മേയ്ക്കപ്പ് ഇല്ലെങ്കില്‍ ഇവരൊക്കെ ഇങ്ങനെയാണോ; എലീനയുടെ രൂപം കണ്ട് അമ്പരന്ന് ആരാധകര്‍

ബിഗ്‌ബോസ് സീസണ്‍ ടൂവില്‍ ഏറെ പ്രേക്ഷക ശ്രദ്ധ നേടിയ താരമായിരുന്നു എലീന പടിക്കല്‍. നടിയും അവതാരകയായും പ്രേക്ഷകര്‍ക്ക് സുപരിചിതയായ താരത്തെ പ്രേക്ഷകര്‍ കൂടുതല്‍ അടുത്തറിഞ്ഞത് ബിഗ്‌ബോസില്‍ വന്നതിന് പിന്നാലെയാണ്. ഫേക്ക് മത്സരാര്‍ത്ഥി എന്നാണ് ആദ്യമെല്ലാം താരത്തെ കുറിച്ച് മറ്റ് മത്സരാര്‍ത്ഥികള്‍ ഉള്‍പ്പെടെ കരുതിയിരുന്നത്. എന്നാല്‍ ഫേക്ക് എന്ന് വിളിപ്പിച്ച ഫുക്രുവിനെ വരെ തന്റെ ആരാധകനാക്കി മാറ്റിയായിരുന്നു താരം ബിഗ്‌ബോസ് വീട്ടില്‍ നിന്നും ഇറങ്ങിയത്. പുറത്തെത്തിയ താരം സോഷ്യല്‍ മീഡിയയില്‍ സജീവമാകുകയായിരുന്നു.

സോഷ്യല്‍ മീഡിയയില്‍ സജീവമായ താരം പുതിയതായി പങ്കുവെച്ച ചിത്രങ്ങളാണ് ഇപ്പോള്‍ സമൂഹമാധ്യമങ്ങളില്‍ വൈറലായിരിക്കുന്നത്.സിംപിള്‍ എന്ന ക്യാപ്ഷന്‍ നല്‍കിയാണ് താരം ചിത്രം പങ്ക് വച്ചത്. മേക്കപ്പിടാതെയാണ് താന്‍ ചിത്രത്തില്‍ ഉള്ളതെന്നും താരം പറയുന്നുണ്ട്.മാത്രമല്ല ബ്ലര്‍ പിക് ആണെങ്കിലും, ഇത് ഒരുപാട് ഇഷ്ടം ആണെന്നും താരം പറയുന്നുണ്ട്. താരത്തിന്റെ ചിത്രത്തിന് നിരവധിയാളുകളാണ് കമന്റുമായി എത്തിയിരിക്കുന്നത്. മേയ്ക്കപ്പില്ലാത്ത താരത്തിന്റെ ചിത്രത്തിന് നിരവധി ലവ് റിയാക്ഷനുകളും സോ ക്യൂട്ട്് എന്ന കമന്റുകളുമാണ് ലഭിക്കുന്നത്. എന്നാല്‍ ഇതാണല്ലേ ശരിക്കുള്ള കോലം എന്നാണ് ചില ആളുകള്‍ നല്‍കുന്ന കമന്റ്. അതേസമയം മേക്ക് അപ് ഇല്ലെങ്കിലും ഇജ്ജ് സുന്ദരിയല്ലേ എന്നാണ് ചില ആരാധകര്‍ പറയുന്നുണ്ട്.

എന്നാല്‍ കഴിഞ്ഞ ദിവസം, ജസ്ല, രേഷ്മ, സാന്‍ഡ്ര തുടങ്ങിയവരുമായി താരം ഗ്രൂപ്പ് വീഡിയോ കോള്‍ ചെയ്യുന്നതിന്റെ ചിത്രവും എലീന പങ്ക് വച്ചിരുന്നു. മാത്രമല്ല മറ്റൊരു വീഡിയോകോളിന്റെ ചിത്രത്തില്‍ താരം ഫുക്രുവുമായും സംസാരിക്കുന്നതും കാണാം . എന്നാല്‍ ആ കോളില്‍ കൂടെയുള്ള മറ്റൊരാളുടെ മുഖം താരം മറച്ചു വച്ചുകൊണ്ടാണ് ചിത്രം പങ്ക് വച്ചിരിക്കുന്നത്. ഞങ്ങള്‍ക്ക് ഒരു മാറ്റവും ഉണ്ടാകില്ലായെന്നാണ് ഫുക്രുവുമൊത്തുള്ള ചിത്രം പങ്കുവെച്ച് എലീന കുറിച്ചിരിക്കുന്നത്. എന്തായാലും ചിത്രങ്ങള്‍ ആരാധകര്‍ ഏറ്റെടുത്തിരിക്കുകയാണ്.