എന്റെ പൊന്നു ബ്രോ തിരിച്ചു വായോ എന്നും ആരാധകര്‍;  പ്രണവ് മോഹന്‍ലാല്‍ ഉള്ളത് സ്‌പെയിനില്‍; താരപുത്രന്റെ ഏറ്റവും പുതിയ യാത്ര ചിത്രങ്ങള്‍ സോഷ്യല്‍മീഡിയയില്‍ എത്തിയതോടെ ആളെ കണ്ട് കിട്ടിയ സന്തോഷവുമായി ആരാധകര്‍

മലയാള സിനിമയില്‍ നിരവധി ആരാധകരുള്ള താരമാണ് പ്രണവ് മോഹന്‍ലാല്‍. നടന്‍ മോഹന്‍ലാലിന്റെ മകനെന്ന ലേബലില്‍ വെള്ളിത്തിരയില്‍ എത്തിയ താരത്തിന് അഭിനയത്തേക്കാളെറെ യാത്രകളോടാണ് പ്രിയം. പ്രണവിന്റെ യാത്രാ വീഡിയോകളും ചിത്രങ്ങളും സമൂഹമാധ്യമങ്ങളില്‍ വൈറലാകാറുണ്ട്. അത്തരത്തില്‍ പ്രണവ് ഇന്‍സ്റ്റാഗ്രാമില്‍ പങ്കുവച്ച ഒരു ചിത്രങ്ങളാണ് ഇപ്പോള്‍ വൈറലാവുകയാണ്

പൊതുയിടങ്ങളില്‍ അത്രയങ്ങ് പ്രത്യക്ഷപ്പെടാത്ത പ്രണവ് തന്റെ പ്രെഫൈലിലൂടെ പങ്കുവച്ച യാത്രാ ചിത്രങ്ങള്‍ ആരാധകര്‍ക്കും ഏറെ ഇഷ്ടത്തോടെയാണ് കാണുന്നത്.സ്പെയിന്‍ യാത്രയ്ക്കിടയില്‍ പകര്‍ത്തിയ ചിത്രങ്ങളെന്നാണ് വ്യക്തമാകുന്നത്.അടുത്ത ചിത്രം എപ്പോഴാണ്, ആളെ കണ്ടുകിട്ടിയല്ലോ തുടങ്ങിയ കമന്റുകളുമായി ആരാധകര്‍ ചിത്രത്തിനു താഴെ എത്തിയിട്ടുണ്ട്.യാത്രകളും സാഹസങ്ങളും ഇഷ്ടപ്പെടുന്ന റിയല്‍ ലൈഫ് ചാര്‍ളി എന്നാണ് പ്രണവ് മോഹന്‍ലാലിനെ ആരാധകക്കൂട്ടം വിശേഷിപ്പിക്കുന്നത്.

പ്രണവിന്റെ സാഹസിക വീഡിയോകള്‍ പലതും ആരെയും അമ്പരപ്പിക്കുന്നതാണ്. വിനീത് ശ്രീനിവാസന്റെ സംവിധാനത്തിലൊരുങ്ങിയ ഹൃദയമാണ് പ്രണവ് അവസാനമായി അഭിനയിച്ച ചിത്രം. ബോക്‌സ് ഓഫീസില്‍ വമ്പന്‍ വിജയം നേടിയ ചിത്രം 50 കോടി രൂപയിലധികം കളക്ഷനും നേടിയിരുന്നു. പ്രണവിന് പുറമെ ദര്‍ശന രാജേന്ദ്രന്‍, കല്യാണി പ്രിയദര്‍ശന്‍, അജു വര്‍ഗീസ്, വിജയരാഘവന്‍ എന്നിവരും ചിത്രത്തില്‍ വേഷമിട്ടിരുന്നു.