മഹത്വത്തിന് വിനയമുണ്ടെന്ന് ഇന്ന് ഞാന്‍ തിരിച്ചറിഞ്ഞു; എത്രത്തോളം ഉയരങ്ങളിലേക്ക് വളര്‍ന്നോ, അത്രത്തോളം വിനയാന്വിതനായി മാറി;ആ വിനയവും ലാളിത്യവും ഞാന്‍ എപ്പോഴും മനസ്സില്‍ സൂക്ഷിക്കും' ; പ്രകാശ് വര്‍മ്മയെ കണ്ട് മുട്ടിയ ചിത്രങ്ങളുമായി പാര്‍വതി ആര്‍ കൃഷ്ണ

അഭിനയത്തിലും അവതാരകയായിട്ടും സജീവമായ ആളാണ് നടി പാര്‍വ്വതി ആര്‍ കൃഷ്ണ. സമൂഹമാധ്യമങ്ങളിലും സജീവമാണ് താരം നടനും പരസ്യചിത്ര സംവിധായകനുമായ പ്രകാശ് വര്‍മയ്ക്കൊപ്പമുളള ചിത്രം പങ്കുവച്ചിരിക്കുകയാണ്. അദ്ദേഹത്തിന്റെ ലാളിത്യവും വിനയവും എപ്പോഴും താന്‍ മനസ്സില്‍ സൂക്ഷിക്കുമെന്ന് ചിത്രത്തിനൊപ്പം പാര്‍വതി കുറിച്ചു.

'' മഹത്വത്തിന് ഒരു സാന്നിധ്യമുണ്ടെന്ന് ആളുകള്‍ പറയാറുണ്ട് . എന്നാല്‍ മഹത്വത്തിന് വിനയമുണ്ടെന്ന് ഇന്ന് ഞാന്‍ തിരിച്ചറിഞ്ഞു. ബഹുമാനപ്പെട്ട പ്രകാശ് വര്‍മ്മ സാറിനെ കണ്ടുമുട്ടിയത്, ഇന്ത്യയിലെ ഏറ്റവും പ്രശസ്തരായ ചലച്ചിത്ര പ്രവര്‍ത്തകരില്‍ ഒരാളെ കണ്ടുമുട്ടുക മാത്രമായിരുന്നില്ല- അദ്ദേഹത്തിന്റെ വിജയത്തേക്കാള്‍ ഏറെ പ്രചോദനം നല്‍കുന്ന അദ്ദേഹത്തിന്റെ ലാളിത്യത്തെ തൊട്ടറിഞ്ഞതുകൂടിയായിരുന്നു. അദ്ദേഹം എത്രത്തോളം ഉയരങ്ങളിലേക്ക് വളര്‍ന്നോ, അത്രത്തോളം വിനയാന്വിതനായി മാറി. ഞാന്‍ എപ്പോഴും മനസ്സില്‍ സൂക്ഷിക്കുന്ന ഒരു പാഠമായിരിക്കും ഇത്. താങ്കളുടെ വീട് എനിക്കായി തുറന്നുതന്നതിനും, താങ്കളുടെ വിലപ്പെട്ട സമയം പങ്കുവച്ചതിനും, ഒപ്പം ഒരു കാര്യം എന്നെ ഓര്‍മ്മിപ്പിച്ചതിനും നന്ദി- യഥാര്‍ത്ഥ ഇതിഹാസങ്ങള്‍ സ്വയം പ്രഖ്യാപിക്കേണ്ടതില്ല. അവരുടെ വിനയം അവര്‍ക്കുവേണ്ടി അത് ചെയ്യുന്നു'', എന്നാണ് പാര്‍വതി കുറിച്ചത്.

അന്താരാഷ്ട്രതലത്തില്‍ ശ്രദ്ധ നേടിയ ഇന്ത്യന്‍ പരസ്യചിത്ര സംവിധായകനാണ് പ്രകാശ് വര്‍മ. മോഹന്‍ലാല്‍ നായകനായ ' തുടരും' എന്ന സിനിമയിലെ വില്ലന്‍ കഥാപാത്രമായ ജോര്‍ജിനെ അവതരിപ്പിച്ച് അദ്ദേഹം 2025-ല്‍ അഭിനയത്തിലും അരങ്ങേറി.