പുലര്‍ച്ചെ റൗണ്ടസിന് വന്ന നേഴ്‌സുമാര്‍ കണ്ടത് കെട്ടിടത്തില്‍ന്ന് ചാടുന്ന ഭാസുരനെ; ജയന്തിയെ അറിയിക്കാന്‍ റൂമില്‍ എത്തിയപ്പോള്‍ കണ്ടത് മരിച്ച കിടക്കുന്നത്; രണ്ട് പേരുടെയും മരണത്തില്‍ ഞെട്ടി ആശുപത്രി അധികൃതരും

പട്ടം എസ് യു ടി ആശുപത്രിയില്‍ ഉണ്ടായ ഈ ഇരട്ടമരണം കരകുളം ഗ്രാമത്തെ ആഴത്തില്‍ നടുക്കിയിരിക്കുകയാണ്. രോഗം മൂലം ഏറെ നാളായി വേദനിച്ചിരുന്ന ഭാര്യയെ കരുതിയ ഭാസുരാംഗന്‍ ഒടുവില്‍ അത്യന്തം ദുഃഖകരമായ തീരുമാനമാണ് എടുത്തത്. ഭാര്യയുടെ വേദന ഇനി സഹിക്കാനാകാതെ, അവരെ കൊന്ന് പിന്നെ സ്വന്തം ജീവനും അവസാനിപ്പിക്കുകയായിരുന്നു. ഈ വാര്‍ത്ത അറിഞ്ഞ നാട്ടുകാര്‍ എല്ലാം ഞെട്ടലോടെയാണ് പ്രതികരിച്ചത്. ഭാസുരാംഗനും ജയന്തിയും എന്നും ഒരുമിച്ചായിരുന്നു  സ്നേഹത്തിലും ജീവിതത്തിലും പരസ്പരം ആശ്രയിച്ച ദമ്പതികള്‍. ഒരാള്‍ പറഞ്ഞാല്‍ മറ്റാള്‍ മനസിലാക്കുന്ന വിധം അടുപ്പമായിരുന്നു അവരുടെ ബന്ധം. ഇങ്ങനെ ഒരുമിച്ച് ജീവിതം നയിച്ച ഇവര്‍ മരണമുപോലും ഒരുമിച്ചാണ് ഏറ്റുവാങ്ങിയത്. അവരുടെ വീട്, ജീവിതം, ബന്ധം  എല്ലാം തന്നെ സ്‌നേഹത്തിന്റെയും സഹനത്തിന്റെയും പ്രതീകമായിരുന്നു.

പുലര്‍ച്ചെ നാലുമണിയോടെ റൗണ്ട്‌സിനായി വാര്‍ഡിലൂടെ നടന്നുപോകുകയായിരുന്ന നഴ്‌സുമാര്‍പെട്ടെന്ന് ഒരു ഭയങ്കര കാഴ്ചയാണ് കണ്ടത്. ആശുപത്രിയുടെ സ്റ്റെയര്‍കേസിന് മുകളില്‍ നിന്ന് ഭാസുരന്‍ ചാടുന്നതായിരുന്നു അത്. നഴ്‌സുമാര്‍ അതിശയത്തോടെയും ഭീതിയോടെയും ഉടന്‍ അവിടെനിന്ന് ഓടി ജയന്തി കിടന്നിരുന്ന മുറിയിലേക്കെത്തി സംഭവം അറിയിക്കാന്‍ ശ്രമിച്ചു. പക്ഷേ മുറിയിലേക്കെത്തിയപ്പോള്‍ അവര്‍ കണ്ടത് മറ്റൊരു ഞെട്ടിക്കുന്ന കാര്യമായിരുന്നു. ജയന്തി ഇതിനകം മരിച്ച നിലയിലായിരുന്നു. രക്തം നല്‍കാന്‍ ഉപയോഗിക്കുന്ന മെഡിക്കല്‍ ട്യൂബ് കഴുത്തില്‍ മുറുക്കിയ നിലയില്‍ ആയിരുന്നു മൃതദേഹം. ഇതൊന്നും പ്രതീക്ഷിക്കാത്ത നഴ്‌സുമാര്‍ ഉടന്‍ ആശുപത്രി അധികൃതരെ വിവരം അറിയിച്ചു. ജയന്തിയുടെയും ഭാസുരന്റെയും ഇത്തരത്തിലുള്ള ദുരന്തം ആശുപത്രിയിലെ മുഴുവന്‍ ജീവനക്കാരെയും രോഗികളെയും വല്ലാതെ ദുഃഖത്തിലാഴ്ത്തി. ഇരുവര്‍ക്കും രണ്ടു മക്കളാണുള്ളത്. മൂത്തമകന്‍ വിദേശത്താണ്. 

