സുപ്രിയയെ മലയാളികള്‍ക്ക് ഒരുപാട് ഇഷ്ടമാണ്. നടന്‍ പൃഥ്വിരാജ് സുകുമാരന്റെ ഭാര്യ എന്നതിലുപരി നിര്‍മാതാവ് ജേണലിസ്റ്റ് എന്നീ നിലകളില്‍ പ്രശസ്തയാണ് സുപ്രിയ മേനോന്‍. വിവാഹത്തിന് ശേഷമാണ് സുപ്രിയ സിനിമയെ കുറിച്ച് കൂടുതല്‍ അറിഞ്ഞതും പഠിച്ചതും. ഇപ്പോള്‍ പൃഥ്വിരാജിന്റെ നിര്‍മാണ കമ്പനിയുടെ എല്ലാ കാര്യങ്ങളും നോക്കി നടത്തുന്നത് സുപ്രിയയാണ്. ഏക മകളാണ് സുപ്രിയ. കഴിഞ്ഞ വര്‍ഷം നവംബറിലാണ് സുപ്രിയയുടെ അച്ഛന്‍ അന്തരിച്ചത്. മനമ്പറക്കാട്ട് വിജയകുമാര്‍ മേനോന്‍ എന്നായിരുന്നു സുപ്രിയയുടെ അച്ഛന്റെ പേര്.
സുപ്രിയയുടെ അച്ഛന്‍ മരിച്ചിട്ട് ഇന്ന് ഒരു വര്‍ഷം തികയുകയാണ്. അച്ഛന്റെ ചരമവാര്‍ഷിക ദിനത്തില്‍ ഹൃദയസ്പര്‍ശിയായ കുറിപ്പു പങ്ക് വച്ചിരിക്കുകയാണ് സുപ്രിയ മേനോന്‍. അച്ഛന്‍ മരിച്ചെന്നു വിശ്വസിക്കാന്‍ കഴിയാത്ത ഒരു വര്‍ഷമാണ് കടന്നുപോയതെന്ന് താരം കുറിച്ചു.
അച്ഛന്‍ ഞങ്ങളെ വിട്ടു പോയിട്ട് ഒരു വര്‍ഷം പിന്നിടുന്നു. ഞാന്‍ ഏറ്റവും കൂടുതല്‍ കണ്ണുനീരൊഴുക്കിയ വര്‍ഷമാണ് കടന്നുപോയത്. എന്റെ ഫോണിലെ സ്പീഡ് ഡയല്‍ ലിസ്റ്റിലെ ആദ്യത്തെ നമ്പറായ അച്ഛന്റെ നമ്പര്‍ ഡയല്‍ ചെയ്യുന്ന ശീലം നിര്‍ത്താനെനിക്ക് ഇതുവരെ കഴിഞ്ഞിട്ടില്ല. എന്റെ ഫോണിലെ ചിത്രങ്ങളും വിഡിയോകളും സ്‌ക്രോള്‍ ചെയ്ത് അച്ഛന്റെ നല്ല നിമിഷങ്ങളും ഞാന്‍ ഇതുവരെ കണ്ടിട്ടില്ലാത്ത ചിത്രങ്ങളും തിരയുന്ന ശീലവും ഉപേക്ഷിക്കാന്‍ കഴിയുന്നില്ല. ഈ കഴിഞ്ഞ വര്‍ഷത്തില്‍ കൂടുതല്‍ ദിവസവും സംഭവിച്ചത് വിശ്വസിക്കാന്‍ കഴിയാതെ ആരോടെക്കെയോ ഉള്ള ദേഷ്യത്തില്‍ കഴിച്ചുകൂട്ടുകയായിരുന്നു.
