പേളിയുടെ ആഗ്രഹങ്ങള്‍ സഫലമാക്കുന്ന തിരക്കില്‍ ശ്രീനിഷ്; കുഞ്ഞതിഥി എത്തുന്നത് ആഘോഷമാക്കി പേളിയുടെ കുടുംബം

മിനിസ്‌ക്രീന്‍ പ്രേക്ഷകര്‍ക്ക് ഏറെ പ്രിയപ്പെട്ട താരജോഡികളാണ് ശ്രിനിഷ് അരവിന്ദും പേളി മാണിയും. ബിഗ്ബോസിലെത്തി സുഹൃത്തുക്കളായ ഇവര്‍ പിന്നീട് പ്രണയത്തിലാകുകയും വിവാഹിതരാകുകയും ചെയ്തു. ബിഗ്ബോസിലൊപ്പമുള്ളവര്‍ ഇവരുടെ പ്രണയത്തെ സംശയദൃഷ്ടിയോടെ കണ്ടപ്പോഴും പ്രേക്ഷകര്‍ ഇവര്‍ക്ക് ശക്തമായ പിന്തുണയാണ് നല്‍കിയത്. കഴിഞ്ഞ മേയിലായിരുന്നു ഹിന്ദു, ക്രിസ്ത്യന്‍ ആചാരപ്രകാരം ഇവരുടെ വിവാഹം നടന്നത്. ഇതിന് പിന്നാലെ പേളി ഗര്‍ഭിണിയാണ് എന്ന തരത്തില്‍ പല വ്യാജ വാര്‍ത്തകളും എത്തിയിരുന്നു. എന്നാല്‍ അങ്ങനെയൊരു കാര്യം സംഭവിച്ചാല്‍ അത് താന്‍ തന്നെ അറിയിക്കുമെന്നാണ് പേളി വ്യക്തമാക്കിയത്. ഒടുവില്‍ കഴിഞ്ഞ ദിവസമാണ് ഒരു വീഡിയോയിലൂടെ താന്‍ ഗര്‍ഭിണിയാണ് എന്ന പേളി സോഷ്യല്‍മീഡിയയില്‍ പോസ്റ്റ് ചെയ്യ്തത്.

ഇതോടെ സോഷ്യല്‍മീഡിയയില്‍ ആരാധകര്‍ ആഘോഷവും തുടങ്ങി. തങ്ങള്‍ കേള്‍ക്കാന്‍ ആഗ്രഹിച്ച വാര്‍ത്ത തന്നെയാണ് ഇതെന്ന് പറഞ്ഞായിരുന്നു ആരാധകരെത്തിയത്. നേരത്തെ ഉപ്പിലിട്ട മാങ്ങ പേളി മാണി സ്റ്റാറ്റസാക്കിയപ്പോഴേ സംശയമുണ്ടായിരുന്നുവെന്നായിരുന്നു ആരാധകരില്‍ ചിലര്‍ പറഞ്ഞത്. പേളിയെ പോലെ ചുരുണ്ട മുടിയുള്ള എന്നാല്‍ ശ്രീനിഷിനെ പോലൊരു സുന്ദരക്കുട്ടന്‍ വേണമെന്നും പേളിയുടെ കുസൃതികളുള്ള ഒരു മകള്‍ വേണമെന്നുമൊക്കെയാണ് ആരാധകര്‍ പറയുന്നത്.

കൂട്ടുകുടുംബത്തിലാണ് പേളി താമസിക്കുന്നത് അതിനാല്‍ തന്നെ കുടുംബം മുഴുവന്‍ ഈ സന്തോഷം ആഘോഷമാക്കി മാറ്റുകയാണ്. കഴിഞ്ഞ ദിവസം വീട്ടില്‍ എല്ലാവരും ആട്ടവും പാട്ടുമായി ഒത്തുചേര്‍ന്നതിന്റെ വീഡിയോയും പുറത്തുവന്നിരുന്നു. പേളിയുടെ ആഗ്രഹങ്ങള്‍ നടത്തിക്കൊടുക്കുന്ന തിരക്കിലാണ് ഇപ്പോള്‍ ശ്രീനിയും കുടുംബവും. ഇപ്പോള്‍ ശ്രീനിയുടെ പോസ്റ്റും ചെറിയൊരു വീഡിയോയുമാണ് ശ്രദ്ധനേടുന്നത്. ഒരു അച്ഛനാകുന്നത് ഒരു കുഞ്ഞ് പിറക്കുമ്പോഴല്ല. അത് തുടങ്ങുന്നത് അമ്മ ഗര്‍ഭിണിയാകുന്നതോടെയാണ് എന്നാണ് പേളിക്കൊപ്പമുളള ചിത്രം പങ്കുവച്ച് ഒരു പോസ്റ്റില്‍ ശ്രീനി കുറിച്ചത്. പേളിയുമൊത്ത് ഔട്ടിങ്ങിന് പോയ വീഡിയോ നേരത്തെ ശ്രീനി പങ്കുവച്ചിരുന്നു. ഇപ്പോള്‍ പേളിയെയും കൊണ്ട് റസ്റ്ററന്റില്‍ പോയ വീഡിയോയാണ് ശ്രീനി പങ്കുവച്ചിരിക്കുന്നത്. ഫ്രഞ്ച് ഫ്രൈസും ജ്യൂസുമൊക്കെ കഴിക്കുന്ന പേളിയുടെ വീഡിയോക്ക് ഫുഡ് മുഖ്യം ബിഗിലേ എന്നാണ് ശ്രീനി അടിക്കുറിപ്പായി ചേര്‍ത്തിരിക്കുന്നത്.