അഖിൽ ആനന്ദിന്റെ വിവാഹ വേദിയിൽ തകർപ്പൻ നൃത്ത ചുവടുകളുമായി വൃദ്ധി വിശാൽ; സോഷ്യൽ മീഡിയയിൽ വൈറലായ കുട്ടി താരം ആരെന്ന് അറിയാമോ

കഴിഞ്ഞ രണ്ട്  ദിവസമായി സോഷ്യൽ മീഡിയയിൽ തകർത്താടിയ നൃത്തച്ചുവടുകൾ കാഴ്ചവച്ച കുട്ടിത്താരമാണ് വൃദ്ധിക്കുട്ടി. മഴവിൽ മനോരമയിൽ സംപ്രേക്ഷണം  ചെയ്യുന്ന മഞ്ഞിൽ വിരിഞ്ഞ പൂവ് എന്ന പരമ്പരയിലൂടെയാണ് പ്രേക്ഷക ഹൃദയങ്ങളിലേക്ക് വൃദ്ധിക്കുട്ടി ചേക്കേറിയത്.  കഴിഞ്ഞ ദിവസമായിരുന്നു പരമ്പരയിലെ വില്ലനായ എത്തിയ  അഖിൽ ആനന്ദിന്റെ വിവാഹം നടന്നത്. വിവാഹ ചടങ്ങിൽ സഹതാരങ്ങളെല്ലാം  പങ്കെടുത്തിരുന്നു. കല്യാണ ദിവസം നടന്ന ആഘോഷ പരിപാടിയിൽ  ഈ കുഞ്ഞു മിടുക്കി അവതരിപ്പിച്ച നൃത്തം ആണ് സോഷ്യൽ മീഡിയയിൽ ഇപ്പോൾ തരംഗമാകുന്നത്. 

വൃദ്ധിയുടെ അച്ഛൻ വിശാൽ അഖിലേട്ടന്റെ കല്യാണത്തിന് എന്റെ ആദ്യ പെർഫോമൻസ് എന്ന ക്യാപ്‌ഷനിലൂടെ പങ്ക് വച്ച വീഡിയോ ആണ് വൈറൽ ആയത്. ഈ കു‍ഞ്ഞുമിടുക്കി ഇതിനോടകം തന്നെ നിരവധി ആരാധകരെയാണ് സ്വന്തമാക്കിയിരിക്കുന്നത്.ചുരുങ്ങിയ സമയത്തിനുള്ളിൽ വൃദ്ധി ഇന്ന് മലയാളിപ്രേക്ഷകരുടെ പൊന്നുമകളായി മാറിയിരിക്കുകയാണ്. ബാലതാരമായി അഭിനയിക്കുന്ന വൃദ്ധിക്കുട്ടി ലിപ് സിങ്ക് വിഡിയോകളിലൂടെ സമൂഹ മാധ്യമങ്ങളിൽ വളരെ ശ്രദ്ധ നേടിയിട്ടുമുണ്ട്. ഒന്നാം ക്ലാസ് വിദ്യാർത്ഥി കൂടിയാണ്  ഡാൻസർമാരായ വിശാൽ കണ്ണന്റേയും ഗായത്രിയുടേയും മകളായ വൃദ്ധി.  വൃദ്ധിയുടെ പ്രിയനാടനാകട്ടെ അല്ലുഅർജുനുമാണ്. 

 അല്ലു ഫാനായ ഒരഞ്ചു വയസ്സുകാരി അല്ലു അർജുനെ കാണിച്ചു തരാമെന്ന അച്ഛന്റെ വാക്ക് വിശ്വസിച്ച്  ഉത്സാഹത്തോടെ സീരിയൽ സെറ്റിലെത്തുകയായിരുന്നു. തന്റെ ഇഷ്ട നടനെ  സീരിയലിൽ അഭിനയിച്ചാൽ  കാണാമെന്ന ധാരണയിൽ  സന്തോഷത്തോടെയും അത്യുത്സാഹത്തോടെയും ആണ് അഭിനയം കാഴ്ചവയ്ക്കാനായി ഈ കുട്ടിത്തരാം എത്തുന്നത്.  ഈ മിടുക്കി കുട്ടിക്ക്  ഇതിനിടെ സിനിമ മേഖലയിലേക്ക് ഉള്ള അവസരവും തേടി എത്തിയിരുന്നത്. സീരിയൽ ഷൂട്ടിങ് തിരക്കുകൾ കാരണം  ടൊവിനോ ചിത്രത്തിലേക്ക് അവസരം ലഭിച്ചെങ്കിലും താരത്തിന് പോകാൻ കഴിഞ്ഞിരുന്നു. രഞ്ജി പണിക്കര്‍, മണിയൻപിള്ള രാജു എന്നിവരെ മുഖ്യ കഥാപാത്രങ്ങളാക്കി സി ആര്‍ അജയകുമാര്‍ രചനയും സംവിധാനവും നിര്‍വ്വഹിക്കുന്ന സുഡോക്കു'N " എന്ന ചിത്രത്തിലും വൃദ്ധി എത്തുന്നുണ്ട്.