രണ്ടാമത് ദൈവമായി കൊണ്ടു തന്നതാണ് വാവക്കുട്ടനെ; ആദ്യ വിവാഹത്തെക്കുറിച്ചും ജീവിതത്തെക്കുറിച്ചും കൊല്ലം സുധി

മിനിസ്‌ക്രീനിലും ബിഗ്സ്‌ക്രീനിലും  സജീവമായ താരങ്ങള്‍ പങ്കെടുക്കുന്ന പരിപാടിയാണ് സ്റ്റാര്‍ മാജിക്. പരിപാടിയില്‍ അവതാരകയായി എത്തുന്നത് ലക്ഷ്മി നക്ഷത്രയാണ്. ഫ്‌ളവേഴ്‌സ് ചാനലില്‍ സംപ്രേക്ഷണം ചെയ്യുന്ന പരിപാടിയില്‍ സിനിമ സീരിയല്‍ രംഗത്തെ താരങ്ഹളും നിരവധി മിമിക്രി താരങ്ങളുമാണ് പങ്കെടുക്കുന്നത്. തുടക്കം മുതല്‍ ഈ പരിപാടിയിലുള്ളവരാണ് നോബിയും നെല്‍സണും കൊല്ലം സുധിയുമൊക്കെ. കലാരംഗത്തെ വിശേഷങ്ങളെക്കുറിച്ച് മാത്രമല്ല വ്യക്തി ജീവിതത്തിലെ കാര്യങ്ങളെക്കുറിച്ചും താരങ്ങള്‍ തുറന്നുപറയാറുണ്ട്.

കുടുംബത്തെക്കുറിച്ച് കൊല്ലം സുധി നടത്തിയ തുറന്നുപറച്ചില്‍ അടുത്തിടെ വൈറലായി മാറിയിരുന്നു. വേദിയില്‍ സുധിച്ചേട്ടന്‍ മിമിക്രി അവതരിപ്പിക്കുമ്പോള്‍ മകനേയും നോക്കി ഇരിക്കുന്നതിനെക്കുറിച്ച് അസീസും പറഞ്ഞിരുന്നു. കൈക്കുഞ്ഞായിരിക്കുമ്പോള്‍ മുതല്‍ രാഹുല്‍ അദ്ദേഹത്തിനൊപ്പമുണ്ട്. അവനേയും എന്റെ കൈയ്യില്‍ തന്ന് പോവുകയായിരുന്നുവെന്നായിരുന്നു സുധി പറഞ്ഞത്. ഈ വീഡിയോ വൈറലായി മാറിയതിന് ശേഷമായാണ് സുധിയുടെ കുടുംബത്തെ കാണിക്കാമോയെന്ന് ചോദിച്ച് ആരാധകരെത്തിയത്. കാത്തിരിപ്പിന് വിരാമമിട്ടായിരുന്നു കുടുംബസമേതം സുധി എത്തിയത്.

കടന്നുവന്ന വഴികളെക്കുറിച്ച് സുധി തുറന്നുപറഞ്ഞതോടെ എല്ലാവരും ഒരുപോലെ ആവശ്യപ്പെട്ട കാര്യമായിരുന്നു അദ്ദേഹത്തിന്റെ കുടുംബത്തെ കാണണമെന്നുള്ളത്. ഈ എപ്പിസോഡില്‍ അവരെല്ലാം വന്നിട്ടുണ്ട്. ഭാര്യയേയും മക്കളേയും സുധി ചേട്ടന്‍ തന്നെ വേദിയിലേക്ക് വിളിക്കട്ടെയെന്നായിരുന്നു ലക്ഷ്മി പറഞ്ഞത്. എല്ലാവരും എന്റെ കാര്യങ്ങളൊക്കെ കേട്ട്, ഏറ്റെടുത്ത് കുടുംബത്തെ കാണണമെന്ന് പറഞ്ഞതിനാലാണ് ഞാന്‍ അവരേയും കൊണ്ടുവന്നതെന്നായിരുന്നു സുധി പറഞ്ഞത്.

