അഭിനയിക്കുന്നത് പണത്തിന് വേണ്ടിയല്ല; താല്‍പ്പര്യമില്ലെന്ന് തോന്നുന്ന ദിവസം നിര്‍ത്തും; തുറന്ന് പറഞ്ഞ് നടൻ അക്ഷയ് കുമാര്‍

ബോളിവുഡിലെ തന്നെ ശ്രദ്ധേയനായ താരമാണ് അക്ഷയ് കുമാർ. നിരവധി സിനിമകളിലൂടെ ശ്രദ്ധേയമായ കഥാപാത്രങ്ങളെ അവതരിപ്പിക്കാൻ താരത്തിന് സാധിക്കുകയും ചെയ്തു. നിരവധി ആരാധകരാണ് താരത്തിന് ഉള്ളത്. സോഷ്യൽ മീഡിയയിൽ എല്ലാം തന്നെ സജീവമായ താരം പങ്കുവയ്ക്കാറുള്ള വിശേഷങ്ങൾ എല്ലാം തന്നെ ശ്രദ്ധ നേടാറുമുണ്ട്. നിലവിൽ അഭിനയ മേഖലയിൽ താരം സജീവവുമാണ്. 

എന്നാൽ ഇപ്പോൾ  ആരാധകര്‍ക്കിടയില്‍ ബോളിവുഡ് താരം അക്ഷയ് കുമാറിന്റെ വാക്കുകളാണ് ചര്‍ച്ചയായിരിക്കുന്നത്. സിനിമയോടുള്ള തന്റെ അഭിനിവേശം കൊണ്ടാണ് താന്‍ രാപ്പകലില്ലാതെ അഭിനയിക്കുന്നത് എന്നാണ് അക്ഷയ് പറയുന്നത്.  ബോളിവുഡില്‍ ഏറ്റവും കൂടുതല്‍ പ്രതിഫലം   റിപ്പോര്‍ട്ടുകള്‍ പ്രകാരം വാങ്ങുന്ന നായകന്‍മാരില്‍ ഒരാളാണ് അക്ഷയ് കുമാര്‍. പൊലീസുകാരും, മാധ്യമപ്രവര്‍ത്തകരും, ഫോട്ടോഗ്രാഫര്‍മാരും മറ്റുള്ളവരും ഉള്‍പ്പെടെ എല്ലാവരും എല്ലായ്‌പ്പോഴും ജോലി ചെയ്യുന്നുണ്ട്. ഒരു വര്‍ഷത്തില്‍ ഇത്രയധികം സിനിമകള്‍ എങ്ങനെയാണ് ചിത്രീകരിക്കുന്നതെന്ന് ആളുകള്‍ ചോദിക്കുമ്പോള്‍ താന്‍ അത്ഭുതപ്പെടാറുണ്ട്.

ഇന്ന് തനിക്ക് ജീവിതത്തില്‍ എല്ലാം ഉണ്ട്. താന്‍ ഒരു നല്ല ജീവിതം നയിക്കുന്നു. തനിക്ക് എളുപ്പത്തില്‍ വീട്ടിലിരുന്ന് സമ്പാദിക്കാന്‍ കഴിയും, എന്നാല്‍ മറ്റുള്ളവരുടെ കാര്യമോ? താന്‍ ഇന്ന് ജോലി ചെയ്യുന്നത് പണത്തിന് വേണ്ടിയല്ല അഭിനിവേശം കൊണ്ടാണ്. തനിക്ക് താല്‍പ്പര്യമില്ലെന്ന് തോന്നുന്ന ദിവസം ജോലി നിര്‍ത്തും എന്നാണ് അക്ഷയ് കുമാര്‍ പറയുന്നത്. താരത്തിന്‍റെ വാക്കുകള്‍ ആരാധകര്‍ ഏറ്റെടുത്തിരിക്കുകയാണ്.