മലയാള സിനിമയിലെ യുവതാരങ്ങളില്‍ ശ്രദ്ധേയനാണ് ഉണ്ണി മുകുന്ദന്‍. ഹിറ്റ് ചിത്രങ്ങളിലെ ശ്രദ്ധേയ കഥാപാത്രമായി തിളങ്ങിയ ഉണ്ണിയിപ്പോള്‍ മികച്ച കഥാപാത്രങ്ങളുമായി സിനിമയില്‍ മുന്നേറുകയാണ്. സോഷ്യല്‍ മീഡിയയില്‍ സജീവമായ താരം തന്റെ ചിത്രങ്ങളും വിശേഷങ്ങളും ആരാധകരോട് പങ്കുവയ്ക്കാറുണ്ട്. ഇപ്പോള്‍ മമ്മൂട്ടി നായകനാകുന്ന മാമാങ്കത്തില്‍ ചന്ദ്രോത്ത് പണിക്കര്‍ എന്ന കഥാപാത്രമായിട്ടാണ് ഉണ്ണി എത്തുന്നത്. ഇന്നലെയാണ് താരം തന്റെ മുപ്പത്തിയൊന്നാം പിറന്നാള്‍ ആഘോഷിച്ചത്. പിറന്നാള്‍ ആഘോഷത്തിന്റെ ചിത്രങ്ങളും താരം പങ്കുവച്ചിട്ടുണ്ട്.
കഴിഞ്ഞ വര്‍ഷം പോളി ഗാര്‍ഡന്‍ ചാരിറ്റി ഹോമിലെ അന്തേവാസികള്‍ക്കൊപ്പമായിരുന്നു ഉണ്ണിയുടെ പിറന്നാള്‍ ആഘോഷം. പിരിയാന്‍ നേരം ഈ വര്‍ഷവും വരുമെന്ന് ഉണ്ണി വാക്കു തെറ്റിച്ചില്ല. ഇതോടെ ഇക്കുറിയും അവരൊടൊപ്പം തന്നെയാണ് താരം പിറന്നാള്‍ ആഘോഷിച്ചത്. അവിടുത്തെ അന്തേവാസികള്‍ക്കൊപ്പമുളള ചിത്രങ്ങളും ഒപ്പം ഒരു കുറിപ്പും ഉണ്ണിമുകുന്ദന്‍ പങ്കുവച്ചിരിക്കുന്നത്.
തനിക്ക് ആശംസകള്‍ അറിയിച്ച എല്ലാവര്‍ക്കും നന്ദി അറിയിച്ചുകൊണ്ടുള്ള പോസ്റ്റും ഉണ്ണിമുകുന്ദന്‍ പങ്കുവച്ചിട്ടുണ്ട്. നിരവധി ആശംസാകത്തുകളാണ് താരത്തെ തേടിയെത്തിയത്. തന്റെ ഓരോ ജന്മദിനവും ഏറ്റവും സന്തോഷകരമാക്കി തീര്‍ക്കുന്നത് നിങ്ങള്‍ ഓരോരുത്തരും ആണെന്നും നിങ്ങളുടെ ഹൃദയത്തില്‍ നിന്നു വരുന്ന ഓരോ വാക്കും തനിക്ക് ലഭിക്കുന്ന അനുഗ്രഹം ആയി കണക്കാക്കുന്നുവെന്നും ഉണ്ണി പോസ്റ്റില്‍ പറയുന്നു. കഴിഞ്ഞ വര്‍ഷം തന്റെ ജന്മദിനം ആഘോഷിച്ചത് നമ്മുടെ സമൂഹത്തില്‍ നിന്നു ഒറ്റപ്പെട്ടു ജീവിക്കുന്ന പോളി ഗാര്‍ഡന്‍ ചാരിറ്റി ഹോമിലെ അന്തേവാസികളുടെ ഒപ്പമാണ്. അന്ന് അവിടെ നിന്നു പോരുമ്പോള്‍ അവര്‍ക്ക് വാക്ക് നല്‍കിയിരുന്നത് പോലെ ഈ വര്‍ഷവും തന്റെ ജന്മദിനത്തിലെ സായാഹ്നം അവര്‍ക്കൊപ്പം ചെലവിടാന്‍ തനിക്ക് കഴിഞ്ഞുവെന്നും ഉണ്ണി പറയുന്നു. കഴിഞ്ഞ വര്‍ഷം പിരിഞ്ഞതിന്റെ തുടക്കമെന്നോണം ഇത്തവണയും അവരില്‍ ഒരാളായിട്ടാണ് തന്നെ അവര്‍ സ്വീകരിച്ചതെന്നും മറക്കാനാകാത്ത നിമിഷങ്ങളായി അവ കാത്തു വയ്ക്കുന്നുവെന്നും താരം പറയുന്നു.
RECOMMENDED FOR YOU:
Premium Lifestyle and Entertainment website
മാര്‍ക്കോ കണ്ട ശേഷം ഉണ്ണി മുകുന്ദനെയും ഹനീഫ് അദാനിയേയും അഭിനന്ദിച്ച് സൂര്യ 
ഇത് വിജയ് സാറിന്റെ അവസാനത്തെ സിനിമയാണ്; വീണ്ടും ഇങ്ങനെയൊരു അവസരം കിട്ടിയെന്ന് വരില്ല; പ്രേക്ഷകരും ഞങ്ങളുടെ കംബാക്കിനായി കാത്തിരിക്കുന്നു'; ജനനായകന്‍ ചെയ്യാനുള്ള കാരണം അതാണ്; പൂജ ഹെഗ്ഡെ പറയുന്നു