നിരവധി സീരിയലുകളിലൂടെയും ബിഗ് ബോസ് റിയാലിറ്റി ഷോയിലൂടെയും ടെലിവിഷന്‍ പ്രേക്ഷകര്‍ക്ക് സുപരിചിതനായി മാറിയ നടനാണ് ദീപന്‍ മുരളി. ബിഗ് ബോസിന്റെ ഒന്നാം സീസണിലാണ് ദീപന്‍ മത്സരിച്ചത്. ശേഷം നിരവധി ഷോകളില്‍ അവതാരകന്‍ റോളിലും പ്രത്യക്ഷപ്പെട്ടു. പത്ത് വര്‍ഷത്തിന് മുകളിലായി മിനി സ്‌ക്രീനില്‍ സജീവമാണ് നടന്‍. കൈരള ടിവി കിച്ചണ്‍ മാജിക്കില്‍ ദീപന്‍ മുരളി തന്റെ ജീവിത കഥ പങ്ക് വച്ചതാണ് ഇപ്പോള്‍ ശ്രദ്ധേയമാകുന്നത്.
മിഡില്‍ ക്ലാസ് ഫാമിലിയാണ് എന്റേത്. അച്ഛന് വലത് കൈ ഇല്ല. അതിന്റേതായ പരിമിതികള്‍ ഉണ്ടായിരുന്നു. ഞാന്‍ നാലാം ക്ലാസില്‍ പഠിക്കുന്ന സമയത്ത് ഒരു മൂന്നര വര്‍ഷത്തോളം അച്ഛന് വീട്ടിലുണ്ടായിരുന്നില്ല. ആര്‍ക്കും വരുമാനവുമില്ല. ഞാനും അമ്മയും ചേട്ടനും അമ്മൂമ്മയുമുണ്ട്. എവിടെ എങ്കിലും എത്തണം, പൈസയുണ്ടാക്കണം എന്നൊക്കെയുള്ള ആഗ്രഹം എനിക്ക് ഉണ്ടായിരുന്നു. കോഴി, ആട് എന്നിവയെയെല്ലാം വളര്‍ത്തിയിട്ടുണ്ട്.
വീട്ടില്‍ ഏറ്റവും നന്നായി പഠിക്കുന്നയാള്‍ ഞാന്‍ ആയിരുന്നു. പക്ഷേ, പത്താം ക്ലാസില്‍ വിചാരിച്ചതുപോലെ മാര്‍ക്ക് കിട്ടിയില്ല. അതോടെ അച്ഛനും അമ്മയും അമ്മൂമ്മയും എല്ലാം ഡൗണായി. ആ സമയത്ത് മാര്‍ക്ക് കുറഞ്ഞവര്‍ക്ക് പ്ലസ് വണ്ണിന് അഡ്മിഷന്‍ കിട്ടാന്‍ ബുദ്ധിമുട്ടായിരുന്നു. ഞാന്‍ നല്ല മാര്‍ക്ക് വാങ്ങിയില്ലെന്നതുകൊണ്ട് തന്നെ എന്നെ പ്ലസ് വണ്ണില്‍ ചേര്‍ക്കാന്‍ അവര്‍ ആവേശം കാണിച്ചില്ല. ഓപ്പണ്‍ സ്‌കൂളിലാണ് പ്ലസ് വണ്ണും പ്ലസ് ടുവും പഠിച്ചത്. അപ്പോഴെല്ലാം കലാരംഗത്ത് വരണമെന്ന് ആഗ്രഹമുണ്ടായിരുന്നു.
ഒരുപാട് ജോലികള്‍ ചെയ്തിട്ടുണ്ട്. ഫിഷ് മാര്‍ക്കറ്റില്‍ ലേലം നടക്കുന്ന സമയത്ത് കണക്കെഴുത്തുകാരനായി പോയിട്ടുണ്ട്. കൊച്ചച്ചന്റെ കടയില്‍ അഞ്ഞൂറ് രൂപ ശമ്പളത്തിന് ജോലി ചെയ്തിട്ടുണ്ട്. പ്രീഡിഗ്രിക്ക് പഠിച്ചവരുടെ മലയാളം നോട്ട്ബുക്ക് വാങ്ങി പഠിച്ചാണ് പ്ലസ് വണ്ണിലും പ്ലസ് ടുവിലും ഫസ്റ്റ് ക്ലാസ് വാങ്ങിയത്. വിറക് കച്ചവടം വരെ ഞാന്‍ ചെയ്തിട്ടുണ്ട്.
