നിങ്ങളെന്തിനാണ് ഇടവേള ബാബുവിനെ ഇങ്ങനെ വേദനിപ്പിക്കുന്നത്...? കേരളത്തിന്റെ ചലച്ചിത്ര ഗീര്‍വനത്തിലെ ഒരു അപ്രധാന പുല്‍ക്കൊടി മാത്രമാണ് ബാബു. ഇടവേളകളില്ലാതെ വേഷമോ അവസരമോ ഒന്നും ലഭിക്കാത്തതിനാല്‍ അങ്ങേര്‍ക്ക് 'നടന്മാരുടെ' സംഘടനയുടെ ഓഫീസ് സെക്രട്ടറി വേഷം കൊടുക്കപ്പെട്ടു.
മമ്മൂട്ടിയും മോഹന്‍ലാലും ദിലീപും പുറപ്പെടുവിക്കുന്ന തിട്ടുരങ്ങള്‍ തിരുവായ്ക്കെതിര്‍വായില്ലാതെ ഏറ്റുപറയുന്ന സ്വന്തമായി പഞ്ചേന്ദ്രിയങ്ങള്‍ ഇല്ലാത്ത ഒരു നിരാലംബന്‍ മാത്രമാണ് ഇടവേള ബാബു. സഹപ്രവര്‍ത്തക ക്രൂരമായി ആക്രമിക്കപ്പെട്ടതിനെതിരെ ഒരു ജനതയുടെ ആത്മാവിഷ്‌ക്കാരത്തിന്റെ അമരക്കാരന്‍ മെഗാ സ്റ്റാര്‍ ഒരക്ഷരം ഉരിയാടി കേട്ടിട്ടില്ല.
മോഹന്‍ലാല്‍ പണ്ടേ പുരോഗമനവാദിയല്ലാത്തതിനാല്‍ മിസ്റ്റിസിസത്തില്‍ മുങ്ങാംകുഴിയിട്ട് സ്വയം അപ്രത്യക്ഷനായി. കൊല്ലം കമ്മ്യൂണിസ്റ്റ് അന്നുതൊട്ട് ഇന്നുവരെ ജനപ്രിയന് പിന്നില്‍ പാറപോലെ ഉറച്ചുനില്‍ക്കുന്നു. പത്തനാപുരം എംഎല്‍എയും കൊച്ചി രാജാവിനൊപ്പമാണ്.
വലിയ വായില്‍ ക്രിമിനല്‍ ഗൂഢാലോചന എന്നൊക്കെ ആദ്യം തള്ളിയ WCC സ്ഥാപക ലേഡി സൂപ്പര്‍സ്റ്റാറും പീഡിപ്പിക്കപ്പെട്ട സഹപ്രവര്‍ത്തകയ്ക്കായി ഒരക്ഷരം മിണ്ടുന്നില്ല. അതുകൊണ്ടുതന്നെ കൈനിറയെ അവസരങ്ങള്‍ കിട്ടുന്നു.
സ്ത്രീകളുടെ അവകാശങ്ങള്‍ക്കായി ഒരു വിട്ടുവീഴ്ചയുമില്ലാതെ പോരാടുന്ന മാലാ പാര്‍വതിയും ഭാഗ്യലക്ഷ്മിയും ഒന്നും കുറ്റാരോപിതനെതിരെ മിണ്ടിയിട്ടേയില്ല. സൈദ്ധാന്തിക വാചകവീര്യത്തില്‍ കാള്‍ മാര്‍ക്സിനെ കവച്ചുവെയ്ക്കുന്ന ഫെഫ്ക ഉണ്ണികൃഷ്ണന്‍ നടിയുടെ കേസില്‍ താത്വിക മൗനത്തിലാണ്. ഏത് ഫീല്‍ഡിലും സ്വന്തം കാര്യം തന്നെയാണ് എല്ലാവര്‍ക്കും എല്ലാമെല്ലാം.
സ്വന്തം കരിയറിന് വരുമാനത്തിന് ഊനം തട്ടുന്ന ഒരു പരിപാടിക്കും ആരും എവിടെയും തയ്യാറാവില്ല. അപ്രധാനരില്‍ അപ്രധാനിയായ ഒരു ഓഫീസ് സെക്രട്ടറിക്ക് മുന്നില്‍ മറ്റൊരു ഓപ്ഷനേയില്ല. വേട്ടക്കാര്‍ക്കൊപ്പം നില്ക്കുമ്ബോള്‍ ലഭിക്കുന്ന വമ്ബന്‍ നേട്ടങ്ങള്‍ മിക്കവര്‍ക്കും നിരസിക്കാനാവില്ല. പാര്‍വതി ഒരു അപൂര്‍വതയാണ്. അതുതന്നെയാണ് അവരുടെ സൗന്ദര്യവും.
Premium Lifestyle and Entertainment website
മലയാളത്തിന്റെ ഭാവഗായകന്‍ പി ജയചന്ദ്രന്‍ അന്തരിച്ചു; തൃശൂര്‍ അമല ആശുപത്രിയില്‍ അര്‍ബുദ ചികിത്സക്കിടെ അന്ത്യം; വിട പറയുന്നത് മികച്ച ഗായകനുള്ള ദേശീയ, സംസ്ഥാന പുരസ്‌കാരങ്ങള്‍ നേടിയ ഗായകന്‍; വിടവാങ്ങല്‍ ഇടവേളയ്ക്ക് ശേഷം സംഗീത ലോകത്ത് സജീവയിരിക്കെ 
അവധി കിട്ടും എന്നത് മാത്രമായിരുന്നു കലാമേളയുമായി തനിക്ക് ഉണ്ടായിരുന്ന ബന്ധമെന്ന് ടോവിനോ;കസേര പിടിച്ചിടാന്‍ പോലും യുവജനോത്സവ വേദിയില്‍ കയറിയിട്ടില്ലെന്ന് ആസിഫ്; കലോത്സവം സമാപന ചടങ്ങില്‍ വിദ്യാര്‍ത്ഥികള്‍ക്ക് താരങ്ങള്‍ ആവശമായത് ഇങ്ങനെ
എത്ര വലയിവന്‍ ആണെങ്കിലും സ്വന്തം തെറ്റു തിരുത്തണം എന്ന് സീമ ജി നായര്‍;വെറും ഒരു സാധനം മാത്രമാണ് പെണ്ണ് എന്നുളള പണമുളളവന്റെ ഹുങ്കാണിതെന്ന് പ്രതികരിച്ച് ഭാഗ്യലക്ഷ്മി; ഹണിറോസിന് പിന്തുണയുമായി താരങ്ങള്‍
മകനൊപ്പം മൂന്നാറില്‍; അസി റോക്കിയ്ക്കും മകനുമൊപ്പം നടത്തിയ യാത്രാ വിശേഷങ്ങളുമായി നടി അനു ജോസഫ്; റോക്കിയുടെ മകന്റെ അമ്മയെവിടെ എന്ന ചോദ്യവുമായി ആരാധകരും
രേഖാചിത്രത്തില്‍ മമ്മൂക്കയുണ്ടോ? സോഷ്യല്‍മീഡിയയില്‍ ചര്‍ച്ച മുറുകുമ്പോള്‍ പോസ്റ്റുമായി ആസിഫ്; ചിത്രത്തില്‍ മമ്മൂക്കയെ പ്രതീക്ഷിക്കുന്നവര്‍ നിരാശരാകില്ലെന്ന് സൂചന; ചിത്രത്തില്‍ മമ്മൂക്ക പറഞ്ഞ കാര്യങ്ങളും ഉള്‍പ്പെടുത്തിയിട്ടുണ്ടെന്ന് നിര്‍മ്മാതാവ് വേണു കുന്നപ്പിളളിയും
രാഹുല്‍ ഈശ്വര്‍ ക്ഷേത്ര പൂജാരി ആവാതിരുന്നത് നന്നായി; പൂജാരിയായിരുന്നെങ്കില്‍ സ്ത്രീകള്‍ക്ക് അദ്ദേഹം ഡ്രസ്സ് കോഡ് ഉണ്ടാക്കിയേനെ; സ്ത്രീകളെ ഏതു വേഷത്തില്‍ കണ്ടാല്‍ ആണ് അദ്ദേഹത്തിന്റെ നിയന്ത്രണം പോകുന്നത് എന്നറിയില്ല; രാഹുല്‍ ഈശ്വറിന്റെ വിമര്‍ശനങ്ങള്‍ക്ക് മറുപടിയുമായി ഹണി റോസ്