ക്ലബ് ഹൗസ് ഒരു ഗെയിമിങോ ഇന്‍സ്റ്റന്റ് മെസേജിങ് ആപ്ലിക്കേഷനോ അല്ല; അതൊരു ഒരു ഓഡിയോ ചാറ്റ് ആപ്ലിക്കേഷന്‍; ക്ലബ് ഹൗസ് ഉപയോക്താക്കള്‍ നേരിടാവുന്ന ചില പ്രശ്‌നങ്ങള്‍: ടോണി ചിറ്റിലപ്പിള്ളി എഴുതുമ്പോൾ

ക്ലബ് ഹൗസ് ഒരു ഗെയിമിങോ ഇന്‍സ്റ്റന്റ് മെസേജിങ് ആപ്ലിക്കേഷനോ അല്ല. ഫേസ്‌ബുക്കും ട്വിറ്ററും ഇന്‍സ്റ്റഗ്രാമും തുടങ്ങിയ നിരവധി സമൂഹമാധ്യമങ്ങള്‍ പോലെ ഒരു പ്ലാറ്റഫോമും അല്ല. ഒരു ഓഡിയോ ചാറ്റ് ആപ്ലിക്കേഷനാണ് ക്ലബ് ഹൗസ്. ഉപയോക്താക്കള്‍ക്ക് വിവിധ വിഷയങ്ങളില്‍ ആളുകള്‍ നടത്തുന്ന സംഭാഷണങ്ങള്‍, അഭിമുഖങ്ങള്‍, ചര്‍ച്ചകള്‍ കേള്‍ക്കാം. ഒരു തരത്തില്‍ പറഞ്ഞാല്‍ പോഡ് കാസ്റ്റിന് പോലെയൊരുസംവിധാനം. ക്ലബ് ഹൗസിലെ സംഭാഷണങ്ങളെല്ലാം തത്സമയം കേള്‍ക്കാം.വ്യപകമായ തലത്തില്‍ ഇത് ദുരുപയോഗം ചെയ്യുന്നത് നാം ശ്രദ്ധിക്കണം.

ജനപ്രീതിയുടെ കാര്യത്തില്‍ വന്‍ കുതിച്ചുചാട്ടം ഉണ്ടായിരുന്നിട്ടും, ക്ലബ് ഹൗസ് അപ്ലിക്കേഷന് ചില അടിസ്ഥാന സ്വകാര്യതയും സുരക്ഷാ പരിരക്ഷകളും ഇല്ലെന്ന് കണ്ടെത്തിയിട്ടുണ്ട്. വലിയ സെലിബ്രിറ്റികളുമായി ക്ലബ് ഹൗസ് സജീവമാണ്.ഈ അപ്ലിക്കേഷനില്‍ ചുറ്റിക്കറങ്ങുന്നത് ഓപ്ര വിന്‍ഫ്രി,കെവിന്‍ ഹാര്‍ട്ട്, ഡ്രേക്ക്, ക്രിസ് റോക്ക്,ആഷ്ടണ്‍ കച്ചര്‍ എന്നിവരാണ്.പല അവര്‍ ചാറ്റുകളും അവര്‍ തന്നെ ഹോസ്റ്റു ചെയ്യുന്നു.

ഏത് വിദ്വേഷ സംഭാഷണവും ഭീഷണിപ്പെടുത്തലും ക്ലബ്ഹൗസിന്റെ സമൂഹ മാര്‍ഗ്ഗനിര്‍ദ്ദേശങ്ങള്‍ക്ക് വിരുദ്ധമാണെന്ന് പറയുന്നു.ഒരു പ്രശ്നമുണ്ടെങ്കില്‍ ഉപയോക്താക്കള്‍ക്ക് നിര്‍ദ്ദിഷ്ട അധികൃതര്‍ക്ക് റിപ്പോര്‍ട്ടുചെയ്യാനാകുമെന്ന് അവര്‍ അവകാശപ്പെടുന്നു.മാര്‍ച്ച്‌ 12 ന് പ്ലാറ്റ്‌ഫോം അപ്ലിക്കേഷനില്‍ ''കൂടുതല്‍ വിശ്വാസ്യതയും സുരക്ഷ മെച്ചപ്പെടുത്തലുകളും''ക്ലബ്ഹൗസ് പുറത്തിറക്കിയിരുന്നു.

