വിവാഹ വീഡിയോ പങ്കുവെച്ച് നടി മീര നന്ദന്‍. 'ഞങ്ങളുടെ കഥ മനോഹരമായി ചിത്രീകരിച്ചിരിക്കുന്നു' എന്ന വരികളോടെ ഇന്‍സ്റ്റഗ്രാമിലാണ് താരം വീഡിയോ പങ്കിട്ടിരിക്കുന്നത്. താലികെട്ടിന് ഒരുങ്ങുന്നത് മുതലുള്ള രസകരമായ നിമിഷങ്ങളെല്ലാം ഉള്‍ക്കൊള്ളിച്ചുള്ളതാണ് വീഡിയോ.
യുഎഇയില്‍ ഗോള്‍ഡ് എഫ്എമ്മില്‍ റേഡിയോ ജോക്കിയാണ് മീര. മീരയുടെ വിവാഹത്തെ കുറിച്ച് പരാമര്‍ശിച്ചുകൊണ്ടുള്ള ഗോള്‍ഡ് എഫ്എം ജോക്കിയുടെ വാക്കുകളോടെയാണ് വീഡിയോ തുടങ്ങുന്നത്. തുടര്‍ന്ന് ഗുരുവായൂര്‍ ക്ഷേത്രത്തില്‍ വെച്ച് താലി കെട്ടിനായി മീരയും ഭര്‍ത്താവ് ശ്രീജുവും മേക്കപ്പ് ഇടുന്നതും ഒരുങ്ങുന്നതുമെല്ലാം വീഡിയോയില്‍ ഉണ്ട്.
പണ്ട് ഗുരുവായൂര്‍ മണ്ഡപത്തിലെ വിവാഹം കാണുമ്പോള്‍ തന്റെ വിവാഹം അവിടെത്തന്നെ വേണമെന്ന് മീര പറയാറുണ്ടായിരുന്നെന്നും ഇപ്പോള്‍ അതുപോലെ സംഭവിച്ചതില്‍ സന്തോഷമുണ്ടെന്നും വീഡിയോയില്‍ അമ്മ പറയുന്നുണ്ട്. ഇത്രയും കാലം ആഗ്രഹിച്ചൊരു നിമിഷമാണ് വരാനിരിക്കുന്നത്. താലികെട്ടി കഴിയുമ്പോള്‍ ഞങ്ങളുടേതായിട്ടുള്ള സമാധാനം ഉണ്ടാകും, അതുപോലെ സങ്കടവും. അത് സന്തോഷം കൊണ്ടുള്ളതാണെന്നും അവര്‍ പറഞ്ഞു.
കണ്ണന്റെ മുന്‍പില്‍ തന്നെ വിവാഹം വേണമെന്ന നിര്‍ബന്ധം തനിക്ക് ഉണ്ടായിരുന്നുവെന്ന് മീരയും വീഡിയോയില്‍ പറയുന്നുണ്ട്. കൗതുകവശാല്‍ ശ്രീജുവും അതിന് തയ്യാറായിരുന്നുവെന്നും മീര പറഞ്ഞു. അമ്മയെ കുറിച്ചും മീര സംസാരിച്ചു. 'അമ്മയാണ് എന്റെ എല്ലാം. എന്റെ എല്ലാ കാര്യത്തിനും അമ്മ കൂടെയുണ്ടായിട്ടുണ്ട്. അവരുടെ ഏറ്റവും വലിയ ആഗ്രഹമായിരുന്നു, കുറേ വര്‍ഷങ്ങളായിട്ടുള്ള അവരുടെ ആഗ്രഹമായിരുന്നു എന്റെ വിവാഹം. അത് സാധിച്ചുകൊടുക്കാന്‍ പറ്റുന്നില്ലല്ലോയെന്ന വിഷമം മാത്രമേ എനിക്ക് ഇത്രയും നാള്‍ ഉണ്ടായിരുന്നുള്ളൂ. അവര്‍ക്ക് അത് സാധിച്ച് കൊടുക്കാന്‍ പറ്റുന്നില്ലല്ലോയെന്ന് ആലോചിച്ചിട്ട്. അവസാനം ഇപ്പോള്‍ ഇത് സംഭവിക്കുന്നു', ഏറെ വൈകാരികമായി മീര പറഞ്ഞു. (കരച്ചിലടക്കാനാതെ വീഡിയോ നിര്‍ത്ത് എന്ന് മീര ആവശ്യപ്പെടുന്നുണ്ട്).
