സൂപ്പര്‍ ഹിറ്റ് ചലച്ചിത്രങ്ങളും താരസംഗമങ്ങളുമായി ഏഷ്യാനെറ്റിലെ വിഷുദിന പരിപാടികള്‍

ഏപ്രില്‍ 14 വിഷുദിനത്തില്‍ ഏഷ്യാനെറ്റില്‍ നിരവധി പുതുമയാര്‍ന്ന പരിപാടികള്‍ സംപ്രേക്ഷണം ചെയ്യുന്നു.

രാവിലെ 9 മണിക്ക് മോഹന്‍ലാല്‍, അജു വര്‍ഗീസ്, ഹണി റോസ് തുടങ്ങിയ വമ്പന്‍ താരനിര അണിനിരന്ന ഇട്ടിമാണി മെയ്ഡ് ഇന്‍ ചൈനയും തുടര്‍ന്ന് ഉച്ചക്ക് 12 മണിക്ക് സൗബിനും സൂരജ് വെഞ്ഞാറമൂടും മത്സരിച്ചഭിനയിച്ച ആന്‍ഡ്രോയിഡ് കുഞ്ഞപ്പനും സംപ്രേക്ഷണം ചെയ്യുന്നു. ഉച്ചകഴിഞ്ഞു 2 മണിക്ക് ജയറാം ടി, രമേശ് പിഷാരടി, ടിനി ടോം, കലാഭവന്‍ പ്രജോദ്, ഗായികമാരായ സുജാത മോഹന്‍, ശ്വേത മോഹന്‍ തുടങ്ങിയവര്‍ പങ്കെടുക്കുന്ന ചാറ്റ് ഷോ, വീണ്ടും ചില വീട്ടു വിശേഷങ്ങളും എം ജി ശ്രീകുമാര്‍ അവതാരകനായി എത്തുന്ന മ്യൂസിക്കല്‍ ഗെയിം ഷോ സരിഗമ, മൂന്നു മണിക്കും പ്രേക്ഷകര്‍ക്കുമുന്നില്‍ എത്തുന്നു.

വൈകുന്നേരം നാലു മണിക്ക് ജയസൂര്യയുടെ മാസ്സ് എന്റര്‍ടൈനര്‍ തൃശൂര്‍പൂരവുഉം 6.30നു വേള്‍ഡ് ടെലിവിഷന്‍ പ്രീമിയറില്‍ മമ്മൂട്ടി, ഉണ്ണി മുകുന്ദന്‍, സിദ്ദിഖ്, അനു സിതാര, കനി, പ്രാചി തുടങ്ങിയവര്‍ അണിനിരന്ന മെഗാ ഹിറ്റ് മൂവി മാമാങ്കവും സംപ്രേക്ഷണം ചെയ്യുന്നു.