നയന്‍താര ആദ്യമായി ഇരട്ടവേഷത്തിലെത്തുന്ന ഐറയില്‍ നായകനായി യോഗി ബാബു എത്തുന്നു

കോലമാവ് കോകില എന്ന സൂപ്പര്‍ ഹിറ്റ് ചിത്രത്തിനു ശേഷം വീണ്ടും യോഗി ബാബു നയന്‍താരയുടെ നായികയാവുകയാണ്. സര്‍ജുന്‍ സംവിധാനം ചെയ്യുന്ന ഐറയിലാണ് ഇരുവരും വീണ്ടും ഒന്നിച്ചെത്തുന്നത്. ഹൊറര്‍ ആക്ഷന്‍ ചിത്രമായ സര്‍ജുവില്‍ മുഴുനീള വേഷമല്ല യോഗി ബാബുവിനുള്ളത്. ഈ ചിത്രത്തിലൂടെ ഹാസ്യനടനെന്ന ലേബലും താരം മാറ്റിവയ്ക്കുകയാണ്. ഐറയില്‍ അഭിനയിക്കുന്ന കാര്യം യോഗി ബാബു സ്ഥിരീകരിച്ചിട്ടുണ്ട്. നയന്‍സിനൊപ്പം വീണ്ടും ഒരു കഥാപാത്രം അഭിനയിക്കാന്‍ കഴിയുന്നതിന്റെ സന്തോഷവും താരം മറച്ചുവച്ചിട്ടില്ല. കലയരശനും ജയപ്രകാശുമാണ് ചിത്രത്തിലെ മറ്റ് പ്രധാന താരങ്ങള്‍. വരുന്ന ക്രിസ്മസിന് തിയേറ്ററുകളില്‍ എത്തിക്കുന്ന ചിത്രം കെ.ജെ.ആര്‍ സ്റ്റുഡിയോസിന്റെ ബാനറില്‍ കൊട്ടപ്പാടി രാജേഷാണ് നിര്‍മ്മിക്കുന്നത്. നയന്‍താര ആദ്യമായി ഇരട്ടവേഷത്തിലെത്തുന്ന ചിത്രമാണ് ഐറ. കോലമാവ് കോകിലയിലെ നയന്‍- യോഗി ബാബു ജോടിയുടെ പ്രണയഗാനം സൂപ്പര്‍ ഹിറ്റായി മാറിയിരുന്നു.