ദുല്ഖര് സല്മാന്റെ വേഫെറര് ഫിലിംസ് നിര്മ്മിച്ച ഏഴാം ചിത്രമായ ' ലോക - ചാപ്റ്റര് വണ്:ചന്ദ്ര' കഴിഞ്ഞ ദിവസമാണ് മലയാളത്തിലെ ഏറ്റവും പുതിയ ഇന്ഡസ്ട്രി ഹിറ്റ് ആയി മാറിയത്. 267 കോടി ആഗോള കളക്ഷന് നേടി ഈ ചരിത്ര നേട്ടം സ്വന്തമാക്കിയ ചിത്രം തീയേറ്ററുകളില് ഇപ്പോഴും നിറഞ്ഞ സദസ്സില് ആണ് പ്രദര്ശിപ്പിക്കുന്നത്. ഇപ്പോഴിതാ ചിത്രം ഉടന് ഒടിടിയില് റിലീസ് ചെയ്യില്ല എന്ന് വ്യക്തമാക്കിയിരിക്കുകയാണ് അണിയറ പ്രവര്ത്തകര്.
ചിത്രം തീയേറ്ററുകളില് തന്നെ പ്രദര്ശനം തുടരും. വമ്പന് പ്രേക്ഷക പിന്തുണ ചിത്രത്തിന് ഇപ്പോഴും ലഭിക്കുന്നുണ്ട്. കേരളത്തിന് അകത്തും പുറത്തും വിദേശത്തും ഇപ്പോഴും ഹൗസ്ഫുള് ഷോകളുമായാണ് ചിത്രം പ്രദര്ശിപ്പിക്കുന്നത്. റിലീസ് ചെയ്ത് നാലാമത്തെ ആഴ്ചയിലും കേരളത്തില് വമ്പന് തീയേറ്റര് ഹോള്ഡ് ആണ് ചിത്രത്തിന് ലഭിച്ചിരിക്കുന്നത്.
റിലീസ് ചെയ്ത് 24 ദിവസം കൊണ്ടാണ് ചിത്രം മലയാളത്തിലെ ഓള് ടൈം റെക്കോര്ഡ് ആഗോള ഗ്രോസര് ആയി മാറിയത്. മലയാളത്തിലെ മാത്രമല്ല, തെന്നിന്ത്യന് സിനിമയുടെ ചരിത്രത്തില് തന്നെ ഒരു നായികാതാരം ടൈറ്റില് വേഷത്തില് എത്തിയ ചിത്രം നേടുന്ന ഏറ്റവും വലിയ ആഗോള കളക്ഷന് ആണ് 'ലോക' സ്വന്തമാക്കിയത്. കല്യാണി പ്രിയദര്ശന്, നസ്ലന് എന്നിവര് പ്രധാന വേഷങ്ങള് ചെയ്ത ഈ ബിഗ് ബഡ്ജറ്റ് ഫാന്റസി ചിത്രം രചിച്ചു സംവിധാനം ചെയ്തത് ഡൊമിനിക് അരുണ് ആണ്.
കേരളത്തിലെ പ്രശസ്ത ഐതിഹ്യങ്ങളില് ഒന്നായ കള്ളിയങ്കാട്ട് നീലിയുടെ കഥയില് നിന്ന് പ്രചോദനം ഉള്ക്കൊണ്ട് ഡൊമിനിക് അരുണ് ഒരുക്കിയ 'ലോക' ഇപ്പോള് ഇന്ത്യന് സിനിമയില് തന്നെ ചര്ച്ചചെയ്യപ്പെടുന്ന ഒരു ചിത്രമായി മാറിയിട്ടുണ്ട്. അഞ്ച് ഭാഗങ്ങള് ഉള്ള ഒരു വമ്പന് ഫാന്റസി സിനിമാറ്റിക് യൂണിവേഴ്സ് കൂടിയാണ് ഈ ചിത്രത്തിലൂടെ ആരംഭിച്ചിരിക്കുന്നത്. കേരളത്തില് ഒതുങ്ങി നില്ക്കാതെ റസ്റ്റ് ഓഫ് ഇന്ത്യ മാര്ക്കറ്റിലും മഹാവിജയമാണ് ചിത്രം കരസ്ഥമാക്കിയത്. 50 കോടിക്ക് മുകളില് ആണ് ചിത്രം റെസ്റ്റ് ഓഫ് ഇന്ത്യ മാര്ക്കറ്റില് നിന്നും നേടിയത്.