ഡാറ്റാ പരിരക്ഷണത്തിനും ഉപയോക്താക്കളുടെ സ്വകാര്യതയ്ക്കും തങ്ങള്‍ അതിയായി പ്രതിജ്ഞാബദ്ധരാണെന്ന് ക്ലബ്ഹൗസ് പറയുന്നു.എന്നാല്‍ ''ഞങ്ങളുടെ ഡാറ്റാ പരിരക്ഷണം കൂടുതല്‍ ശക്തിപ്പെടുത്താന്‍ കഴിയുന്ന കുറച്ച്‌ മേഖലകള്‍ അപ്ലിക്കേഷന്‍ തിരിച്ചറിഞ്ഞിട്ടുണ്ട്'' എന്ന് ഒരു വക്താവ് സമ്മതിക്കുന്നു.

ക്ലബ്ഹൗസ് ഉപയോക്താക്കള്‍ നേരിടാവുന്ന ചില പ്രശ്‌നങ്ങള്‍

അരോചകത :നിങ്ങളുടെ കോണ്‍ടാക്റ്റുകളില്‍ നിന്നുള്ള ആരെങ്കിലും ക്ലബ് ഹൗസില്‍ ചേരുമ്ബോള്‍, നിങ്ങള്‍ക്ക് അവരെക്കുറിച്ചുള്ള അറിയിപ്പ് ലഭിക്കും. അതില്‍ നിങ്ങളെ ടാപ്പുചെയ്ത് നിങ്ങളെ ഇരുവരെയും ഒരു സ്വകാര്യ ഇടത്തിലേക്ക് കൊണ്ടുവരുന്നു. നിങ്ങള്‍ക്ക് ഇഷ്ടമില്ലാത്ത ആളുകളെങ്കില്‍ അത് തീര്‍ത്തും അരോചകമാണ്.

അന്ധമായ സമ്മതം: നിങ്ങള്‍ക്ക് മറ്റുള്ളവരെ ക്ഷണിക്കാന്‍ താല്‍പ്പര്യമുണ്ടെങ്കില്‍,നിങ്ങളുടെ കോണ്‍ടാക്റ്റുകളുടെ ഒരു പട്ടിക ക്ലബ് ഹൗസ് എടുക്കും.നിങ്ങളുടെ സമ്മതമില്ലാതെ ഓരോ കോണ്‍ടാക്റ്റിനും ഓരോ റാങ്ക് നല്‍കുന്നു.ഇത് ഗ്രൂപ്പില്‍ വിവേചനമുണ്ടാക്കുന്നു.നിങ്ങള്‍ കോണ്‍ടാക്റ്റില്‍ തടഞ്ഞ ആളുകള്‍ നിങ്ങളുടെ സമ്മതമില്ലാതെ നിങ്ങളുടെ ഗ്രൂപ്പില്‍ വരുന്നു.ക്ലബ് ഹൗസ് ഐഡികള്‍ ഉപയോക്താവിന്റെ പ്രൊഫൈലുകളുമായി ബന്ധിപ്പിക്കാന്‍ സാധ്യതയുണ്ട്, അതിനര്‍ത്ഥം നിങ്ങളുടെ ഫോണ്‍ നമ്ബര്‍, നിങ്ങള്‍ക്ക് താല്‍പ്പര്യമുള്ള വിഷയങ്ങള്‍, നിങ്ങള്‍ ആരോടാണ് സംസാരിക്കുന്നത് എന്നിവ ഉള്‍പ്പെടെ നിങ്ങളുടെ ഡാറ്റ നിങ്ങളുടെ സമ്മതമില്ലാതെ എടുക്കാന്‍ കഴിയും.

ആള്‍മാറാട്ടം: ക്ലബ്ഹൗസിന്റെ ഈ സ്റ്റേജില്‍ വ്യാപകമായി ഐഡികള്‍ രജിസ്റ്റര്‍ ചെയ്യപ്പെടുകയാണ്. ഫേസ്‌ബുക്കിലെ ഫേസ്‌ബുക്കിലെ അടക്കം പ്രശസ്തരുടെ അടക്കം പേരില്‍ അക്കൗണ്ട് ഉണ്ടാക്കിയിട്ടുണ്ട്. അതിനാല്‍ ഈ പ്രശസ്തരുടെ അക്കൗണ്ടുകള്‍ ശരിയാണോ എന്ന് അവരുടെ ക്ലബ്‌ഹൗസിലെ ആരാധകര്‍ ശ്രദ്ധിക്കേണ്ടതുണ്ട്. ക്ലബ് ഹൗസില്‍ അംഗത്വമെടുത്തവര്‍ പക്ഷെ ഇത് ഒരു സുരക്ഷിത പ്ലാറ്റ് ഫോമാണ് എന്ന് കരുതുന്നുണ്ടാകാം.