മീരയെ ആദ്യമായി കണ്ട നിമിഷത്തെ കുറിച്ച് ശ്രീജുവും വീഡിയോയില്‍ മനസ് തുറയ്ക്കുന്നുണ്ട്.'മീരയെ കണ്ടപ്പോള്‍ തന്നെ അവളെ വിവാഹം കഴിക്കാന്‍ താന്‍ ആഗ്രഹിച്ചിരുന്നുവെന്നും ഈ കുട്ടി എന്റെ ഭാര്യയാകണമെന്ന് താന്‍ ഉറപ്പിച്ചിരുന്നുവെന്നുമാണ് ശ്രീജു പറഞ്ഞത്.
വര്‍ക്കല, ഇടവാ സ്വദേശിയാണ് ശ്രീജു. ലണ്ടനില്‍ അക്കൗണ്ടായി ജോലി ചെയ്യുകയാണ് ഇദ്ദേഹം. മാട്രിമോണി സൈറ്റ് വഴിയാണ് ഇരുവരും പരിചയപ്പെടുന്നത്. പിന്നീട് മീരയെ നേരില്‍ കാണാനായി യുകെയില്‍ നിന്നും ശ്രീജു ദുബായിലേക്ക് എത്തി. ഇരുവര്‍ക്കും ഇഷ്ടമാകുകയും വിവരം വീട്ടുകാരെ അറിയിക്കുകയുമായിരുന്നു. തുടര്‍ന്ന് വീട്ടുകാര്‍ തമ്മില്‍ ആലോചിച്ച് വിവാഹം ഉറപ്പിക്കുകയായിരുന്നു.
അത്യാഡംബരപൂര്‍വ്വമായിരുന്നു വിവാഹ ചടങ്ങുകള്‍. സിനിമ-രാഷ്ട്രീയ-സാംസ്‌കാരിക മേഖലയില്‍ നിന്നുള്ള പല പ്രമുഖരും ചടങ്ങില്‍ പങ്കെടുത്തിരുന്നു. കൊച്ചി എളമക്കര സ്വദേശിനിയാണ് മീര നന്ദന്‍. ലാല്‍ജോസ് ചിത്രം മുല്ലയിലൂടെ 2008 ലാണ് താരം സിനിമാ അരങ്ങേറ്റം കുറിക്കുന്നത്. പുതിയ മുഖം, എല്‍സമ്മ എന്ന ആണ്‍കുട്ടി, അപ്പോത്തിക്കരി തുടങ്ങിയവയാണ് ശ്രദ്ധേയ ചിത്രങ്ങള്‍. നിലവില്‍ ദുബൈയില്‍ നിന്നുള്ള മലയാളം റേഡിയോ സ്റ്റേഷന്‍ ഗോള്‍ഡ് 101.3 എഫ്എമ്മില്‍ ആര്‍ജെയാണ്. ഈ വര്‍ഷം പുറത്തെത്തിയ എന്നാലും എന്റെ അളിയാ ആണ് മീര അഭിനയിച്ച് പുറത്തെത്തിയ അവസാന ചിത്രം.
കൊച്ചി എളമക്കര സ്വദേശിനിയാണ് നടി മീര നന്ദന്‍. ലാല്‍ജോസ് ചിത്രം മുല്ലയിലൂടെ 2008 ലാണ് താരം സിനിമാ അരങ്ങേറ്റം കുറിക്കുന്നത്. പുതിയ മുഖം, എല്‍സമ്മ എന്ന ആണ്‍കുട്ടി, അപ്പോത്തിക്കരി തുടങ്ങിയവയാണ് ശ്രദ്ധേയ ചിത്രങ്ങള്‍. നിലവില്‍ ദുബൈയില്‍ നിന്നുള്ള മലയാളം റേഡിയോ സ്റ്റേഷന്‍ ഗോള്‍ഡ് 101.3 എഫ്എമ്മില്‍ ആര്‍ജെയാണ്. ഈ വര്‍ഷം പുറത്തെത്തിയ എന്നാലും എന്റെ അളിയാ ആണ് മീര അഭിനയിച്ച് പുറത്തെത്തിയ അവസാന ചിത്രം. എന്നാലിപ്പോഴിതാ തന്റെ വിവാഹ വീഡിയോ പങ്കുവെച്ചിരിക്കുകയാണ് മീര.
'
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം