പൃഥിരാജ് മോളിവുഡിലെ യങ്ങ് സൂപ്പര്‍സ്റ്റാറാണ് പൃഥിരാജ്. ആഡംബരവാഹങ്ങളോട് ഏറെ ഇഷ്ടമാണ് പൃഥിരാജിന്. സിനിമയില്‍ എത്തിയതിന് പിന്നാലെ
ഒട്ടെറെ ആഡംബരകാറുകള്‍ നടന് സ്വന്തമാക്കിയിരുന്നു. സാധാരണ ആഡംബര കാറുകള്‍ വാങ്ങുമ്പോള്‍ പോണ്ടിച്ചേരി രജിസ്‌റ്റേഷന്‍ എടുത്ത് നികുതി വെട്ടിച്ചിട്ടുള്ളതാണ് കേരളത്തിലുള്ള പല പ്രമുഖ താരങ്ങളും എന്നാല്‍ പൃഥിരാജ് തന്റെ കാറുകള്‍ കേരളത്തില്‍ തന്നെ രജിസ്റ്റര്‍ ചെയ്ത് നികുതി കൃത്യമായി അടയ്ക്കുന്ന ആളാണ്. എന്നാല്‍ ഇപ്പോള്‍ നടന്റെ കാറിന്റെ രജിസ്‌ട്രേഷന്‍ ആര്‍ടി ഒഫീസ് തടഞ്ഞിരിക്കയാണ്.
ഇക്കഴിഞ്ഞ ജൂണില്‍ ലാന്‍ഡ് റോവറിന്റെ പുതിയ റേഞ്ച് റോവര്‍ പൃഥി വാങ്ങിയിരുന്നു. കോടികള്‍ വിലമതിക്കുന്ന കാറിനായി ഫാന്‍സി നമ്പര്‍ വേണമെന്ന് ആഗ്രഹിച്ച് ആര്‍ടി ഓഫീസില്‍ ലേലത്തില്‍ താരം രജിസ്റ്റര്‍ ചെയ്തിരുന്നു. എന്നാല്‍ പ്രളയമെത്തിയതോടെ ലേലത്തില്‍ നിന്നും പിന്‍മാറി ആ തുക പ്രളയദുരിതാശ്വാസത്തിനായിട്ടാണ് താരം നല്‍കിയത്. ഒരു കോടിക്കടുത്ത് വിലയുള്ള പോര്‍ഷെ കെയ്ന്‍, 80 ലക്ഷത്തിന്റെ ഓഡി, ബിഎംഡബ്യു, മൂന്നു കോടിക്കടുത്ത് വിലവരുന്ന ലംബോര്‍ഗിനി, അത്രയും തന്നെ വിലവരുന്ന റേഞ്ച് റോവറ് എന്നിവയെല്ലാം പൃഥിരാജിന്റെ കാറുകളുടെ ശേഖരത്തിലുണ്ട്.
ഇപ്പോള്‍ നടന് വാങ്ങിയ പുതിയ കാറിന്‍മേല്‍ 30 ലക്ഷം രൂപയുടെ വ്യത്യാസം കണ്ടതിനാലാണ് രജിസ്‌ട്രേഷന്‍ നടക്കാതെ പോയത്. 1.64 കോടി രൂപയുടെ ആഡംബര കാര്‍ താല്‍ക്കാലിക റജിസ്‌ട്രേഷനു വേണ്ടി വാഹന വ്യാപാരി എറണാകുളം ആര്‍ടി ഓഫിസില്‍ ഓണ്‍ലൈനില്‍ നല്‍കിയ അപേക്ഷയ്‌ക്കൊപ്പം സമര്‍പ്പിച്ച ബില്ലില്‍ വില 1.34 കോടി രൂപയെന്നാണ് രേഖപ്പെടുത്തിയിരുന്നത്. ഇതിന്റെ അടിസ്ഥാനത്തിലുള്ള റോഡ് നികുതിയും അടച്ചു. ഉദ്യോഗസ്ഥരുടെ പരിശോധനയില്‍ വാഹനത്തിന്റെ യഥാര്‍ഥ വില 1.64 കോടിയെന്നു കണ്ടെത്തി. തുടര്‍ന്നാണ് റജിസ്‌ട്രേഷന്‍ തടഞ്ഞത്. 30 ലക്ഷം രൂപ 'സെലിബ്രിറ്റി ഡിസ്‌കൗണ്ട്' ഇനത്തില്‍ വില കുറച്ചു നല്‍കിയതാണെന്ന് വാഹനം വിറ്റ സ്ഥാപനത്തിന്റെ പ്രതിനിധികള്‍ അറിയിച്ചു.