പ്രത്യേകിച്ചും ആരാണ് നിങ്ങളെ ഇന്‍ വൈറ്റ് ചെയ്തത് എന്ന വിവരം ലഭ്യമായിട്ടുള്ളപ്പോള്‍. പക്ഷെ വെര്‍ച്ച്‌വല്‍ നമ്ബറുകള്‍, നിയമവാഴ്ചയില്ലാത്ത രാജ്യങ്ങള്‍ തുടങ്ങിയ ഇടങ്ങളില്‍ നിന്ന് ഉള്ള നമ്ബറുകള്‍ ഉപയോഗിച്ചാല്‍ പലപ്പോഴും ഉറവിടം കണ്ടെത്താന്‍ പറ്റാത്ത അക്കൗണ്ടുകള്‍ സൃഷ്ടിക്കാം. അതിനാല്‍ത്തന്നെ ഒറ്റ അക്കൗണ്ടിനെയും അമിതമായി വിശ്വസിക്കരുത്. മറ്റ് ഏതൊരു സോഷ്യല്‍ മീഡിയയുടെ സുരക്ഷിതത്വമെ ഇവിടെയും ലഭ്യമാകൂ. ഇവിടുത്തെ സംസാരങ്ങള്‍ സംസാരങ്ങളും 24 x 7 റെക്കോഡ് ചെയ്യുന്നുണ്ടാകും. അതിനാല്‍ സംസാരത്തിലും മിതത്വം ആവശ്യമായി വരും.

ശബ്ദതട്ടിപ്പുകള്‍: സ്ത്രീകളുടെ ശബ്ദം പുരുഷന്‍ ന്റെതാക്കുന്നതിനും തിരിച്ചും ഉള്ള ആപ്പുകള്‍ ലഭ്യമാണ്. മിക്കവാറും സെലിബ്രിട്ടി ഒക്കെ നേരിട്ട് സംസാരിക്കുന്ന ടൈപ്പ് തട്ടിപ്പുകള്‍ വരാന്‍ സാധ്യതയുണ്ട്. നിലവില്‍ ക്ലബ് ഹൗസുകള്‍ പ്രാരംഭ കാലത്താണ് എന്ന് പറയാം. കൂടുതല്‍ അറിയാനിരിക്കുന്നതെയുള്ളൂ. നേരില്‍ പരിചയമില്ലാത്ത ആരേയും ഇന്‍വൈറ്റ് ചെയ്യാതിരിക്കുക. ക്ലബുകള്‍ വഴി സാമ്ബത്തിക ഇടപാടുകള്‍ പണം കൈമാറ്റം എന്നിവ ചര്‍ച്ച ചെയ്യാതിരിക്കുക.

ക്ലബ്ഹൗസ് ഓഡിയോ ഡാറ്റ എത്ര നാള്‍ സൂക്ഷിച്ചു വയ്ക്കുന്നു ?

ക്ലബ്ഹൗസില്‍ നിങ്ങളുടെ ഓഡിയോ ഡാറ്റ സുരക്ഷിതമാണോ? അത് എവിടെയാണ് സംഭരിച്ചിരിക്കുന്നത്, എത്രനേരം സൂക്ഷിക്കുന്നു,എന്നീ കാര്യങ്ങള്‍, നിങ്ങളുടെ ശബ്ദം എപ്പോഴെങ്കിലും ക്ലോണ്‍ ചെയ്യപ്പെടുമോ എന്നതിനെ ആശ്രയിച്ചിരിക്കുന്നു.

വിശ്വാസ്യതക്കും,സുരക്ഷാ അന്വേഷണങ്ങള്‍ക്കും വേണ്ടി (ഉദാ. തീവ്രവാദ ഭീഷണികള്‍, വിദ്വേഷ ഭാഷണം, കുട്ടികള്‍ക്കുള്ള ഭീഷണികള്‍ മുതലായവ) ക്ലബ്ഹൗസ് ഉപയോക്താക്കളുടെ ഓഡിയോ താല്‍ക്കാലികമായി സൂക്ഷിക്കുന്നു. എന്നാല്‍ ''താല്‍ക്കാലികമായി'' എത്രത്തോളം,എന്നത് ഇപ്പോഴും അജ്ഞാതമായി തുടരുന്നു.