വിവാഹ ശേഷമാണ് അക്കാര്യം തിരിച്ചറിഞ്ഞത്; പല കാര്യങ്ങളെയും എങ്ങനെ സമീപിക്കണമെന്ന് അറിയില്ലായിരുന്നു; വലിയൊരു പാഠമായിരുന്നു വിവാഹം: ജ്യോതി കൃഷ്ണ

മലയാള സിനിമ പ്രേമികൾക്ക് ഏറെ സുപരിചിതയായ താരമാണ് ജ്യോതി കൃഷ്ണ. മമ്മൂട്ടി നായകനായ ബോംബെ മാർച്ച്‌ 2012എന്ന ചിത്രത്തിലൂടെയാണ് പ്രേക്ഷകർ താരത്തെ കൂടുതലായി തിരിച്ചറിഞ്ഞത്.  വിവാഹ ശേഷം സിനിമ വിട്ട താരം ഇപ്പോൾ ദുബായിൽ സ്ഥിര താമസ മാക്കിയിരിക്കുകയാണ്. അടുത്തിടെയാണ് നടി സോഷ്യൽ മീഡിയയിൽ സജീവമായത്. എന്നാൽ ഇപ്പോൾ വിവാഹത്തിനു ശേഷം ലഭിച്ച തിരിച്ചറിവുകളെ പറ്റിയുമൊക്കെ തുറന്നു പറഞ്ഞിരിക്കുകയാണ് താരം, 

വാക്കുകൾ, 

വിവാഹത്തിനു മുൻപ് ജീവിതത്തെ ഗൌരവമായി കണ്ടിരുന്നില്ല. എല്ലാം തമാശയായിരുന്നു. വീട്ടിൽ ഞാനും അമ്മയും മാത്രമായിരുന്നു ഉണ്ടായിരുന്നത്. വിവാഹ ശേഷമാണ് ജീവിതത്തിൻ്റെ പ്രാധാന്യം തിരിച്ചറിഞ്ഞത്. പലകാര്യങ്ങളെയും എങ്ങനെ സമീപിക്കണമെന്ന് അറിയില്ലായിരുന്നു.

ചുറ്റും പലതരം ആളുകൾ. എല്ലാം വിവാഹ ശേഷം തിരിച്ചറിഞ്ഞു. വലിയൊരു പാഠമായിരുന്നു വിവാഹം. കുടുംബജീവിതത്തിൻ്റെ പ്രാധാന്യം തിരിച്ചറിഞ്ഞു. വീട്ടിൽ ഞാൻ ഒറ്റമോളായിരുന്നതിനാൽ തന്നെ വലിയ സ്വാർത്ഥതയായിരുന്നു. എനിക്ക് ഉണ്ടോ എന്ന് മാത്രമായിരുന്നു നോക്കുക. ഇപ്പോൾ എല്ലാം മാറി, വിവാഹശേഷമാണ് ഇതൊക്ക തിരിച്ചറിഞ്ഞത്. 2019 നവംബർ 19 ന് ആയിരുന്നു എന്റെ വിവാഹം. വിവാഹ ശേഷം ഒരു ബ്രേക്ക് എടുത്തത് തന്നെയാണ്. കല്യാണം കഴിഞ്ഞ് ഒൻപത് മാസം ആയപ്പോഴേക്കും ഗർഭിണിയായി. തീർച്ചയായും അപ്പോൾ പൂർണണായും ശ്രദ്ധ കുടുംബത്തിന് തന്നെയായിരുന്നു. ഇപ്പോൾ മകന് രണ്ടര വയസ്സ് ആയി. തീർച്ചയായും സിനിമയിലേക്ക് മടങ്ങി വരണം എന്ന് ആഗ്രഹമുണ്ട്. സിനിമയുടെ വാല്യു അറിയുന്ന കുടുംബത്തിലാണ് ഞാൻ വിവാഹിതയായത്. അരുൺ എനിക്ക് വളരെ അധികം സപ്പോർട്ടീവ് ആണ്.