അഡാര്‍ ലവിനു മുന്‍മ്പ് പ്രിയയുടെ മറ്റൊരു ചിത്രമെത്തുന്നു; കള്ളന്‍ കഥപറയുന്ന ചിത്രമായ തന്‍ഹയില്‍ താരം എത്തുന്നത് സസ്‌പെന്‍സ്; കഥാപാത്രത്തെ കുറിച്ചുള്ള വിവരങ്ങള്‍ പുറത്തു വിടാതെ അണിയറപ്രവര്‍ത്തകര്‍

ഒമര്‍ ലുലുവിന്റെ അഡാറ് ലവ് എന്ന ചിത്രത്തിലൂടെ പ്രേക്ഷകരുടെ പ്രിയപ്പെട്ട താരമായി മാറിയ നടിയാണ് പ്രിയവാര്യര്‍. മാണിക്യ മലരായ പൂവി എന്ന ഒറ്റ എന്ന ഗാനത്തിലൂടെ പ്രിയ ആഗോളതലത്തില്‍ തന്നെ ശ്രദ്ധിക്കപ്പെട്ടിരുന്നു. ചിത്രം പുറത്തിറങ്ങും മുന്‍പ് തന്നെ ബോളിവുഡില്‍ നിന്നും മറ്റ് അന്യഭാഷ ചിത്രങ്ങളില്‍ നിന്നും ഓഫറുകള്‍ വന്നെങ്കിലും  അഡാറ് ലവിനു ശേഷം മാത്രമേ പുതിയ ചിത്രങ്ങളില്‍ അഭിനയിക്കൂ എന്നായിരുന്നു പ്രിയ അറിയിച്ചിരുന്നത്. എന്നാല്‍ ഒമര്‍ ലുലുവിന്റെ അഡാറ് ലൗനു മുന്‍പ് തന്നെ പ്രിയ മലയാള സിനിമയില്‍ അരങ്ങേറ്റം കുറിച്ചിരുന്നു എന്നും പ്രിയയുടെ ആദ്യ ചിത്രം തന്‍ഹയാണെന്നും എന്ന വാദം ഉന്നയിച്ച്    ചിത്രത്തിന്റെ അണിയറ പ്രവര്‍ത്തകര്‍ രംഗത്തെത്തിയിരുക്കുന്നു.

അഡാറ് ലവിലെ പാട്ട്  ഹിറ്റായതിനു ശേഷം പ്രിയ പ്രകാശ് വാര്യര്‍ എന്ന തുടക്കകാരിയുടെ താരമൂല്യം  പെട്ടന്ന്   ഉയരുകയായിരുന്നു. ചിതം ഇറങ്ങുന്നതിനു മുമ്പ് തന്നെ ഒറ്റ കണ്ണിറുക്കലിലൂടെ മലയാള സിനിമയിലേക്ക് കടന്നെങ്കിലും പിന്നീട് അത്ര തന്നെ ഗോസിപ്പുകളും വാരിക്കൂട്ടിയ നടിയാണ് പ്രിയ. അഡാര്‍ ലൗ പുറത്തിറങ്ങുന്നതിനു മുമ്പ്  തന്നെ  ബോളിവുഡില്‍ നിന്നും മറ്റ് അന്യഭാഷ ചിത്രങ്ങളില്‍ നിന്നും ഓഫറുകളാണ് പ്രിയയെ തേടി എത്തിയിരുന്നു. എന്നാല്‍ അഡാറ് ലവിനു ശേഷം മാത്രമേ പുതിയ ചിത്രങ്ങളിലേക്കുള്ളുവെന്ന് പ്രിയയും സംവിധായകന്‍ ഓമര്‍ ലുലുവും അറിയിച്ചിരുന്നു. എന്നാല്‍  പ്രിയയുടെ കന്നി ചിത്രം അഡാര്‍ ലൗ അല്ലെന്നും  നവംമ്പര്‍ 2 നു പുറത്തിറങ്ങുന്ന  പുതിയ ചിത്രം തന്‍ഹയാണെന്നും ചിത്രത്തിന്റെ ചിത്രത്തിന്റെ അണിയറ പ്രവര്‍ത്തകര്‍ പറയുന്നു. 

