ഇരുപതു വര്‍ഷം മുമ്പ് മലയാളസിനിമയില്‍ തരംഗമായ വിനയന്‍ ചിത്രം ആകാശഗംഗയുടെ രണ്ടാം ഭാഗം വരുന്നതിനു മുന്നോടിയായി ആദ്യ ഭാഗത്തിലെ ഹിറ്റ് ഗാനം 'പുതുമഴയായി വന്നൂ നീ' പുതിയ ശബ്ദത്തില്‍ പുറത്തിറങ്ങി.
മലയാളത്തിലെ ഹൊറര്‍ സിനിമകളുടെ ചരിത്രം ആകാശഗംഗ മാറ്റിയെഴുതിയപ്പോള്‍ ചിത്രത്തിന്റെ വിജയത്തില്‍ നിര്‍ണ്ണായക പങ്ക് വഹിച്ചിരുന്നു 'പുതുമഴയായി വന്നു നീ' എന്ന ഗാനം. സിനിമയുടെ ആദ്യ ഭാഗത്തിലെ നായകനായിരുന്ന റിയാസിന്റെ ഭാര്യ ശബ്നമാണ് പാട്ട് പാടിയിരിക്കുന്നത്. ചിത്രയായിരുന്നു ഒറിജിനല്‍ ഗാനം ആലപിച്ചിരുന്നത്.
ശ്രീനാഥ് ഭാസി, വിഷ്ണു വിനയ്, വിഷ്ണു ഗോവിന്ദ്, സലിം കുമാര്‍, ഹരീഷ് കണാരന്‍, രാജാമണി, പുതുമുഖം ആരതി, എന്നിവരാണ് ആകാശഗംഗ 2വിലെ അഭിനേതാക്കള്‍. സംവിധാനം വിനയന്‍ തന്നെ. മലയാളത്തിലും തമിഴിലുമാണ് ഈ ഹൊറര്‍ ചിത്രം ഒരുങ്ങുന്നത്. ഡോള്‍ബി അറ്റ്മോസില്‍ ശബ്ദലേഖനം ചെയ്യപ്പെടുന്ന ഈ ചിത്രത്തിന്റെ സൗണ്ട് മിക്സിങ് ചെയ്യുന്നത് തപസ് നായ്ക് ആണ്. ആകാശഗംഗ 2 ഓണത്തിന് തീയറ്ററുകളില്‍ എത്തും. 1999 ലാണ് ആകാശഗംഗ പുറത്തിറങ്ങിയത്.
Premium Lifestyle and Entertainment website
കരള്‍ പോലെ കാക്കണം കരളിനെ
ഒരച്ഛനും മകളും തമ്മിലുള്ള ഊഷ്മള സ്‌നേഹത്തിന്റെ തീവ്രത വരച്ചു കാട്ടി ഉള്‍കാഴ്ച്ച 'ഷോര്‍ട്ട് മൂവി