ഡിസ്‌കൗണ്ട് നല്‍കിയാലും ആഡംബര കാറുകള്‍ക്കു യഥാര്‍ഥ വിലയുടെ 21% നികുതി അടയ്ക്കണമെന്നാണ് നിയമം. 9 ലക്ഷത്തോളം രൂപ കൂടി അടയ്ക്കാതെ റജിസ്‌ട്രേഷന്‍ ചെയ്യാനാകില്ലെന്ന നിലപാടിലാണ് മോട്ടര്‍ വാഹന വകുപ്പ്. നികുതിയിളവ് നേടാന്‍ ഡീലര്‍ ബില്ലില്‍ തിരുത്തു വരുത്തിയതു താരം അറിയണമെന്നില്ലെന്ന് ആര്‍ടിഒ അധികൃതര്‍ പറഞ്ഞു.
Premium Lifestyle and Entertainment website
മഴവില്‍ മനോരമയില്‍ നിന്ന് വന്നതല്ലേ നമ്മള്‍ ഒരു അവസരം കൊടുത്തതല്ലേ എന്ന ധാര്‍ഷ്ട്യം;ആ പ്രസ്ഥാനത്തിന്റെ തൊഴിലാളിയാണ് അവര്‍ക്ക് വേണ്ടി ചെയ്യേണ്ടത് എന്റെ ബാധ്യതയാണെന്ന തരത്തില്‍ സംസാരിച്ചു;മറിമായത്തില്‍ പിന്‍മാറാന്‍ കാരണം വെളിപ്പെടുത്തി മഞ്ജു പത്രോസ്
ഭര്‍ത്താവിന്റെ സ്വപ്നം ഏറ്റെടുത്ത് നടത്തി; മക്കളെ പഠിപ്പിച്ച് ഒരു നിലയ്ക്ക് എത്തിച്ചത് കഷ്ടപ്പെട്ട്...... അമ്മയ്ക്ക് രണ്ടാമത് ഒരു ജീവിതം നല്‍കി മക്കള്‍; ആദ്യ കണ്‍മണി എത്തിയതിന് പിന്നാലെ പുതിയസന്തോഷവുമായിഗിരിജ
ബോംബ് കാല് തകര്‍ത്തിട്ടും സ്വന്തം നാട്ടില്‍ ഡോക്ടറായി തിരിച്ചെത്തിയവള്‍; 'കാല്' നൂറ്റാണ്ടിന്റെ നഷ്ടം മറന്ന് ഡോ. അസ്ന; ഇടതുകാല്‍ വച്ച് വിവാഹ ജീവിതത്തിലേക്ക്; വിവാഹം ജൂലൈ അഞ്ചിന്; വരന്‍ ഷാര്‍ജയില്‍ എന്‍ഞ്ചിനീയര്‍
അപകടം പറ്റുന്നത് അമ്മയെ ജോലിക്ക് വിടാന്‍ പോയപ്പോള്‍; ബോധമില്ലാതെ മൂന്ന് ദിവസം ഐസിയുവില്‍; നെഞ്ചിന് താഴെ എന്താണ് സംഭിവിക്കുന്നത് എന്ന് അറിയാന്‍ പറ്റാത്ത അവസ്ഥ; യദുവിന്റെയും ജ്യോതികയുടെയും ജീവിതത്തില്‍ സംഭവിച്ചത്