രേണുവെന്നാണ് ഭാര്യയുടെ പേര്. രാഹുലാണ് എന്‍രെ ആദ്യത്തെ ലൈഫ്. ഇവനെ എനിക്ക് തന്നിട്ട് പോയി. രണ്ടാമത് ദൈവമായി കൊണ്ടുതന്നതാണ് വാവക്കുട്ടനെ. ആദ്യ ബന്ധത്തിലെ മകനാണ് രാഹുലെന്ന് പറയുന്നത് ഭാര്യയ്ക്ക് ഇഷ്ടമില്ല. പുള്ളിക്കാരിയുടെ മൂത്ത മോനാണ് രാഹുല്‍. സുധിക്കുട്ടനെന്നാണ് താന്‍ തിരിച്ചുവിളിക്കാറുള്ളതെന്നായിരുന്നു രേണു പറഞ്ഞത്. സുധി ചേട്ടനുമായി സൗഹൃദമുണ്ടായിരുന്നു. കാര്യങ്ങളൊക്കെ അറിഞ്ഞപ്പോള്‍ സങ്കടമായി. സ്നേഹത്തിലായി. കിച്ചുവിനെ എന്റെ സ്വന്തം മോനായി കണ്ടു. അവനെന്നെ അമ്മേന്ന് വിളിച്ചു. രേണുവിന്റെ ആദ്യത്തെ വിവാഹമായിരുന്നു.

സുധി ചേട്ടന്റെ ചില പ്രകടനങ്ങളൊക്കെ കണ്ട് വിമര്‍ശിക്കാറുണ്ട്. അമ്മ പാവമാണെന്നായിരുന്നു കിച്ചു പറഞ്ഞത്. അച്ഛനും മോനും ഡ്രസും ഷൂവുമൊക്കെ മാറിയിടാറുണ്ട്. ഞങ്ങള്‍ രണ്ടും നല്ല കൂട്ടുകാരെപ്പോലെയാണ്, പണ്ട് അടിയൊക്കെയുണ്ടായിരുന്നു. ഇതിനും യോഗം വേണമെന്നായിരുന്നു സുധി പറഞ്ഞത്. മോന്‍ എന്ത് പറഞ്ഞാലും അദ്ദേഹം സാധിച്ചുകൊടുക്കാറുണ്ട്. വീടും വസ്തുവും വാങ്ങിക്കാനുള്ള നീക്കത്തിലായിരുന്നു സുധി. കുറേ പരിപാടികളൊക്കെ വന്ന സമയമായിരുന്നു. അവര്‍ക്ക് പൈസ് കൊടുക്കാനൊന്നും പറ്റിയില്ല. 

ഭര്‍ത്താവ് മാത്രമല്ല കൂട്ടുകാരനും ചേട്ടനുമൊക്കെയാണ്. ഇടയ്ക്ക് പപ്പയെപ്പോലെ സംസാരിക്കും. അമ്മയെപ്പോലെ സംസാരിക്കാറുണ്ട് ഇടയ്ക്ക്. നല്ലൊരു ഭര്‍ത്താവും അച്ഛനുമാണ് അദ്ദേഹം. ആ ക്വാളിറ്റിയാണ് ഏറെയിഷ്ടം. സുധിച്ചേട്ടന്റെ കാര്യത്തില്‍ ഭയങ്കര കെയറിങാണ് രേണുവെന്നായിരുന്നു സാധിക പറഞ്ഞത്. എവിയേഷന്‍ കഴിഞ്ഞതാണ് രേണു. ബാംഗ്ലൂരിലും തിരുവനന്തപുരത്തുമൊക്കെ ജോലി ചെയ്തിരുന്നു. പ്രണയത്തെക്കുറിച്ച് അറിഞ്ഞപ്പോള്‍ തുടക്കത്തില്‍ എതിര്‍പ്പുകളൊക്കെയുണ്ടായിരുന്നു. എത്ര വലിയ ആര്‍ടിസ്റ്റാണെന്ന് പറഞ്ഞാലും വിവാഹം കഴിഞ്ഞതല്ലേ, ഒരു മോനില്ലേയെന്നൊക്കെ പറഞ്ഞ് വഴക്കുണ്ടാക്കിയിരുന്നു. പിന്നെ എല്ലാവരും സമ്മതിക്കുകയായിരുന്നു. ഇപ്പോള്‍ എല്ലാവര്‍ക്കും ഇവരെയാണ് കാര്യമെന്നും രേണു പറഞ്ഞിരുന്നു.