ഈ ഫോട്ടോ കണ്ടതിന് ശേഷം സുല്‍ഫത്തും ദുല്‍ഖറും പ്രതികരിച്ചതിങ്ങനെ പെണ്‍വേഷം കെട്ടിയതിന് ശേഷം വീട്ടിലുളളവര്‍ തന്നോട് കാട്ടിയതിനെക്കുറിച്ച് മമ്മൂട്ടി

മമ്മൂട്ടിയുടെ ബിഗ്ബഡ്ജറ്റ് ചിത്രമായ മാമാങ്കം സിനിമയ്ക്ക് വേണ്ടി കാത്തിരിക്കുകയാണ് സിനിമാ പ്രേമികള്‍. മലയാള സിനിമയില്‍ മറ്റൊരു ചരിത്രമാകാന്‍ പോകുന്ന ചിത്രമാണ് മാമാങ്കമെന്നാണ് സൂചനകള്‍ പറയുന്നത്. മമ്മൂട്ടി സ്ത്രീവേഷത്തില്‍ എത്തുന്നുവെന്ന വാര്‍ത്ത കഴിഞ്ഞ ദിവസമാണ് ചിത്രത്തൊടൊപ്പം പുറത്തുവന്നത്. താരത്തിന്റെ വേഷപകര്‍ച്ച കണ്ട് നിരവധി പേരാണ് അഭിനന്ദിച്ച് രംഗത്തെത്തിയത്. ഇപ്പോള്‍ മമ്മൂട്ടിയുടെ കുടുംബാംഗങ്ങളുടെ പ്രതികരണമാണ് വൈറലായി മാറുന്നത്.

. നീണ്ട മുടി മുന്നിലേക്ക് അഴിച്ചിട്ട് വലിയ വട്ടപൊട്ടുമിട്ട് സ്‌ത്രൈണഭാവത്തിലാണ് മമ്മൂട്ടി ചിത്രത്തിലുള്ളത്. നിരവധി പേരാണ് താരത്തിന്റെ മേക്കോവറിനെ അഭിനന്ദിച്ച് എത്തിയത്. മാമാങ്കത്തില്‍ മൂന്ന് വേഷങ്ങളിലാണ് മമ്മൂട്ടിയെത്തുന്നത് അതിലൊന്നാണ് പെണ്‍വേഷം

ഈ ഫോട്ടോ കണ്ടതിന് ശേഷം സുല്‍ഫത്തും ദുല്‍ഖറും പ്രതികരിച്ചതിനെക്കുറിച്ച് തുറന്നുപറഞ്ഞ് മമ്മൂട്ടി എത്തിയിരുന്നു. രസകരമായാണ് അദ്ദേഹം ഇതേക്കുറിച്ച് പറഞ്ഞത്. താന്‍ വീട്ടിലുള്ള സമയത്താണ് പത്മകുമാര്‍ ഈ ഫോട്ടോ ഷെയര്‍ ചെയ്തത്. ദുല്‍ഖറും അമാലും മറിയവും കൂടെയുണ്ടായിരുന്നു. ഈ ഫോട്ടോ കണ്ടതും നിര്‍ത്താതെ ചിരിക്കുകയായിരുന്നു അവര്‍. 5 മിനിറ്റോളം ആ ചിരി തുടരുകയായിരുന്നു. ആദ്യം ഈ ലുക്ക് കണ്ടപ്പോള്‍ തനിക്കും ചിരി വന്നിരുന്നു. എന്തിനാണ് ഇങ്ങനെ ചിരിക്കുന്നതെന്ന് ചോദിച്ചപ്പോള്‍ അവര്‍ പറഞ്ഞ മറുപടി ഇതായിരുന്നു.

വാപ്പച്ചിക്ക് ഇത്രയും മേക്കപ്പ് ചെയ്യാമെങ്കില്‍ ആ മീശയും താടിയും കൂടി അങ്ങ് മാറ്റാമായിരുന്നില്ലേയെന്നായിരുന്നു അവരുടെ ചോദ്യം. അങ്ങനെ ചെയ്യാതിരിക്കാന്‍ സംവിധായകന്‍ മണ്ടനൊന്നുമല്ല.അത് ചെയ്യാതിരുന്നതിന് പിന്നിലൊരു കാരണമുണ്ട്. സിനിമ കാണുമ്പോള്‍ നിങ്ങള്‍ക്ക് അതേക്കുറിച്ച് മനസ്സിലാവും. സുല്‍ഫത്തിന് ഈ ലുക്ക് കാണിച്ചപ്പോഴും ചിരിയായിരുന്നു. താനെന്തോ തെറ്റ് ചെയ്തത് പോലെയായിരുന്നു അവരുടെ പ്രതികരണമെന്നും മമ്മൂട്ടി പറയുന്നു.