ചിത്രത്തില് ഗംഭീര പ്രകടനം കാഴ്ചവെച്ച കല്യാണി, നസ്ലന് എന്നിവര്ക്കൊപ്പം ചന്തു സലിംകുമാര്, അരുണ് കുര്യന്, ശരത് സഭ, നിഷാന്ത് സാഗര്, വിജയരാഘവന് എന്നിവരും ചിത്രത്തിന്റെ താരനിരയിലുണ്ട്. ദുല്ഖര് സല്മാന്, ടോവിനോ തോമസ് എന്നിവരുടെ ത്രസിപ്പിക്കുന്ന അതിഥി വേഷവും മൂത്തോന് എന്ന കഥാപാത്രമായി മമ്മൂട്ടിയുടെ അദൃശ്യമായ സാന്നിധ്യവും ചിത്രത്തിന്റെ ഹൈലൈറ്റ് ആണ്. ചിത്രം കേരളത്തില് വമ്പന് റിലീസായി എത്തിച്ചതും ദുല്ഖര് സല്മാന്റെ വേഫെറര് ഫിലിംസ് ആണ്.
ഛായാഗ്രഹണം -നിമിഷ് രവി, സംഗീതം - ജേക്സ് ബിജോയ്, എഡിറ്റര് - ചമന് ചാക്കോ, എക്സിക്യൂട്ടീവ് പ്രൊഡ്യൂസേഴ്സ്-ജോം വര്ഗീസ്, ബിബിന് പെരുമ്പള്ളി, അഡീഷണല് തിരക്കഥ-ശാന്തി ബാലചന്ദ്രന്, പ്രൊഡക്ഷന് ഡിസൈനര്-ബംഗ്ലാന് , കലാസംവിധായകന്-ജിത്തു സെബാസ്റ്റ്യന്, മേക്കപ്പ് - റൊണക്സ് സേവ്യര്, കോസ്റ്റ്യൂം ഡിസൈനര്-മെല്വി ജെ, അര്ച്ചന റാവു, സ്റ്റില്സ്- രോഹിത് കെ സുരേഷ്, അമല് കെ സദര്, ആക്ഷന് കൊറിയോഗ്രാഫര്- യാനിക്ക് ബെന്, പ്രോജക്ട് ഹെഡ് - സുജയ് ജെയിംസ്, ദേവ ദേവന്, പ്രൊഡക്ഷന് കണ്ട്രോളര് - റിനി ദിവാകര്, വിനോഷ് കൈമള്, മാര്ക്കറ്റിംഗ് ഹെഡ് - വിജിത് വിശ്വനാഥന്, ചീഫ് അസോസിയേറ്റ്-സുജിത്ത്
ബുക്ക് മൈ ഷോയിലും ഡിസ്ട്രിക്റ്റ് ആപ്പിലും 'ലോക' നമ്പര് വണ്;
ദുല്ഖര് സല്മാന്റെ വേഫെറര് ഫിലിംസ് നിര്മ്മിച്ച ഏഴാം ചിത്രമായ ' ലോക - ചാപ്റ്റര് വണ്:ചന്ദ്ര' ക്ക് വമ്പന് റെക്കോര്ഡ്. മലയാള സിനിമയുടെ ചരിത്രത്തില് തന്നെ ആദ്യമായി 5 മില്യണ് ടിക്കറ്റുകള് ഓണ്ലൈന് ടിക്കറ്റ് ബുക്കിംഗ് ആപ്പായ ബുക്ക് മൈ ഷോ വഴി വിറ്റ ചിത്രം എന്ന റെക്കോര്ഡ് ഇനി 'ലോക'ക്ക് സ്വന്തം. കേരളത്തിലും, റസ്റ്റ് ഓഫ് ഇന്ത്യ മാര്ക്കറ്റിലും ലഭിച്ച അഭൂതപൂര്വമായ സ്വീകരണമാണ് ചിത്രത്തെ ഈ നേട്ടം സ്വന്തമാക്കാന് സഹായിച്ചത്.
സൊമാറ്റോയുടെ ഡിസ്ട്രിക്ട് ആപ്പിലും ഏറ്റവും കൂടുതല് ടിക്കറ്റുകള് വിറ്റ മലയാള ചിത്രമായി 'ലോക' മാറി. പാന് ഇന്ത്യന് ഹിറ്റായി മാറിയ ചിത്രം മലയാളത്തിന് പുറമെ തമിഴ്, തെലുങ്ക്, ഹിന്ദി, കന്നഡ ഭാഷകളിലും വമ്പന് തരംഗമായി മാറി. റസ്റ്റ് ഓഫ് ഇന്ത്യ മാര്ക്കറ്റില് നിന്ന് ഏറ്റവും വലിയ കളക്ഷന് സ്വന്തമാക്കിയ രണ്ടാമത്തെ മലയാള ചിത്രമാണ് ഇപ്പോള് 'ലോക'. അതോടൊപ്പം മലയാളത്തിലെ ഏറ്റവും വലിയ ആഗോള ഗ്രോസ്സര് ആയും ചിത്രം മാറി. വിദേശ മാര്ക്കറ്റിലും മഹാവിജയമാണ് ചിത്രം നേടിയെടുത്തത്.