നവാഗതനായ പ്രകാശ് കുഞ്ഞന്‍ മൂരയില്‍ സംവിധാനം ചെയ്യുന്ന ചിത്രമാണ് തന്‍ഹ.  ശ്രീജിത്ത് രവി, ഹരീഷ് കണാരന്‍, നന്ദു, ടിറ്റോ വില്‍സണ്‍, താര കല്യാണ്‍, സുരേഷ് കൃഷ്ണ്‍ എന്നിവരാണ് ചിത്രത്തില്‍ പ്രധാന വേഷങ്ങളില്‍ എത്തുന്നത്. ശ്രുതി ബാലയാണ് ചിത്രത്തില്‍ നായികയായി എത്തുന്നത്. പോലീസുകാരുടെ കഥാപറയുന്ന ചിത്രമായ തന്‍ഹക്ക് തിരക്കഥ ഒരുക്കിയിരിക്കുന്നത് തൃശൂര്‍ സിറ്റി പോലീസ് ഗുണ്ടാ സ്‌ക്വാഡ് സബ് ഇന്‍സ്പെക്ടര്‍ സെല്‍വരാജ് കുളക്കണ്ടത്തിലാണ്.ചിത്രത്തില്‍ നിര്‍ണ്ണായകമായ ഒരു കഥാപാത്രത്തെയാണ് പ്രിയ അവതരിപ്പിക്കുന്നത്. പ്രിയയുടെ കഥാപാത്രത്തെ കുറിച്ചോ മറ്റുള്ള വിവരങ്ങളോ അണിയറപ്രവര്‍ത്തകര്‍ പുറത്തു വിട്ടിട്ടില്ല. വിനീത് ശ്രീനിവാസന്റെ  ഗാനത്തിലൂടെ കണ്ണിറുക്കിയ പ്രിയ ഈ സിനിമയിലും വിനീത് ശ്രീനിവാസന്റെ ഗാനത്തിലൂടെ എത്തുന്നുന്നുണ്ട്. പ്രിയയുടെ ഒറ്റ ചിത്രം മാത്രമാണ് ഇപ്പോള്‍ പുറത്ത്   വിട്ടിരിക്കുന്നത്.ബിജിബാല്‍ ആണ് ചിത്രത്തിനു സംഗീതം ചെയ്തിരിക്കുന്നത് .

അഡാറ് ലവ് ആയിരിക്കും പ്രിയയുടെ  ആദ്യ ചിത്രമെന്നാണ് നേരത്തെ വാര്‍ത്തകള്‍ പ്രചരിച്ചത് കൊണ്ട്  തന്നെയാണ്്  ചിത്രത്തിന്റെ ട്രെയിലറിലോ പോസ്റ്ററിലെ പ്രിയയെ ഉള്‍പ്പെടുത്താത്തത് . ഇത് സിനിമയില്‍ സസ്‌പെന്‍സ് നിലനിര്‍ത്താന്‍ വേണ്ടിയാണെന്നും അണിയറയില്‍ നിന്ന് ലഭിക്കുന്ന വിവിരം.എന്നാല്‍ തന്‍ഹ അഡാറ് ലവിനു മുന്‍പ് പ്രിയ കമിറ്റ് ചെയ്ത് സിനിമയാണെന്നും ഈ ചിത്രത്തില്‍ നിന്നാണ് പ്രിയയെ ഒമര്‍ ലുലു പ്രിയ തെരഞ്ഞെടുത്തതെന്നും തന്‍ഹ ചിത്രത്തിന്റെ അണിയറ പ്രവര്‍ത്തകര്‍ മലയാളി ലൈഫിനോട്  പറഞ്ഞു.