മമ്മൂട്ടിയെ നായകനാക്കി വൈശാഖ് സംവിധാനം ചെയ്ത ടര്‍ബോ എന്ന ചിത്രത്തിന് അറബിക് പതിപ്പും. ഇതിന് മുന്നോടിയായി അറബിക് ടീസര്‍ ഇന്നലെ രാത്രി ഷാര്‍ജ സെന്‍ട്രല്‍ മാളില്‍ പുറത്തിറങ്ങി. ടര്‍ബോയുടെ വിജയാഘോഷ ചടങ്ങിലാണ് ടീസര്‍ റിലീസ് ചെയ്തത്. 11 ദിവസം കൊണ്ട് ആഗോള ബോക്‌സ് ഓഫീസില്‍ നിന്ന് 70 കോടി ടര്‍ബോ നേടി.
മെയ് 23 ന് തിയറ്ററുകളിലെത്തിയ ചിത്രം ആക്ഷന്‍ കോമഡി വിഭാഗത്തില്‍ പെടുന്ന ഒന്നായിരുന്നു. മിഥുന്‍ മാനുവല്‍ തോമസ് രചന നിര്‍വ്വഹിച്ച ചിത്രത്തില്‍ ജീപ്പ് ഡ്രൈവറായ ജോസ് എന്ന കഥാപാത്രത്തെയാണ് മമ്മൂട്ടി അവതരിപ്പിച്ചത്.ചിത്രം 11 ദിവസം കൊണ്ട് ആഗോള ബോക്‌സ് ഓഫീസില്‍ നിന്ന് 70 കോടി നേടിയതായി അണിയറക്കാര്‍ അറിയിച്ചിരുന്നു.
മമ്മൂട്ടി കമ്പനി നിര്‍മ്മിക്കുന്ന അഞ്ചാമത്തെ ചിത്രമായ ടര്‍ബോ തമിഴ്‌നാട്ടിലും കര്‍ണാടകത്തിലും സൗദി അടക്കമുള്ള വിദേശ മാര്‍ക്കറ്റുകളിലും മികച്ച കുതിപ്പാണ് നടത്തിയത്. സൗദിയില്‍ ഒരു മലയാള ചിത്രം നേടുന്ന എക്കാലത്തെയും മികച്ച കളക്ഷനാണ് ടര്‍ബോ സ്വന്തമാക്കിയത്. കന്നട താരം രാജ് ബി. ഷെട്ടി, തെലുങ്ക് താരം സുനില്‍, തെലുങ്കിലും ബോളിവുഡിലും തിളങ്ങുന്ന കബീര്‍ ദുഹാന്‍ സിംഗ് എന്നിവരാണ് മറ്റു പ്രധാന കഥാപാത്രങ്ങള്‍ അവതരിപ്പിച്ചത്.
അഞ്ജന ജയപ്രകാശ് , ദിലീഷ് പോത്തന്‍, ബിന്ദു പണിക്കര്‍, ശബരീഷ് വര്‍മ്മ, ജോണി ആന്റണി, നിരഞ്ജന അനൂപ് തുടങ്ങിയവരാണ് മറ്റു താരങ്ങള്‍.മിഥുന്‍ മാനുവല്‍ തോമസാണ് രചന. ഛായാഗ്രഹണം വിഷ്ണു ശര്‍മ്മ.
Premium Lifestyle and Entertainment website
നടി സബീറ്റ പിറന്നാൾ ആഘോഷിച്ചത് ഇങ്ങനെ; ചക്കപ്പഴത്തിലെ അമ്മൂമ്മയോടൊപ്പം സന്തോഷത്തോടെ കേക്ക് മുറിച്ചു; സ്നേഹം തുളുമ്പുന്ന വീഡിയോ പങ്കുവച്ച് താരം
മൂകാംബിക അമ്മയെ തൊഴുത് ഒഴിഞ്ഞ മനസ്സുമായി സരസ്വതി മണ്ഡപത്തിലിരിക്കുമ്പോള്‍ വന്ന ആദ്യത്തെ ഫോണ്‍;കൊച്ചിന്‍ ഹനീഫ ലൈഫ് ടൈം അച്ചീവ്‌മെന്റ്റ് അവാര്‍ഡ് ലഭിച്ച സന്തോഷം ഹരിഷ് പേരടി കുറിച്ചതിങ്ങനെ