കൊറോണ ലോകത്ത് ആകെ പടര്‍ന്ന് പിടിക്കുമ്പോള്‍ ജനങ്ങളെ രക്ഷിക്കാനുള്ള ഓട്ടപ്പാച്ചിലിലാണ് ആരോഗ്യമേഖലയില്‍ ഉള്ളവരും സര്‍ക്കാരും. എന്നാല്‍ ഇതിനിടയിലും വ്യാജ വാര്‍ത്തകള്‍ പ്രചരിപ്പിച്ച് ആളുകളെ ഭയപ്പെടുത്താനും ചിലര്‍ ശ്രമിക്കുന്നുണ്ട്. അതുകൊണ്ട് തന്നെ കോവിഡ് 19 ന്റെ പശ്ചാത്തലത്തില്‍ വ്യാജവാര്‍ത്തകള്‍ നിര്‍മ്മിക്കുകയും സമൂഹ മാധ്യമങ്ങളിലൂടെ പ്രചരിപ്പിക്കുകയും ചെയ്യുന്നവര്‍ക്കെതിരെ കര്‍ശന നടപടി സ്വീകരിക്കുമെന്ന് സംസ്ഥാന പൊലീസ് മേധാവി ലോക്‌നാഥ് ബെഹ്‌റ അറിയിച്ചിരിക്കുകയാണ്.
രണ്ടോ അതിലധികമോ തവണ ഇത്തരം കുറ്റകൃത്യങ്ങളിലേര്‍പ്പെടുന്നവരുടെ ചിത്രം മാധ്യമങ്ങളിലൂടെ പ്രസിദ്ധീകരിക്കുന്നതാണെന്നും അദ്ദേഹം വ്യക്തമാക്കി. കൂടാതെ ഇത്തരക്കാര്‍ക്കെതിരെ ക്രിമിനല്‍ കേസ് രജിസ്റ്റര്‍ ചെയ്യുകയും ചെയ്യും. സമൂഹ മാധ്യമങ്ങളില്‍ ഇത്തരം വാര്‍ത്തകള്‍ തയ്യാറാക്കി പ്രചരിപ്പിക്കുന്നവരെ കണ്ടെത്താന്‍ ഹൈടെക് ക്രൈം എന്‍ക്വയറി സെല്‍, സൈബര്‍ ഡോം, സൈബര്‍ ക്രൈം പോലീസ് സ്റ്റേഷന്‍ എന്നിവയ്ക്ക് നിര്‍ദ്ദേശം നല്‍കിയിട്ടുണ്ട്. തെറ്റായ വാര്‍ത്തകള്‍ പ്രചരിപ്പിച്ച് ജനങ്ങളില്‍ ആശങ്ക ഉണ്ടാക്കുന്ന സാഹചര്യത്തിലാണ് ഈ നടപടി. അശാസ്ത്രീയവും അബദ്ധങ്ങള്‍ നിറഞ്ഞതുമായ ഇത്തരം സന്ദേശങ്ങള്‍ പ്രചരിപ്പിക്കുന്നത് ഡിസാസ്റ്റര്‍ മാനേജ്‌മെന്റ് നിയമപ്രകാരം കുറ്റകരമാണ്. അതേസമയം വ്യാജസന്ദേശങ്ങള്‍ നിര്‍മ്മിക്കുന്നവര്‍ മാത്രമല്ല, പ്രചരിപ്പിക്കുന്നവരും കുറ്റക്കാരായി കണക്കാക്കപ്പെടും. ഇവ പ്രചരിപ്പിക്കുന്നവരെ കണ്ടെത്താന്‍ വിവരസാങ്കേതികവിദ്യ വകുപ്പ്, ആരോഗ്യവകുപ്പ്, പൊലീസ് എന്നിവരുടെ സഹകരണത്തോടെ സര്‍ക്കാര്‍ നടപടി സ്വീകരിച്ച് വരികയാണ്. അതിനാല്‍ തന്നെ സാഹചര്യം മനസിലാക്കി ഇത്തരം വ്യാജ സന്ദേശങ്ങള്‍ നിര്‍മ്മിക്കുകയോ പ്രചരിപ്പിക്കുകയോ ചെയ്യരുതെന്നാണ് ലോക്‌നാഥ് ബെഹ്‌റ അഭ്യര്‍ത്ഥിച്ചത്.
Premium Lifestyle and Entertainment website
പിറന്നാള്‍ ദിനത്തില്‍ ചിയാന്‍ 62 ന്റെ ടൈറ്റില്‍ ടീസര്‍ പുറത്ത്; വീര ധീര ശൂരന്‍ ടീസര്‍ സോഷ്യല്‍ മീഡിയയില്‍ തരംഗം
'അപ്പുവിന്റെ അച്ഛനാണ് ഞാന്‍''; കാടും പ്രകൃതിയും അംബികയും പിന്നെ ഒരുപാട് തമാശകളും പറഞ്ഞ് നിറഞ്ഞ ഒരു യാത്ര.;മോഹന്‍ലാലിനൊപ്പമുള്ള കുടജാദ്രി യാത്രാനുഭവം പങ്കുവെച്ച് ആര്‍ രാമാനന്ദിന്റെ കുറിപ്പ് ശ്രദ്ധ നേടുമ്പോള്‍
വിവാഹക്കാര്യത്തില്‍ തനിക്കോ കുടുംബത്തിനോ ഉള്ളതിനേക്കാള്‍ ഉത്കണ്ഠയുള്ള ഒരു വിഭാഗം പുറത്തുണ്ട്; മലയാളത്തിലെ പ്രമുഖ നടനുമായി വിവാഹം ഉറപ്പിച്ചെന്ന വാര്‍ത്തയില്‍ പ്രതികരിച്ച് ലക്ഷ്മി ഗോപാലസ്വാമി
ഹിറ്റടിക്കാന്‍ സച്ചിനും റീനുവും വീണ്ടും വരുന്നു; പ്രേമലു വിജയാഘോഷ ചടങ്ങില്‍ രണ്ടാം ഭാഗം പ്രഖ്യാപിച്ച് സംവിധായകന്‍; ചടങ്ങില്‍ തിളങ്ങി ഫഹദും നസ്രിയയും
കരള്‍ പോലെ കാക്കണം കരളിനെ
വര്‍ഷങ്ങളായി പ്രേക്ഷകരെ ചിരിപ്പിച്ചുകൊണ്ടിരിക്കുന്ന താന്‍ കഴിഞ്ഞ കുറച്ചു കാലമായി കരയുകയാണ്; ഇവിടെ നിലനില്‍ക്കാന്‍ ഈ സിനിമ വളരെ ആവശ്യമാണ്; പവി കെയര്‍ ടേക്കര്‍ ട്രെയിലര്‍ ലോഞ്ചില്‍ വൈകാരിക പ്രസംഗവുമായി ദിലീപ്