തലൈവയുടെ പേട്ടയെ കടത്തിവെട്ടി അജിത്ത് ചിത്രം വിശ്വാസം..! ഇഞ്ചോടിഞ്ച് പോരാട്ടത്തിനൊടുവില്‍ പൊങ്കല്‍ വിജയി തലയെന്നറിഞ്ഞ സന്തോഷത്തില്‍ ആരാധകര്‍ 

പൊങ്കല്‍ റിലീസിനെത്തിയ സൂപ്പര്‍സ്റ്റാര്‍ ചിത്രങ്ങളായിരുന്നു രജനീകാന്തിന്റെ പേട്ടയും തല അജിത്തിന്റെ വിശ്വാസവും. തീയേറ്ററുകളില്‍ ഇഞ്ചോടിഞ്ച് പോരാട്ടമായിരുന്നു ഇരു ചിത്രങ്ങളും. ബോക്‌സ്ഓഫീസിലെ ഹിറ്റ് ചാര്‍ട്ടുകളില്‍ ഇടം പിടിച്ചായിരുന്നു രണ്ട് ചിത്രങ്ങളുടെയും വിജയകുതിപ്പ്. പൊങ്കലിന് ഇരട്ടി മധുരം നല്‍കിയായിരുന്നു സൂപ്പര്‍സ്റ്റാറുകളുടെ ചിത്രം ആരാധകരിലേക്കെത്തിയത്.

എന്നാല്‍ ഇപ്പോള്‍ തലൈവയുടെ ചിത്രമാണോ അജിത്ത് ചിത്രമാണോ ബോക്‌സ്ഓഫീസ് തൂത്തുവാരിയത് എന്ന് അറിയാനാണ് ആരാധകരിപ്പോള്‍. രജനിയുടെ പേട്ടയെ തട്ടിമാറ്റി വിശ്വാസമാണ് മുന്നേറുന്നെന്നാണ് റിപ്പോര്‍ട്ട്. തമിഴ്നാട്ടില്‍ ബോക്സോഫീസിലെ അന്തിമപോരാട്ടത്തിനിടയില്‍ തലയാണ് വിജയിച്ചതെന്നുള്ള റിപ്പോര്‍ട്ടുകളാണ് പുറത്തുവന്നിട്ടുള്ളത്. തമിഴ്നാട്ടില കലക്ഷന്‍ പരിശോധിക്കുമ്പോള്‍ നേട്ടം തലയ്ക്കാണെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. 

ട്രേഡ് അനലിസ്റ്റായ രമേഷ് ബാലയും ഇക്കാര്യത്തെക്കുറിച്ച് സാക്ഷ്യപ്പെടുത്തിയിട്ടുണ്ട്. പൊങ്കല്‍ വിജയി തലയാണെന്നറിഞ്ഞതിന്റെ സന്തോഷത്തിലാണ് ആരാധകര്‍. പ്രീ ബിസിനസ്സിലെ താരം തലൈവരായിരുന്നുവെങ്കില്‍ ബോക്സോഫീസിലെ താരം തലൈവരാണെന്നാണ് റിപ്പോര്‍ട്ടുകള്‍.