പിന്നീട് ട്രാവല്‍ ഇന്ത്യ എന്ന സ്ഥാപനത്തില്‍ ജോലി കിട്ടി. അതിനു ശേഷമാണ് എന്റെ കയ്യില്‍ ഉണ്ടായിരുന്ന സേവിങ്‌സ് വെച്ച് മള്‍ട്ടിമീഡിയ ആന്റ് ഫിലിം മേക്കിങ്ങ് പഠിക്കാന്‍ പോകുന്നത്. ജോലി ചെയ്തുകൊണ്ടാണ് പഠിച്ചത്. അന്ന് അഞ്ച് ബെസ്റ്റ് സ്റ്റുഡന്റ്‌സില്‍ ഒരാള്‍ ഞാനായിരുന്നു. 2012ലാണ് മഴവില്‍ മനോരമയിലെ സീരിയലിലൂടെ അഭിനയം ആരംഭിച്ചത്'', എന്ന് ദീപന്‍ പറയുന്നു.സാന്ത്വനം, തൂവല്‍സ്പര്‍ശം തുടങ്ങിയവയാണ് ദീപന്‍ ഭാഗമായ പ്രധാന സീരിയലുകള്‍.
2018 ല്‍ ആണ് ദീപന്റെയും മായയുടെയും വിവാഹം കഴിഞ്ഞത്. വിവാഹം കഴിഞ്ഞ് അധികം താമസിക്കാതെയാണ് ദീപന്‍ ബിഗ്ഗ് ബോസില്‍ എത്തിയത്. ബാങ്കര്‍ കൂടെയായ മായയെ കുറിച്ച് തന്നെയാണ് ഷോയില്‍ ദീപന്‍ മുരളി അധികവും സംസാരിച്ചിരുന്നത്. രണ്ട് മക്കളാണ് താരത്തിന് ഉള്ളത്.
Premium Lifestyle and Entertainment website
ഞങ്ങള്‍ക്ക് കുഞ്ഞുങ്ങള്‍ വേണ്ട എന്ന് പാര്‍ട്‌ണേഴ്‌സ് തീരുമാനിച്ചാല്‍ ആ ചോയിസ് നമ്മുടെ നാട്ടില്‍ എത്രെ പേര്‍ക്ക് എടുക്കാന്‍ സാധിക്കും?വേണ്ട എന്ന കപ്പിള്‍ തീരുമാനിച്ചാല്‍ അതിനെ അംഗീകരിക്കാന്‍ ഉള്ള മനസ്സ് സമൂഹത്തിന് ഉണ്ടാകണം;നടനും സംവിധായകനുമായ ആര്യന്‍ രമണി ഗിരിജാവല്ലഭന്റെ കുറിപ്പ് ചര്‍ച്ചയാകുന്നു
മഹാഭാരതത്തിലെ കര്‍ണ്ണന് വിട പറഞ്ഞു; നടന്‍ പങ്കജ് ധീറിന്റെ മരണം അര്‍ബുദ ബാധിതനായി ചികിത്സയിലിരിക്കെ
കൊച്ചു മക്കളോടു എത്ര വേണമെങ്കിലും പഠിച്ചു ജോലിവാങ്ങി ആരെ വേണമെങ്കിലും കെട്ടിക്കോ എന്ന് പറഞ്ഞ വ്യക്തി; പോകുന്നവരൊക്കെ പൊക്കോട്ടെ അവരും മനുഷ്യരാണ് എന്ന് ഫിലോസോഫിക്കല്‍ തഗ് അടിക്കാന്‍ സാധിച്ച അഞ്ചാം ക്ലാസ് വിദ്യഭാസവും ജീവിത കാഴ്ചപാടും ഉള്ള വ്യക്തി; അഭയാ ഹിരണ്മയി മുത്തശിയുടെ വേര്‍പാടില്‍ കുറിച്ചത്
സായ് ദുര്‍ഗ തേജ്- രോഹിത് കെ. പി ചിത്രം 'സാംബരാല യേതിഗട്ട്' ഗ്ലിമ്പ്‌സ് പുറത്ത് 
ഞാന്‍ നാല്പത്തിനാലിലേക്ക് കടന്നു; എന്റെ പെരിമെനോപോസ് ജേര്‍ണി തുടങ്ങി;നാട്ടുകാര്‍ പറഞ്ഞത് ശരിയാണ് എനിക്ക് വട്ടാകുന്നുണ്ട് എന്ന് ഞാന്‍ അപ്പോള്‍ ഓര്‍ത്തു; അതോടൊപ്പം ഞാന്‍ കല്യാണവും കഴിച്ചു;എല്ലാം തകിടം മറിഞ്ഞെന്ന് ഞാന്‍ കരുതി; ലെന