ഒരു ഇടവേളക്ക് ശേഷം സിനിമയില്‍ സജീവമായി തുടരുകയാണ് നടന്‍ ശ്രീനിവാസന്‍. നാദിര്‍ഷ സംവിധാനം ചെയ്യുന്ന ഏറ്റവും പുതിയ ചിത്രമായ മേരാ നാം ഷാജി'യില്‍ ഒരു പ്രധാന കഥാപാത്രത്തെയാണ് ശ്രാനിവാസന്‍ അവതരിപ്പിക്കുന്നത്.
ബിജു മേനോന്‍, ആസിഫ് അലി, ബൈജു എന്നിവരാണ് ചിത്രത്തിലെ നായകന്മാര്‍. ഷൂട്ടിംഗ് കൊച്ചിയില്‍ പുരോഗമിക്കുകയാണ്. ശ്രീനിവാസന്‍ കഴിഞ്ഞ ദിവസം മുതല്‍ അഭിനയിച്ചു തുടങ്ങി എന്ന് ചിത്രത്തിന്റെ അണിയറ പ്രവര്‍ത്തകര്‍ അറീയിച്ചു. ഷാജിയെന്ന് പേരുള്ള മൂന്നുപേരുടെ ജീവിതമാണ് ചിത്രത്തിന്റെ പ്രമേയം. കോഴിക്കോട്ടെ ഷാജിയായി ബിജു മേനോനും തിരുവനന്തപുരത്തെ ഷാജിയായി ബൈജുവും കൊച്ചിയിലെ ഷാജിയായി ആസിഫ് അലിയും എത്തുന്നു.
നിഖില വിമലാണ് നായിക. ദിലീപ് പൊന്നന്‍ തിരക്കഥയും സംഭാഷണവും രചിക്കുന്ന ചിത്രം നിര്‍മ്മിക്കുന്നത് ബി. രാകേഷാണ്. തമാശയും സസ്‌പെന്‍സും നിറഞ്ഞ ഒരു എന്റര്‍ടെയ്‌നറായിരിക്കും ഇതെന്നാണ് അണിയറ പ്രവര്‍ത്തകര്‍ നല്‍കുന്ന സൂചന. വിനോദ് ഇല്ലംപള്ളി ഛായാഗ്രഹണം നിര്‍വഹിക്കുന്ന ചിത്രത്തിന് സംഗീതം നല്‍കുന്നത് എമില്‍ മുഹമ്മദാണ്. അമര്‍ അക്ബര്‍ അന്തോണി, കട്ടപ്പനയിലെ ഋത്വിക് റോഷന്‍ എന്നീ സൂപ്പര്‍ഹിറ്റുകള്‍ക്ക് ശേഷമാണ് നാദിര്‍ഷ മേരാ നാം ഷാജി സംവിധാനം ചെയ്യുന്നത്.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം