പതിവായി ഈന്തപഴം ശീലമാക്കൂ; ഗുണങ്ങൾ ഏറെ

ഈന്തപ്പഴത്തിന് നിരവധി ആരോഗ്യ  ഗുണങ്ങളാണ്  ഉള്ളത്. ഈന്തപഴം വിളർച്ച മുതൽ നല്ല ദഹനത്തിന് വരെ ഉപയോഗപ്രദമാണ്. ഇവയിൽ ധാരാളമായി വൈറ്റമിനുകളും നാരുകളും അടങ്ങിയിട്ടുമുണ്ട്. സ്വാഭാവിക മധുരമുള്ളതിനാൽ  പ്രമേഹ രോഗികൾക്ക് മിതമായ അളവിൽ ഇവ കഴിക്കാവുന്നതാണ്. രക്തസമ്മർദം നിയന്ത്രിക്കാനും ഈന്തപ്പഴത്തിലൂടെ സാധിക്കുന്നു. കാർഡിയോ അസുഖങ്ങൾ നിയന്ത്രിക്കുവാനും അലർജി നിയന്ത്രിക്കാനും ഇവ പതിവായി കഴിക്കുന്നത് ഗുണകരമാണ്.

ഈന്തപ്പഴം അനീമിയ ഉള്ളവർക്ക്  വളരെ ഉപകാരപ്രദമാണ്. സ്ഥിരമായി ഈന്തപ്പഴം വിളർച്ചയുള്ളവർ കഴിക്കുന്നതിലൂടെ അവരിൽ നല്ല ഒരു മാറ്റം സൃഷ്‌ടിക്കുകയും ചെയ്യുന്നു. ഈന്തപ്പഴം  വയറുമായി ബന്ധപ്പെട്ട എല്ലാ പ്രശ്നങ്ങൾക്കും നല്ലൊരു പരിഹാരമാണ്. അതേ സമയം മലബന്ധം പോലെയുള്ള  പ്രശ്നങ്ങൾ നേരിടുന്നവർക്കും ഇത് ഉത്തമമായ പരിഹാരമാർഗമാണ്. ദിവസേന ഈന്തപ്പഴം കഴിക്കുന്നത്  ദഹന പ്രശ്നങ്ങൾ ഉള്ളവർ ശീലമാക്കേണ്ടതാണ്.

വൈറ്റമിനുകളും ആന്റി ഓക്സിഡന്റുകളും ധാതുക്കളും ധാരാളമായി ഇവയിൽ അടങ്ങിയിട്ടുണ്ട്.  മുടിയുടെയും ചർമത്തിന്റെയും ആരോഗ്യത്തിനും ഈന്തപഴം വളരെ ഗുണകരമാണ്. ശരീരത്തിൽ രക്തത്തിന്റെ അളവ് കൂടാനും ഇവ സഹായിക്കുന്നു.