ടൊവിനോ നായകനായി എത്തിയ മറഡോണ തീയേറ്ററിൽ മികച്ച പ്രതികരണത്തോടെ പ്രദർശനം തുടരുകയാണ്. ഇപ്പോഴിതാ ചിത്രത്തിന്റെ മെയ്‌ക്കിങ് വീഡിയോ അണിയറപ്രവർത്തകർ പുറത്തുവിട്ടു.ആക്ഷൻ, റൊമാൻസ് ബാൽക്കണി രംഗങ്ങൾ വി.എഫ്.എക്‌സിന്റെ സഹായത്തോടെയാണ് ചിത്രീകരിച്ചിരിക്കുന്നതെന്ന കാര്യം വീഡിയോയിലൂടെ തുറന്ന് കാട്ടുന്നു.
'അപരാധ പങ്കാ' എന്ന ഗാനമാണ് മേക്കിങ് വീഡിയോക്ക് പഞ്ചാത്തല സംഗീതമായി നൽകിയിരിക്കുന്നത്. അങ്കമാലി ഡയറിസിലൂടെ ശ്രദ്ധേയനായ ആന്റണി വര്ഗീസ് ലൊക്കേഷൻ സന്ദർശിക്കുന്നത് മേക്കിങ് വീഡിയോയിൽ കാണാൻ സാധിക്കും.
മായാനദിയുടെ വിജയത്തിന് ശേഷം ടൊവീനോ തോമസ് നായകനായി എത്തുന്ന ചിത്രമാണ് മറഡോണ. നവാഗതനായ വിഷ്ണു നാരായൺ സംവിധാനം ചെയ്യുന്ന ചിത്രത്തിൽ പുതുമുഖമായ ശരണ്യയാണ് നായികയായി എത്തുന്നത്. ചെമ്പൻ വിനോദ് ജോസ്, ടിറ്റോ ജോസ്, കിച്ചു ടെല്ലസ്, ലിയോണ ലിഷോയ് തുടങ്ങിയവരും അഭിനയിക്കുന്നുണ്ട്. കൃഷ്ണമൂർത്തി തിരക്കഥ എഴുതിയ ചിത്രം നിർമ്മിക്കുന്നത് മിനി സ്റ്റുഡിയോ ആണ്.
Premium Lifestyle and Entertainment website
സത്യസന്ധരായ നക്ഷത്രക്കാര്‍ ഇവരാണ്
പ്രൊഫഷണലുകളെ ലക്ഷ്യമിട്ട് ലെനോവോയുടെ പുതിയ ടാബ്ലെറ്റും ലാപ്‌ടോപ്പും