ഓണം റിലീസായി എത്തിയ ചിത്രം 24 ദിവസം കൊണ്ടാണ് ചിത്രം മലയാളത്തിലെ ഓള് ടൈം റെക്കോര്ഡ് ആഗോള ഗ്രോസര് ആയി മാറിയത്. കേരളത്തിന്റെ ചരിത്രത്തിന്റെ തന്നെ ഭാഗമായ കള്ളിയങ്കാട്ട് നീലിയുടെ ഐതിഹ്യ കഥയില് നിന്ന് പ്രചോദനം ഉള്ക്കൊണ്ട് ഡൊമിനിക് അരുണ് രചിച്ചു സംവിധാനം ചെയ്ത ചിത്രത്തില് കല്യാണി പ്രിയദര്ശന്, നസ്ലന് എന്നിവരാണ് പ്രധാന കഥാപാത്രങ്ങളെ അവതരിപ്പിച്ചത്. അഞ്ച് ഭാഗങ്ങള് ഉള്ള ഒരു വമ്പന് ഫാന്റസി സിനിമാറ്റിക് യൂണിവേഴ്സിലെ ആദ്യ ഭാഗമായി എത്തിയ ഈ ബിഗ് ബഡ്ജറ്റ് ചിത്രത്തില് കല്യാണി, നസ്ലന് എന്നിവര്ക്കൊപ്പം ചന്തു സലിംകുമാര്, അരുണ് കുര്യന്, ശരത് സഭ, നിഷാന്ത് സാഗര്, വിജയരാഘവന് എന്നിവരും തിളങ്ങിയിട്ടുണ്ട്. ഇവര്ക്കൊപ്പം ദുല്ഖര് സല്മാന്, ടോവിനോ തോമസ് എന്നിവരുടെ ത്രസിപ്പിക്കുന്ന അതിഥി വേഷവും ശ്രദ്ധ നേടി.
ഇന്ത്യയില് നിന്ന് മാത്രം 150 കോടി രൂപക്ക് മുകളില് കളക്ഷന് നേടിയ ചിത്രം അന്താരാഷ്ട്ര ചിത്രങ്ങളോട് കിട പിടിക്കുന്ന മേക്കിങ് മികവ് കൊണ്ടും പ്രേക്ഷകര് ഇതുവരെ കാണാത്ത അവതരണ ശൈലി കൊണ്ടും ഒരു പുതിയ ട്രെന്ഡ് ആണ് സൃഷ്ടിച്ചത്. പ്രേക്ഷകരുടെ മുന്നില് ഒരത്ഭുത ലോകം തുറന്നിട്ട ചിത്രം കേരളത്തില് വമ്പന് റിലീസായി എത്തിച്ചതും ദുല്ഖര് സല്മാന്റെ വേഫെറര് ഫിലിംസ് ആണ്. കേരളത്തില് നിന്നും 100 കോടിക്ക് മുകളില് ആണ് ചിത്രം നേടിയ ഗ്രോസ്. ആഗോള തലത്തില് 270 കോടി രൂപ ഗ്രോസ് പിന്നിട്ട് ജൈത്രയാത്ര തുടരുകയാണ് 'ലോക'.
Premium Lifestyle and Entertainment website
വിവാഹം കഴിഞ്ഞ് ഒരു മാസമായപ്പോഴാണ് അച്ഛന്റെ മരണം; ചോദിക്കാന് ആരും ഇല്ലെന്നായപ്പോള് വിവാഹജീവിതത്തില് പ്രശ്നങ്ങള്;വസ്ത്രം മാറുന്ന ഫോട്ടോ സുഹൃത്തുക്കള്ക്ക് അയച്ച് നല്കിയ മുന്ഭര്ത്താവിന്റെ ക്രൂരത;അങ്ങോട്ട് കാശ് കൊടുത്ത് ഡിവോഴ്സ് നേടി; മഞ്ഞുരുകും കാലത്തിലെ ജാനിക്കുട്ടിയായി എത്തിയ മോനിഷയുടെ ജീവിതകഥ
അനുഭവക്കുറവ് മൂലമുണ്ടായ പിഴവുകള് ആത്മാര്ത്ഥമായ ആത്മപരിശോധനയിലൂടെ തിരിച്ചറിഞ്ഞു; തിരുത്തുന്നതിനുള്ള നടപടികള് ആരംഭിച്ചു;പക്വതയോടെയും ഉത്തരവാദിത്തത്തോടെയും മുന്നോട്ടുപോകും; അമ്മ അംഗങ്ങള്ക്ക് തുറന്ന കത്തുമായി ശ്വേത മേനോന്