'സിക്കന്ദര്‍' സിനിമയുടെ പ്രമോഷന്റെ ഭാഗമായി മാധ്യമങ്ങളെ കണ്ട് സല്‍മാന്‍ ഖാന്‍ . ഇപ്പോള്‍ ബോളിവുഡ് നേരിടുന്ന പ്രതിസന്ധി അടക്കം വിശദമായി സംസാരിച്ച സല്‍മാന്‍ ഖാന്‍ രാജ്യത്തെ തീയറ്ററുകളില്‍ കര്‍ണാടക സര്‍ക്കാര്‍ ഏര്‍പ്പെടുത്തിയ പോലെ സിനിമാ ടിക്കറ്റുകള്‍ക്ക് പരമാവധി 200 രൂപ എന്ന രീതിയില്‍ പരിധി ഏര്‍പ്പെടുത്തണമെന്ന് അഭിപ്രായപ്പെടുകയും ചെയ്തു.
സല്‍മാന്‍ ജിയുടെ വാക്കുകള്‍... 'സിനിമാ ടിക്കറ്റുകള്‍ക്ക് ഒരു വില പരിധി വേണമെന്ന് ഞാന്‍ ആഗ്രഹിക്കുന്നു. ഒപ്പം തീയറ്ററില്‍ ലഭിക്കുന്ന പോപ്കോണിന്റെയും പാനീയങ്ങളുടെയും വിലയില്‍ ഒരു പരിധി വേണമെന്ന് ഞാന്‍ കരുതുന്നു. നിര്‍മ്മാതാവിനും അതില്‍ നിന്ന് ഒരു വിഹിതം ലഭിക്കുകയും വേണം' സല്‍മാന്‍ ഖാന്‍ വ്യക്തമാക്കി.
ഇന്ത്യയില്‍ ഇപ്പോഴും ആവശ്യത്തിന് തീയറ്ററുകള്‍ ഇല്ലെന്നും സല്‍മാന്‍ സൂചിപ്പിച്ചു 'നമ്മുടെ രാജ്യത്ത് കുറഞ്ഞത് 20,000+ തിയേറ്ററുകള്‍ കുറവാണ്. ഞങ്ങളുടെ സിനിമ വെറും 6000 സ്‌ക്രീനുകളില്‍ മാത്രമാണ് റിലീസ് ചെയ്യുന്നത്. രാജസ്ഥാനിലെ മാണ്ടവയില്‍ ഞങ്ങള്‍ ബജ്രംഗി ഭായിജാന്‍ എന്ന സിനിമയുടെ ഷൂട്ടിംഗ് നടത്തുകയായിരുന്നു, ആ പട്ടണത്തില്‍ തന്നെ 100 കോടീശ്വരന്മാര്‍ എങ്കിലും ഉണ്ട്. പക്ഷെ ആ പട്ടണത്തില്‍ ഒരു തിയേറ്റര്‍ പോലും ഇല്ല. ഒരു സിനിമ കാണാന്‍ അവര്‍ രണ്ടര മണിക്കൂര്‍ ഡ്രൈവ് ചെയ്യണം. രാജ്യത്ത് സിനിമാ ഹാളുകളുടെ കുറവുണ്ട്.'
മാസ് സിനിമയെ എങ്ങനെ നിര്‍വചിക്കുന്നുവെന്ന് ചോദിച്ചപ്പോള്‍ സല്‍മാന്‍ ഖാന്‍ പറഞ്ഞ അഭിപ്രായം ഇങ്ങനെയായിരുന്നു 'മാസ് സിനിമയും ക്ലാസ് സിനിമയും തമ്മിലുള്ള വേര്‍തിരിവ് ഇല്ലാതായി. ഇപ്പോള്‍ മള്‍ട്ടിപ്ലക്‌സുകളില്‍ പോലും ആളുകള്‍ വിസിലടിക്കാന്‍ തുടങ്ങിയിരിക്കുന്നു. സിംഗിള്‍ സ്‌ക്രീന്‍ തീയറ്ററുകളിലും ഇതുതന്നെ സംഭവിക്കുന്നു.' എന്നും അദ്ദേഹം പറഞ്ഞു.
Premium Lifestyle and Entertainment website
ഓട്ടിസം എങ്ങനെ നേരത്തെ മനസ്സിലാക്കാം
നടി നന്ദനയുടെ വീട്ടിലെത്തി സുരേഷ് ഗോപി; മനോജ് ഭാരതിരാജയുടെ വേര്‍പാടില്‍ നേരിട്ടെത്തി അനുശോചനം അറിയിച്ച് താരം; ഭാരതിരാജക്കൊപ്പമുള്ള ചിത്രം പങ്ക് വച്ച് കുറിപ്പുമായി നടന്‍