളക്ക്. കഴിഞ്ഞ വര്‍ഷം സംപ്രേക്ഷണം ആരംഭിച്ച കുടുംബവിളക്കില്‍ തന്മാത്രയിലെ മോഹന്‍ലാലിന്‌റെ നായിക മീരാ വാസുദേവാണ് മുഖ്യവേഷത്തില്‍ എത്തുന്നത്. മീരയുടെ സുമിത്ര എന്ന കഥാപാത്രം മലയാളികള്‍ ഒന്നടങ്കം ഏറ്റെടുത്തിരുന്നു. കുടുംബത്തിന്റെ സന്തോഷത്തിന് വേണ്ടി സ്വന്തം ജീവിതം ത്യജിക്കുന്ന കഥാപാത്രമായാണ് സുമിത്ര പ്രേക്ഷകർക്ക് പരിചിതയാകുന്നത്. മീരാ വാസുദേവിനൊപ്പം കെ കെ മേനോനും കുടുംബവിളക്കില്‍ പ്രധാന വേഷത്തിലെത്തുന്നു. സിദ്ധാർഥ് എന്നാണ് ഇദ്ദേഹം ചെയ്യുന്ന കഥാപാത്രത്തിന്റെ പേര്.
അതേസമയം കുടുംബവിളക്കിന് പിന്നാലെ ടിആര്‍പി റേറ്റിംഗില്‍ സാന്ത്വനമാണ് രണ്ടാമത് എത്തിയിരിക്കുന്നത്. രണ്ടാമത്തെയും മൂന്നാമത്തെയും സ്ഥാനങ്ങള്‍ക്കിടയില്‍ മാറി മാറി വന്ന ജനപ്രിയ പരമ്പര സാന്ത്വനം ഇത്തവണ രണ്ടാം സ്ഥാനത്തേക്ക് തിരിച്ചെത്തിയിട്ടുണ്ട്. ഒന്നാം സ്ഥാനം മാത്രമാണ് എല്ലാവരും അറിയുന്നത്. ടി ആർ പിയിൽ രണ്ടാം സ്ഥാനം കിട്ടിയവരും മോശമല്ല. ശിവന്റെയും അഞ്ജലിയുടെയും പ്രണയവും സാന്ത്വനം വീട്ടിലെ പിണക്കവും ഇണക്കവുമെല്ലാം ആണ് പരമ്പരയില്‍ മുഖ്യ ആകര്‍ഷണമായത്. തമിഴിലെ ജനപ്രിയ സീരിയലായ പാണ്ഡ്യന്‍ സ്റ്റോര്‍സിന്‌റെ മലയാളം റീമേക്കായാണ് സാന്ത്വനം പ്രേക്ഷകര്‍ക്ക് മുന്നില്‍ എത്തുന്നത്. സാന്ത്വനത്തിന് പിന്നാലെ പാടാത്ത പൈങ്കിളി, മൗനരാഗം എന്നീ സീരിയലുകളും ടിആര്‍പി റേറ്റിംഗില്‍ സ്ഥാനം പിടിച്ചിരിക്കുന്നു. പ്രേക്ഷകരുടെ ഇഷ്ട പരമ്പര മൌനരാഗമാണ് നാലാം സ്ഥാനത്തെങ്കില്‍ അഞ്ചാം സ്ഥാനത്ത് അമ്മയറിയാതെയാണ്.
ഈ നാല് സീരിയലുകള്‍ക്ക് പിന്നാലെയാണ് ബിഗ് ബോസ് സീസണ്‍ 3 ആണ് ഉള്ളത്. അതായതു ടി ആർ പിയിൽ ഇപ്പോൾ ആറാം സ്ഥാനത്താണ് ബിഗ്‌ബോസ്. സംപ്രേക്ഷണം ആരംഭിച്ച് രണ്ട് ആഴ്ച കഴിഞ്ഞിട്ടും ഇതുവരെയും റേറ്റിംഗില്‍ ആദ്യ അഞ്ച് സ്ഥാനങ്ങളില്‍ എത്താന്‍ മോഹന്‍ലാല്‍ അവതാരകനായി എത്തുന്ന ഷോയ്ക്ക് കഴിഞ്ഞിട്ടില്ല. അതേസമയം ഇനി വരുന്ന ആഴ്ചകളില്‍ ബിഗ് ബോസ് റേറ്റിങ്ങില്‍ മുന്നിലെത്തുമെന്നാണ് സൂചനകള്‍. ബിഗ് ബോസിന്‌റെ കഴിഞ്ഞ കുറച്ച് ദിവസങ്ങളിലായി സംപ്രേക്ഷണം ചെയ്ത എപ്പിസോഡുകള്‍ കൂടുതല്‍ പേര് കണ്ടിരുന്നു.
Premium Lifestyle and Entertainment website
ന്യൂ ഇയര്‍ ദിവസം മൈഗ്രെയ്ന്‍ കൂടി ആശുപത്രിയില്‍; തലേദിവസം പാര്‍ട്ടി കൂടി പോയതാണെന്ന് ചിന്തിക്കുമോയെന്ന് വിചാരിച്ച് ആശുപത്രിയില്‍ പോകാന്‍ മടിച്ചു;എല്ലാ ദിവസവും ഇഞ്ചക്ഷന്‍ എടുക്കേണ്ട അവസ്ഥ; കുറേക്കാലം ഞാന്‍ മഞ്ഞനിറത്തെ വെറുക്കാന്‍, കാരണം കുട്ടിക്കാലത്തുണ്ടായ മോശം അനുഭവം; ഐശ്വര്യ ലക്ഷ്മിക്ക് പറയാനുള്ളത്
ധനുഷ് ഒരു പ്രതികാരദാഹി; തങ്ങള്‍ക്കെതിരെ 10 കോടിയുടെ നഷ്ടപരിഹാരം ആവശ്യപ്പെട്ടു; ദൈവം എല്ലാം കാണുന്നുണ്ട്; നടന്‍ ധനുഷിനെതിരെ തുറന്നകത്തുമായി നടി നയന്‍താര; നെറ്റ്ഫ്‌ലിക്‌സ് ഡോക്യുമെന്ററിയെ ചൊല്ലി വിവാദം കനക്കുന്നു; കോളിവുഡില്‍ വന്‍ താരപ്പോര്.
അനശ്വരനായ സത്യന് ശേഷം, ഭാവങ്ങള്‍ക്കായി കണ്ണുകള്‍ സൂക്ഷ്മതയോടെ ഉപയോഗിക്കുന്ന നട്ന്‍;കരിവീട്ടിയുടെ ഉശിരും, സര്‍പ്പത്തിന്റെ കണ്ണിലെ കൂര്‍മതയും ഒരുപോലെ ഉപയോഗിക്കുന്ന അപൂര്‍വം നടമാരില്‍ നിങ്ങളും; പണി സിനിമ കണ്ട സംവിധായകന്‍ ഭദ്രന്‍ കുറിച്ചത്
ഒടുവില്‍ ആ നേട്ടവും കൈവരിച്ച് ഇന്ദ്രന്‍സ്; ഏഴാം ക്ലാസ് തുല്യതാ പരീക്ഷ പാസായി നടന്‍: അഭിനന്ദനവുമായി മന്ത്രിയും ആരാധകരും 
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം