ചെറുവേഷങ്ങളിലൂടെ മലയാളം സിനിമാ ലോകത്ത് തന്റേതായ ഇടം നേടിയ നടന് പുന്നപ്ര അപ്പച്ചന് (അല്ഫോന്സ്-77) അന്തരിച്ചു. 77 വയസായിരുന്നു. ജെ. അല്ഫോന്സ് എന്നാണ് യഥാര്ത്ഥ പേര്. തലയില് രക്തസ്രാവമുണ്ടായതിനെത്തുടര്ന്ന് ആലപ്പുഴ വണ്ടാനം മെഡിക്കല് കോളജ് ആശുപത്രിയില് ചികിത്സയിലിരിക്കെ ആണ് മരണം.
മലയാളത്തിന് പുറമെ ഹിന്ദിയിലും തമിഴിലും ഉള്പ്പെടെ ആയിരത്തിലേറെ ചിത്രങ്ങളില് വിവിധ കഥാപാത്രങ്ങളായി തിളങ്ങിയ അദ്ദേഹം, പലപ്പോഴും വില്ലന് വേഷങ്ങളിലൂടെയാണ് പ്രേക്ഷകശ്രദ്ധ നേടിയത്. സത്യന് നായകനായ 'ഒതേനന്റെ മകന്' എന്ന ചിത്രത്തിലൂടെ സിനിമാ ലോകത്ത് അരങ്ങേറ്റം കുറിച്ച അപ്പച്ചന്, 'അനുഭവങ്ങള് പാളിച്ചകള്', 'അനന്തരം', 'ഞാന് ഗന്ധര്വന്', 'മതിലുകള്', 'സംഘം', 'അധികാരം', 'ദി കിങ്', 'ജലോത്സവം', 'കടുവ', 'സ്വര്ഗത്തിലെ കട്ടുറുമ്പ്' തുടങ്ങി നിരവധി സിനിമകളില് ശ്രദ്ധേയമായ വേഷങ്ങള് കൈകാര്യം ചെയ്തു. പ്രേംനസീര് മുതല് പുതുതലമുറയിലെ ധ്യാന് ശ്രീനിവാസന് വരെയുള്ള പ്രമുഖ നടന്മാര്ക്കൊപ്പം അദ്ദേഹം അഭിനയിച്ചിട്ടുണ്ട്.
സുരേഷ് ഗോപിയുടെ 'ഒറ്റക്കൊമ്പനാണ്' അദ്ദേഹത്തിന്റെ ഒടുവിലത്തെ ചിത്രം. ഹിന്ദിയില് ദിലീപ് കുമാര് നായകനായ 'ദുനിയ' എന്ന ചിത്രത്തില് ദിലീപ് കുമാറിനെ അറസ്റ്റു ചെയ്യുന്ന പോലീസ് ഓഫീസറായും, തമിഴില് വിജയ് നായകനായ 'സുറ' എന്ന സിനിമയിലും അപ്പച്ചന് അഭിനയിച്ചു. വില്ലന് വേഷങ്ങളായിരുന്നു ഏറെയെങ്കിലും, മമ്മൂട്ടി ചിത്രം 'ദി കിങില്' മുഖ്യമന്ത്രിയുടെ വേഷം ഏറെ ശ്രദ്ധിക്കപ്പെട്ടു. സംവിധായകന് അടൂര് ഗോപാലകൃഷ്ണന്റെ അഞ്ചു ചിത്രങ്ങളിലും അദ്ദേഹം അഭിനയിച്ചിട്ടുണ്ട്.
പുന്നപ്ര അരശര്കടവില് എ.സി. ജെറോംകുട്ടിയുടെയും മറിയമ്മയുടെയും മകനാണ്. ആലപ്പുഴ മണ്ണഞ്ചേരി തമ്പകച്ചുവട് അരശര്കടവിലായിരുന്നു താമസം. സിനിമാ ജീവിതത്തിനു പുറമെ എല്ഐസി ഏജന്റായിരുന്ന അപ്പച്ചന് ആറുതവണ കോടിപതിയായിട്ടുണ്ട്. ഭാര്യ മേരിക്കുട്ടിയും മക്കളായ ആന്റണി ജെറോം, ആലീസ് അല്ഫോന്സ് എന്നിവരും അദ്ദേഹത്തിനുണ്ട്
Premium Lifestyle and Entertainment website
നാട്ടുകാര് തല പുകഞ്ഞ് ആലോചിക്കട്ടെ, ഞങ്ങള് ഇവിടെ ചില് ചെയ്യുന്നു: റിമ കല്ലിങ്കല് പങ്കുവെച്ച റീലിന്റെ സ്ക്രീന്ഷോട്ട് പോസ്റ്റ് ചെയ്ത് മറുപടിയുമായി ഗീതു മോഹന്ദാസ്; ടീസറിനെ പിന്തുണച്ച റിമയ്ക്ക് പൊങ്കാലയുമായി സോഷ്യല് മീഡിയയും; സാമ്പിള് വെടിക്കെട്ട് കണ്ട് വണ്ടര് അടിച്ചവര് അണു ബോംബുമായി ഇറങ്ങിയെന്ന പ്രതികരണവുമായി എഴുത്തുകാരി സ്മിത സൈലേഷും
ഉമ്മ സിംഗിള് മദര്; ഉമ്മയ്ക്ക് ചിലപ്പോള് ചുരിദാറിട്ട് പുറത്തിറങ്ങണമെന്ന് ഉണ്ടാകും; പക്ഷെ സമൂഹത്തെ കുറിച്ച് ഓര്ത്ത് ചെയ്യാന് മടിക്കും; ഞങ്ങള് രണ്ട് പെണ്മക്കളും സ്വന്തം കാലില് നില്ക്കാന് പ്രാപ്തരായി;വേറൊരു വിവാഹത്തിന് ഉമ്മയെ നിര്ബന്ധിക്കുന്നു; ബിഗ് ബോസ് താരവും അവതാരകയുമായ മസ്താനി പങ്ക് വച്ചത്