എന്തുകൊണ്ടാണ് എനിക്ക് ഇങ്ങനെ സംഭവിച്ചത്? എന്തുകൊണ്ട് എന്റെ അച്ഛന്‍, എന്തുകൊണ്ട് അതിനു പകരം മറ്റാരെങ്കിലുമായില്ല? അച്ഛന്റെ ശബ്ദം കേള്‍ക്കുകയോ ആലിംഗനത്തിന്റെ ഊഷ്മളത അനുഭവിക്കുകയോ ചെയ്തിട്ട് ഒരുവര്‍ഷമായിരിക്കുന്നു. നമ്മള്‍ പരസ്പരം സംസാരിക്കുകയോ കാണുകയോ ചെയ്യാത്ത ഏറ്റവും ദൈര്‍ഘ്യമേറിയ സമയമാണിത്. ഈ ഒരു വര്‍ഷത്തില്‍ അച്ഛനെക്കുറിച്ച് പറയാതെയോ ചിന്തിക്കാതെയോ ചെയ്യാതെ ഒരു ദിവസംപോലും കടന്നുപോയിട്ടില്ല. എല്ലാ രാത്രികളിലും അച്ഛന്‍ എന്റെ സ്വപ്നങ്ങളില്‍ വരുമെന്നും നമ്മള്‍ ഒരുമിച്ചിരിക്കുമെന്നും പ്രതീക്ഷിച്ച ഒരു വര്‍ഷം. ഞാന്‍ ശരിക്കും തനിച്ചായിപ്പോയെന്നും അച്ഛനെപ്പോലെ ആര്‍ക്കും എന്നെ പിന്തുണയ്ക്കാന്‍ കഴിയില്ലെന്നും മനസ്സില്ലാമനസ്സോടെ അംഗീകരിച്ച ഒരു വര്‍ഷം.
എല്ലാവരും അവരവരുടെ ജീവിതത്തിലെ തിരക്കില്‍ മുഴുകുമ്പോള്‍ എന്റെയും എന്റെ അമ്മയുടെയും ജീവിതം ഇനിയൊരിക്കലും മാറ്റാനാവാത്തവിധം മാറിമറിഞ്ഞു. അച്ഛാ, എന്റെയും അമ്മയുടെയും ജീവിതത്തിലെ ഏറ്റവും പ്രയാസമേറിയ ഒരു വര്‍ഷമാണ് കടന്നുപോയത്. മുന്നോട്ടുള്ള പാതയില്‍ അച്ഛന്‍ ഒപ്പമില്ലെന്നുള്ള ഓര്‍മ പോലും ഭയാനകമാണ്. പക്ഷേ ഒരു കാര്യത്തില്‍ എനിക്കുറപ്പുണ്ട്, അച്ഛനെ രക്തം എന്റെ സിരകളില്‍ ഓടുന്നതുകൊണ്ട് ഏതു പ്രതിസന്ധികളെയും നേരിടാന്‍ എനിക്ക് കഴിമെന്നും അച്ഛന്‍ തെളിച്ചു തന്നതാണെന്നും വഴിയിലൂടെയാണ് മുന്നോട്ടുള്ള പ്രയാണമെന്നും. ഈ ഒരു വര്‍ഷം ഞങ്ങള്‍ അച്ഛനെ വല്ലാതെ മിസ് ചെയ്യുകയും ഒരുപാട് സ്‌നേഹിക്കുകയും ചെയ്തു. എന്ന് എന്റെ അച്ഛന്റെ മകള്‍.''-സുപ്രിയ കുറിച്ചു.
Premium Lifestyle and Entertainment website
ഇന്റിമേറ്റ് സീന്‍ ചെയ്യുന്നതിനിടെ ആവേശം കൂടി കയറിപിടിച്ചു; ചുംബനരംഗങ്ങളില്‍ ചിലര്‍ അതിര് വിടും; ബോളിവുഡ് നടി അനുപ്രിയ ഗോയിങ്ക ഇന്റിമേറ്് സീനുകളെക്കുറിച്ച് പങ്ക് വച്ചത്
വിവാഹം കഴിഞ്ഞ ദിവസം മുതല്‍ വേദനയും ദുരിതവും സഹിക്കുകയാണ്;ഡി വോഴ്സിന് അപേക്ഷിച്ച് സ്വര്‍ണ്ണക്കടത്ത് കേസ് പ്രതി നടി രന്യയുടെ ഭര്‍ത്താവ്