'ഇക്ക, നിങ്ങളെ കണ്ടാല്‍ ദുല്‍ഖറിന്റെ ഇളയ അനിയനാണെന്നേ തോന്നു! ദുല്‍ഖര്‍ കേള്‍ക്കണ്ടയെന്ന് ചിരിച്ചുകൊണ്ട് മറുപടിയുമായി മമ്മൂക്കയും; പിഷാരടിക്കൊപ്പം ഫെയ്‌സ്ബുക്ക് ലൈവില്‍ ആദ്യമായി ആരാധകരോട് സംവദിക്കാനായി മമ്മൂട്ടി എത്തിയപ്പോള്‍

മലയാളത്തിന്റെ മെഗാസ്റ്റാര്‍ മമ്മൂട്ടിയെ നായകനാക്കി രമേശ് പിഷാരടി സംവിധാനം ചെയ്യുന്ന ഗാനഗന്ധര്‍വന്‍ നാളെയാണ് വെള്ളിയാഴ്ച തിയേറ്ററുകളിലെത്തും. റിലീസിന് മുന്നോടിയായി ആരാധകരുമായി തത്സമയം സംവദിക്കുന്നതിന് മമ്മൂട്ടിയും പിഷാരടിയും ഫേസ്ബുക്ക് ലൈവില്‍ ഇന്നലെ എത്തിയിരുന്നു.  ജീവിതത്തില്‍ ആദ്യമായി ഫെയ്‌സ്ബുക്ക് ലൈവില്‍ ആരാധകരോട് സംവദിക്കാനായി മമ്മൂക്ക എത്തിയെന്ന പ്രത്യേകതയും ഇതിനുണ്ടായിരുന്നു.നിരവധി പേരാണ് ലൈവില്‍ എത്തി മമ്മൂക്കയോട് ചോദ്യങ്ങള്‍ ഉന്നയിച്ചത്.

'ലൈവില്‍ ആദ്യമാണ്, ചീത്ത വിളിക്കുമോ എന്തോ?' ആദ്യമായി കാമറയുടെ മുന്നിലെത്തുന്നവന്റെ അമ്പരപ്പോടെയാണ് മമ്മൂട്ടി എത്തി. എന്നാല്‍ പതിയെ പിഷാരടിക്കൊപ്പം ആരാധകരുടെ ചോദ്യത്തിന് അദ്ദേഹം മറുപടി നല്‍കി. അപ്പോഴാണ് ദുല്‍ഖറിന്റെ അനിയനാണോ എന്ന് ഒരു കമന്റ് വന്നത്. പൊട്ടിച്ചിരിച്ച് കൊണ്ട് മമ്മൂട്ടിയുടെ മറുപടി ഇങ്ങനെ.. ആ... ദുല്‍ഖര്‍ കേള്‍ക്കണ്ട.. മമ്മൂട്ടി ഒരു ഹൈപ്പര്‍ മാര്‍ക്കറ്റാണെന്ന് കമന്റിട്ട ആരാധകനോട് ആദ്യമായിട്ടാണ് അങ്ങനെ ഒരു വിശേഷണം ലഭിക്കുന്നതെന്നും അദ്ദേഹം പറഞ്ഞു.

പിഷാരടിയുടെ അഭിനന്ദനങ്ങള്‍ വാനോളം ഉയര്‍ന്നപ്പോഴാണ് മമ്മൂട്ടി ലൈവില്‍ തിരിച്ച് കൊട്ടി. 'തള്ളി തള്ളി ഫോണ്‍ വീഴുമെന്നായിരുന്നു മറുപടി. അദ്ദേഹത്തിന്റെ കമന്റ്. ഇരുത്തിക്കൊണ്ട് പുകഴ്ത്തുന്നത് കേള്‍ക്കാന്‍ വയ്യെന്നും അദ്ദേഹം പറയുന്നുണ്ട്. വിഡിയോ കാണാം

ഗാനമേളയില്‍ അടിപൊളി പാട്ടുകള്‍ പാടുന്ന 'കലാസദന്‍ ഉല്ലാസ്' എന്ന കഥാപാത്രമായാണ് ചിത്രത്തില്‍ മമ്മൂട്ടി എത്തുന്നത്. ഇത്തരത്തിലൊരു കഥാപാത്രത്തെ താന്‍ ആദ്യമായാണ് അവതരിപ്പിക്കുന്നതെന്നും 'ഉണ്ട'യ്ക്ക് ശേഷം സിങ്ക് സൗണ്ട് സംവിധാനം ഉപയോഗപ്പെടുത്തിയ ചിത്രമാണിതെന്നും മമ്മൂട്ടി പറഞ്ഞു. അജയ് വാസുദേവ് സംവിധാനം ചെയ്യുന്ന 'ഷൈലോക്കി'ന്റെ കോയമ്പത്തൂരിലെ സെറ്റില്‍ നിന്നാണ് മമ്മൂട്ടി ഫേസ്ബുക്ക് ലൈവില്‍ എത്തിയത്.