ഇവരെ അറിയുന്നവര്‍ക്ക് ഈ ദുരന്തം വിശ്വസിക്കാനാകുന്നില്ല. എല്ലായ്പ്പോഴും സന്തോഷത്തോടെ, മറ്റുള്ളവര്‍ക്ക് മാതൃകയായി ജീവിച്ചിരുന്ന ഒരു ദമ്പതികളുടെ ജീവിതം ഇങ്ങനെ ദാരുണമായി അവസാനിക്കുമെന്ന് ആരും കരുതിയിരുന്നില്ല. കരകുളത്തെ ആ വീട്ടുവളപ്പില്‍ ഇപ്പോഴും അവരുടെ ഓര്‍മ്മകളും ഒരുമിച്ചുള്ള ജീവിതത്തിന്റെ മധുരസ്മരണകളും മാത്രമാണുള്ളത്. പട്ടം എസ് യുടി ആശുപത്രിയില്‍ ചികിത്സയില്‍ കഴിഞ്ഞിരുന്ന ജയന്തിയെ ഭര്‍ത്താവ് ഭാസുരാംഗന്‍ കൊലപ്പെടുത്തിയെന്ന വാര്‍ത്ത കരകുളം ഗ്രാമത്തില്‍ ആഴത്തിലുള്ള ഞെട്ടലും ദുഃഖവും സൃഷ്ടിച്ചിരിക്കുകയാണ്. പല വര്‍ഷങ്ങളായി വളരെ സ്‌നേഹത്തോടെയും മനസ്സിലാക്കിയും ജീവിച്ചിരുന്ന ദമ്പതികളായിരുന്നു ഇവര്‍. പരസ്പരം പരിചരിച്ചും ഒരാളുടെ വേദന മറ്റെയാള്‍ മനസിലാക്കിയുമാണ് ഇവര്‍ കഴിഞ്ഞിരുന്നത്.

കരകുളം ഹൈസ്‌കൂള്‍ ജംക്ഷനിലെ അനുഗ്രഹം എന്ന വീട്ടില്‍ മകള്‍ രചനയോടൊപ്പം കുടുംബം താമസിച്ചുവരികയായിരുന്നു. ജയന്തി കുറെ നാളായി അസുഖബാധിതയായിരുന്നു, അതുകൊണ്ടാണ് ആശുപത്രിയില്‍ ചികിത്സയില്‍ കഴിഞ്ഞിരുന്നത്. ഭര്‍ത്താവ് ദിവസവും കാണാന്‍ എത്താറുണ്ടായിരുന്നു. അവരെ കണ്ടവരൊക്കെ പറഞ്ഞിരുന്നതുപോലെ, ഭാസുരാംഗന്‍ ജയന്തിയോട് അതീവ കരുതലും സ്‌നേഹവുമുള്ള വ്യക്തിയായിരുന്നു. അതുകൊണ്ട് തന്നെ, അപ്രതീക്ഷിതമായി വന്ന ഈ വാര്‍ത്ത എല്ലാവരെയും ഞെട്ടിച്ചിരിക്കുകയാണ്. ആദ്യം ജയന്തിയുടെ മരണവാര്‍ത്തയാണ് ആശുപത്രിയില്‍നിന്ന് എത്തിയത്. കുറച്ച് മണിക്കൂറുകള്‍ക്കുള്ളില്‍ തന്നെ ഭാസുരാംഗനും മരിച്ചെന്ന വാര്‍ത്ത കൂടി പുറത്തുവന്നപ്പോള്‍, നാട്ടുകാരും സുഹൃത്തുക്കളും വളരെ ദുഃഖത്തിലായി. ഒരിക്കലും വേര്‍പെടാത്തവരായിരുന്ന ഈ ദമ്പതികള്‍ ജീവിതത്തിലും മരണത്തിലും ഒരുമിച്ച് ആയെന്നതാണ് എല്ലാവരുടെയും മനസ്സ് തകര്‍ക്കുന്നത്. കരകുളത്തെ ആ കുടുംബവീട്ടില്‍ ഇപ്പോള്‍ നിറഞ്ഞുനില്‍ക്കുന്നത് ഓര്‍മ്മകളും നിശ്ശബ്ദതയുമാണ്.

കുടുംബത്തിന് സാമ്പത്തിക ബുദ്ധിമുട്ടുണ്ടായിരുന്നുവെന്ന് മകള്‍ പൊലീസിനു മൊഴി നല്‍കി. ഇരുവരുടെയും മൃതദേഹം പോസ്റ്റ്മോര്‍ട്ടത്തിനു ശേഷം ബന്ധുക്കള്‍ക്കു വിട്ടു നല്‍കും. ഒക്ടോബര്‍ ഒന്നിനാണ് വൃക്കരോഗിയായ ജയന്തിയെ പട്ടം എസ്യുടി ആശുപത്രിയില്‍ ചികിത്സയ്ക്കായി പ്രവേശിപ്പിച്ചത്. ഡയാലിസിസ് അടക്കമുള്ള ചികിത്സയ്ക്കായി പ്രവേശിപ്പിച്ച ജയന്തിയുടെ കൂട്ടിരിപ്പുകാരനായാണ് ഭാസുരന്‍ എത്തിയത്. ചികിത്സാ ചെലവുകള്‍ ഏറിയതോടെ സാമ്പത്തിക പ്രതിസന്ധി നേരിട്ടിരുന്നുവെന്ന് നാട്ടുകാര്‍ പറഞ്ഞു. ആശാരിപ്പണികള്‍ ചെയ്തിരുന്ന ഭാസുരാംഗന്‍ ഇപ്പോള്‍ ജോലികള്‍ക്കൊന്നും പോകുന്നില്ല. ഇതിനിടെ പക്ഷാഘാതം ഉണ്ടായി. ഭാര്യയുടെ രോഗാവസ്ഥയിലും അവര്‍ വേദന അനുഭവിക്കുന്നതിലും ഭാസുരാംഗന് വലിയ ദുഃഖമുണ്ടായിരുന്നു. ചികിത്സയുമായി ബന്ധപ്പെട്ട സാമ്പത്തികപ്രയാസം കൂടി വന്നതോടെയാണ് അദ്ദേഹം ഇത്തരം ഒരു പ്രവര്‍ത്തിയിലേക്ക് പോയത് എന്നാണ് കരുതുന്നത്. അത്രയ്ക്കും സ്നേഹിച്ചിരുന്ന ഭാര്യ ഇനി ഒരു വേദനയും അനുഭവിക്കാന്‍ പാടില്ല എന്നായിരിക്കാം അദ്ദേഹം ചിന്തിച്ചിരുന്നത്. അതുകൊണ്ടാകാം ഇത്തരത്തിലൊരു കടുംകൈ ഭാസുരാംഗനെ കൊണ്ട് ചെയ്യാന്‍ പ്രേരിപ്പിച്ചതും.