സമീപകാലത്ത് തമിഴ് സിനിമാ മേഖലയിലും രാഷ്ട്രീയത്തിലും ഏറെ ചര്ച്ചയായി മാറിയ ഒന്നായിരുന്നു നടനും തമിഴ്നാട് മുഖ്യമന്ത്രിയുമായ വിജയിയും ഭാര്യ സംഗീതയും വേര്പിരിയുന്നു എന്ന വാര്ത്തകള്. ദീര്ഘനാളത്തെ അഭ്യൂഹങ്ങള്ക്കൊടുവില് സംഗീത കോടതിയില് ഡിവോഴ്സ് നോട്ടീസ് ഫയല് ചെയ്തതായും, വിജയ്ക്ക് മറ്റൊരു പ്രമുഖ നടിയുമായി ബന്ധമുണ്ടെന്ന തരത്തിലുള്ള ആരോപണങ്ങള് ഉയര്ന്നതായും വാര്ത്തകള് പരന്നിരുന്നു. ഈ വിവാദങ്ങള്ക്കും ചര്ച്ചകള്ക്കും ശേഷമാണ് വിജയ് തമിഴ്നാടിന്റെ മുഖ്യമന്ത്രിയായി അധികാരമേറ്റത്.
എന്നാല് ഇപ്പോള് ഇരുവരും തമ്മിലുള്ള ഭിന്നതകള് അവസാനിപ്പിച്ച് വീണ്ടും ഒന്നിക്കാന് പോകുന്നുവെന്ന പുതിയ അഭ്യൂഹങ്ങളാണ് തമിഴ് മാധ്യമങ്ങളില് നിറയുന്നത്. മക്കളുടെ ഭാവി മുന്നിര്ത്തി വിജയിന്റെ അമ്മ ശോഭ മുന്കൈ എടുത്ത് സംഗീതയുമായി സംസാരിച്ചുവെന്നും, കാര്യങ്ങളെല്ലാം ഒത്തുതീര്പ്പാക്കാന് ധാരണയായെന്നുമാണ് പുറത്തുവരുന്ന വിവരങ്ങള്. വിജയിന്റെ ജന്മദിനമായ ജൂണ് 22-ന് സംഗീതയ്ക്കൊപ്പമുള്ള ചിത്രങ്ങള് പുറത്തുവിട്ടുകൊണ്ട് ഈ ഒന്നാകല് ഔദ്യോഗികമായി പ്രഖ്യാപിച്ചേക്കുമെന്നും പ്രചരണമുണ്ട്. കുടുംബാംഗങ്ങള് ഇടപെട്ട് നടത്തിയ ഈ അനുരഞ്ജന വാര്ത്തകള് പക്ഷേ ഇതുവരെ ആരും ഔദ്യോഗികമായി സ്ഥിരീകരിച്ചിട്ടില്ല.
ഇതിനിടെ, ഈ വിവാദങ്ങളിലേക്ക് പേര് വലിച്ചിഴയ്ക്കപ്പെട്ട നടി തൃഷ വിവാഹിതയായെന്ന തരത്തിലുള്ള മറ്റൊരു പ്രചരണവും സോഷ്യല് മീഡിയയില് ശക്തമാണ്. അടുത്തിടെ ഒരു പൊതുപരിപാടിക്കെത്തിയ തൃഷയുടെ കഴുത്തില് താലിമാലയും കൈകളില് എന്ഗേജ്മെന്റ് മോതിരവും ഉണ്ടായിരുന്നുവെന്ന കണ്ടെത്തലോടെയാണ് ആരാധകര്ക്കിടയില് ചര്ച്ചകള് കൊഴുത്തത്. തൃഷയുടെ രഹസ്യ വിവാഹം കഴിഞ്ഞോ എന്ന ചോദ്യവുമായി നിരവധി പേരാണ് രംഗത്തെത്തിയത്.
എന്നാല് ഈ വിവാഹ വാര്ത്തകള് തള്ളി തൃഷയുടെ ആരാധകര് തന്നെ ഇപ്പോള് രംഗത്തെത്തിയിട്ടുണ്ട്. സോഷ്യല് മീഡിയയില് പ്രചരിക്കുന്ന വീഡിയോ തൃഷയുടെ പുതിയ ചിത്രമായ 'ഗുഡ് ബാഡ് അഗ്ലി'യുടെ പ്രമോഷന്റെ ഭാഗമായിട്ടുള്ളതാണെന്നാണ് ആരാധകരുടെ വിശദീകരണം. താരം ധരിച്ചിരിക്കുന്നത് താലിയല്ലെന്നും, ഒരു പ്രത്യേക ഡിസൈനിലുള്ള ലോക്കറ്റ് മാത്രമാണെന്നും ആരാധകര് ചൂണ്ടിക്കാണിക്കുന്നു. എങ്കിലും ഈ ചിത്രങ്ങളും അനുബന്ധമായ ഊഹാപോഹങ്ങളും ഇന്സ്റ്റാഗ്രാമിലും എക്സിലും (ട്വിറ്റര്) വന്തോതില് വൈറലായിക്കഴിഞ്ഞു.
അതേസമയം, രാഷ്ട്രീയ പ്രവേശനത്തിന് ശേഷം വിജയ് നായകനാകുന്ന ചിത്രങ്ങളെക്കുറിച്ചുള്ള ചര്ച്ചകളും സജീവമാണ്. വിജയിന്റെ പുതിയ ചിത്രമായ 'ജനനായകന്റെ' റിലീസുമായി ബന്ധപ്പെട്ട് ആരാധകര് വലിയ കാത്തിരിപ്പിലാണെങ്കിലും സിനിമയുടെ ഭാഗത്തുനിന്നുള്ള ഔദ്യോഗിക അപ്ഡേറ്റുകള് ഒന്നും തന്നെ ഇതുവരെയും പുറത്തുവന്നിട്ടില്ല. ചിത്രത്തിന്റെ റിലീസ് തീയതിയോ മറ്റ് അണിയറ വിശേഷങ്ങളോ അറിയാനായി സിനിമാ പ്രേമികള് ഇപ്പോഴും കാത്തിരിപ്പ് തുടരുകയാണ്.
Premium Lifestyle and Entertainment website
പ്രഭുദേവയുടെ കൊറിയോഗ്രാഫിയില് നര്ത്തകനായി തുടക്കം; നൊറാ ഫത്തേഹിയുമായുള്ള അടുപ്പം നല്കിയ ലോക വേദി; ഫുട്ബോള് ലോകകപ്പില് മലയാളിയുടെ ചുവടുകള്; ഔദ്യോഗിക ഗാനത്തിന് നൃത്തസംവിധാനമൊരുക്കി പാലക്കാട്ടുകാരന്; ഫിഫ ആല്ബവുമായി സഹകരിക്കുന്ന ആദ്യ ഇന്ത്യക്കാരനായി രജിത് ദേവിനെ അറിയാം