മലയാളികളുടെ പ്രിയതാരം രമേഷ് പിഷാരടിക്ക് സോഷ്യല്‍മീഡിയയില്‍ ആരാധകര്‍ ഏറെയാണ്.താരം സമൂഹ മാധ്യമത്തില്‍ പങ്കുവെയ്ക്കുന്ന ഓരോ ഫോട്ടോയ്ക്കും വീഡിയോയ്ക്കും കുറിക്കുന്ന രസകരമായ അടിക്കുറിപ്പുകള്‍ ആരാധകര്‍ ഏറ്റെടുക്കുക പതിവാണ്. കുറഞ്ഞ വാക്കുകളില്‍ പോലും വായിക്കുന്നവരില്‍ ചിരി ഉണര്‍ത്താനും രമേശ് പിഷാരടി പങ്കുവെക്കുന്ന വാക്കുകള്‍ കൊണ്ട് സാധിക്കും. ഇപ്പോഴിതാ തന്റെ ഇളയ മകന്‍ ഉറക്കം തൂങ്ങുന്ന വീഡിയോ പങ്കുവെച്ച് എത്തിയിരിക്കുകയാണ് രമേഷ് പിഷാരടി.
പകല്‍ കസേരയില്‍ ഇരുന്നു ഉറക്കം തൂങ്ങുന്ന കുഞ്ഞിന്റെ ക്യൂട്ട് വിഡിയോയാണ് വൈറലാകുന്നത്. മമ്മൂട്ടിയുടെ പുതിയ ചിത്രം 'നന്‍പകല്‍ നേരത്ത് മയക്കം' എന്ന കാപ്ഷനോടെയാണ് വിഡിയോ പങ്കുവച്ചത്. ഉറക്കം തൂങ്ങി ചാരിയിരുന്നു ഉറങ്ങുന്ന കുഞ്ഞിനെയാണ് വിഡിയോയില്‍ കാണുന്നത്. തട്ടിവിളിക്കുമ്പോള്‍ കഷ്ടപ്പെട്ട് എഴുന്നേറ്റിരിക്കാനും കുഞ്ഞ് ശ്രമിക്കുന്നുണ്ട്. ഇടയ്ക്കിടെ കണ്ണുകള്‍ വലിച്ചുതുറക്കാന്‍ ശ്രമിക്കുന്ന കുഞ്ഞിന്റെ ക്യൂട്ട് വിഡിയോയ്ക്ക് താഴെ ഒട്ടേറെപ്പേരാണ് ലൈക്കുകളും കമന്റുകളുമായി പ്രതികരിച്ചത്.
'അച്ചോടാ.. ഉമ്മ.. ചാച്ചിക്കോടാ' എന്നായിരുന്നു ചാക്കോച്ചന്റെ പ്രതികരണം. 'എനിക്ക് പഴയ കണക്ക് ക്ലാസ്സ് ഒക്കെ ഓര്‍മ്മ വരുന്നു' എന്നായി വിധുപ്രതാപ്. കനിഹ, ശ്വേത മേനോന്‍, ജ്യോത്സ്‌ന രാധാകൃഷ്ണന്‍, രചന നാരായണന്‍കുട്ടി എന്നിവരും കുഞ്ഞ് പിഷാരടിയുടെ ഉറക്കത്തിനു രസകരമായ കമന്റുകളുമായെത്തി.
അതേസമയം, മമ്മൂട്ടിയുടെ സിബിഐ 5,'നോ വേ ഔട്ട് എന്നിവയാണ് രമേശ് പിഷാരടിയുടേതായി ഒടുവില്‍ പുറത്തിറങ്ങിയ സിനിമ. നിധിന്‍ ദേവീദാസിന്റെ സംവിധാനത്തില്‍ രമേഷ് പിഷാരടി തന്നെയാണ് നോ വേ ഔട്ടില്‍ നായകനായി എത്തിയത്. നിധിന്‍ തന്നെയാണ് ചിത്രത്തിന്റെ തിരക്കഥയും എഴുതിയതും. റിമോഷ് എം എസ് ആണ് നിര്‍മ്മാണം. റിമൊ എന്റര്‍ടെയ്ന്‍മെന്റ്‌സിന്റെ ബാനറിലാണ് നിര്‍മാണം. പ്രൊഡക്ഷന്‍ കണ്‍ട്രോളര്‍ വിനോദ് പറവൂര്‍. പ്രൊഡക്ഷന്‍ എക്‌സിക്യൂട്ടീവ് റിയാസ് പട്ടാമ്പി.
Premium Lifestyle and Entertainment website
അമ്മ നാല് വര്‍ഷമായി കോമയില്‍; ഭക്ഷണം നല്‍കുന്നത് ട്യൂബിലൂടെ; നാല് വര്‍ഷമായി അപ്പ ഗ്രേറ്റായ ഒരു സിംഗിള്‍ പാരന്റാണ്; സത്യരാജിനെ കുറിച്ച് കുറിപ്പ് പങ്കുവച്ച് മകള്‍ 
അല്ലുവിനും ഭാര്യയ്ക്കുമെതിരേ അധിക്ഷേപ വീഡിയോ; യൂട്യൂബ് ചാനല്‍ ഉടമയെക്കൊണ്ട് മാപ്പ് പറയിപ്പിച്ച് ആരാധകര്‍