ബിഗ് സ്‌ക്രീനിലും മിനി സ്‌ക്രീനിലും ഒരുപോലെ തിളങ്ങി നില്‍ക്കുന്ന താരമാണ് ശ്രീവിദ്യ മുല്ലശ്ശേരി. സ്റ്റാര്‍ മാജിക് എന്ന കോമഡി ഷോയിലൂടെയാണ് ശ്രീവിദ്യ മലയാളി പ്രേക്ഷകര്‍ക്ക് സുപരിചിതയായത്. കാസര്‍ഗോഡ് സ്വദേശിയായ ശ്രീവിദ്യ ഇതിനോടകം തന്നെ പത്തോളം ചിത്രങ്ങളില്‍ അഭിനയിച്ച് കഴിഞ്ഞു. സോഷ്യല്‍ മീഡിയയില്‍ സജീവമായ ശ്രീവിദ്യ പങ്കുവെയ്ക്കുന്ന വിശേഷങ്ങളെല്ലാം തന്നെ അതിവേഗം വൈറലാകാറുണ്ട്. ഇപ്പോളിതാ ശ്രീവിദ്യയും വരനും വിവാഹത്തെക്കുറിച്ച് പങ്ക് വച്ചിരിക്കുകയാണ്.സംവിധായകനായ രാഹുല്‍ രാമചന്ദ്രന്‍ ആണ് ശ്രീവിദ്യയുടെ ഭാവി വരന്‍.
ഇരുവരും ചേര്‍ന്ന് വീഡിയോയിലൂടെയാണ് വിവാഹക്കാര്യം പങ്ക് വച്ചത്. സെപ്റ്റംബര്‍ എട്ടിന് ആണ് വിവാഹം. എറണാകുളത്ത് വച്ചാണ് വിവാഹം. ഹല്‍ദി. സംഗീത് നൈറ്റ് എന്നിവയും പ്ലാന്‍ ചെയ്തിട്ടുണ്ടെന്നും 10 ാം തിയതി രാഹുലിന്റെ നാട്ടില്‍ വച്ചും വിരുന്ന് സംഘടിപ്പിക്കുമെന്നും ഇരുവരും അറിയിച്ചു. നിശ്ചയത്തിന് ശേഷം വിവാഹം നീണ്ട് പോകാന്‍ കാരണം ശ്രീവിദ്യ തന്റെ മുത്തശി മരിച്ചതടക്കം ഉള്ള സ്വകാര്യ കാരണങ്ങളാണെന്നും പങ്ക് വച്ചു.
കഴിഞ്ഞിടെയായിരുന്നു താരങ്ങളുടെ എന്‍ഗേജ്‌മെന്റ് ആനിവേഴ്‌സറി ആഘോഷിച്ചത്. ദീര്‍ഘ കാലത്തെ പ്രണയത്തിനു ശേഷമാണ് ഇരുവരും വിവാഹിതരാകാന്‍ തയ്യാറെടുക്കുന്നത്. സുരേഷ് ഗോപി അഭിനയിക്കുന്ന പുതിയ ചിത്രം സംവിധാനം ചെയ്യുന്നത് രാഹുലാണ്. ചിത്രത്തിന്റെ പേര് ഇതുവരെ പുറത്തുവിട്ടിട്ടില്ല. ഇലക്ഷന് ശേഷം ചിത്രം പുറത്തിറങ്ങുമെന്നും രാഹുല്‍ പറയുന്നു.
യുട്യൂബ് ചാനലിലൂടെയും സജീവമായ ശ്രീവിദ്യ സ്റ്റാര്‍ മാജിക്ക് പരിപാടിയിലൂടെയാണ് ശ്രദ്ധിക്കപ്പെട്ട് തുടങ്ങിയതും ആരാധകരെ സ്വന്തമാക്കിയതും. 2016ലാണ് ശ്രീവിദ്യ ആദ്യ സിനിമ ചെയ്തത്. ക്യാംപസ് ഡയറിയായിരുന്നു സിനിമ. നിരവധി പ്രമുഖ താരങ്ങളടക്കം അണിനിരന്ന സിനിമയായിരുന്നു അത്. ശേഷം മമ്മൂട്ടി ചിത്രം കുട്ടനാടന്‍ വ്‌ലോ?ഗിലും ശ്രീവിദ്യ അഭിനയിച്ചു. ചിത്രത്തിലെ വേഷവും ശ്രദ്ധിക്കപ്പെട്ടു. ബിബിന്‍ ജോര്‍ജിന്റെ ഒരു പഴയ ബോംബ് കഥയായിരുന്നു ശ്രീവിദ്യയുടെ മൂന്നാമത്തെ സിനിമ.
ചിത്രത്തിലും സഹനടിയായിരുന്നു ശ്രീവിദ്യ. മാഫിഡോണ, നൈറ്റ് ഡ്രൈവ് എന്നിവയാണ് പിന്നീട് പുറത്തിറങ്ങിയ ശ്രീവിദ്യയുടെ സിനിമകള്‍. ശ്രീവിദ്യയുടെ സ്വയം ട്രോളികൊണ്ടുള്ള കോമഡികളും ബിനു അടിമാലിക്കൊപ്പമുള്ള കോമ്പിനേഷന്‍ പ്രകടനങ്ങളുമെല്ലാമാണ് ശ്രീവിദ്യയെ പ്രേക്ഷകര്‍ക്ക് പ്രിയങ്കരിയാക്കിയത്.
Premium Lifestyle and Entertainment website
നാടക പ്രവര്‍ത്തകരുടെ ദുരന്തത്തില്‍ ദുഃഖം താങ്ങാനാകാതെ സഹപ്രവര്‍ത്തകര്‍; ദേവ കമ്മ്യൂണിക്കേഷന്‍സിലെ അഞ്ജലിയും ജെസ്സിയും ഓര്‍മ്മയാകുമ്പോള്‍
ചാനലില്‍ വര്‍ക്ക് ചെയ്തിരുന്ന വേറൊരു പെണ്‍കുട്ടി വരുമെന്നാണ് വിചാരിച്ചത്; ഞാന്‍ ചെന്ന് അഭിമുഖത്തിനായി ഇന്‍ട്രോ പറഞ്ഞതോടെ ഷൗട്ട് ചെയ്തു;നമ്മള്‍ ഒരുപാട് ആരാധിക്കുന്ന വ്യക്തിയില്‍ നിന്നും ഉണ്ടായ മോശം അനുഭവം പങ്ക് വച്ച് നടന്‍ കൂടിയായ ആര്‍ ജെ ഗദ്ദാഫി