സിനിമാ ലോകം വളരെ നാളായി കാത്തിരിക്കുന്ന ചിത്രമാണ് ആമിര്‍ഖാന്‍ നായകനായി എത്തുന്ന ലാല്‍ സിംഗ് ഛദ്ദ .2020 ഡിസംബറില്‍ ക്രിസ്മസ് റിലീസായി പുറത്തിറക്കാന്‍ ഇരുന്ന ചിത്രം കൊവിഡ് പ്രതിസന്ധി മൂലം മാറ്റി വെക്കുകയായിരുന്നു.ചിത്രത്തിന്റെ ട്രെയ്ലര്‍ പുറത്തിറക്കാന്‍ ഒരുങ്ങുകയാണ് അണിയറ പ്രവര്‍ത്തകര്‍ എന്നാണ് ഇപ്പോള്‍ പുറത്ത് വരുന്ന ഏറ്റവും പുതിയ വിവരം .
1994ല്‍ ടോം ഹാങ്ക്‌സ് നായകനായെത്തിയ 'ഫോറസ്റ്റ് ഗമ്പ്' എന്ന ചിത്രത്തിന്റെ റീമേക്കായ 'ലാല്‍ സിംഗ് ഛദ്ദ'യുടെ ട്രെയ്ലര്‍ ഐപിഎല്‍ ഇടവേളയില്‍ ആയിരിക്കും റിലീസ് ചെയ്യുകആമിര്‍ ഖാന്‍ തന്നെയാണ് ട്രെയ്ലര്‍ റീലീസിനെ കുറിച്ച് പറഞ്ഞത്. ആമിര്‍ഖാന്‍ പ്രൊഡക്ഷന്‍സ് എന്ന സോഷ്യല്‍ മീഡിയ പേജിലൂടെയാണ് താരം വീഡിയോ പങ്കുവച്ചത്. സാധാരണ സിനിമകളുടെ ട്രെയ്ലര്‍ റീലീസില്‍ നിന്ന് ഏറെ വ്യത്യസ്തമായ രീതിയിലാണ് 'ലാല്‍ സിംഗ് ഛദ്ദ'യുടെ ട്രെയ്ലര്‍ എത്തുന്നത്.
മേയ് 29ന് അഹമ്മദബാദിലെ നരേന്ദ്ര മോദി സ്റ്റേഡിയത്തില്‍ വെച്ചാണ് ഐ.പി.എല്ലിലെ കലാശ പോരാട്ടം നടക്കുക.ഫൈനല്‍ മത്സരത്തിലെ ഒന്നാം ഇന്നിംഗ്‌സിലെ രണ്ടാമത്തെ സ്ട്രാറ്റജിക്ക് ടൈം ഔട്ടില്‍ ആവും സ്റ്റാര്‍ സ്‌പോര്‍ട്‌സിലൂടെയും ഡിസ്നി പ്ലസ് ഹോട്ട് സ്റ്റാറിലൂടെയും ട്രെയ്ലര്‍ റിലീസ് ചെയ്യുക.
ട്രെയ്ലര്‍ റിലീസിന് ഒപ്പം തന്നെ 'ക്രിക്കറ്റ് ലൈവ്' അവതാരകന്‍ ആയും താന്‍ തന്നെയാകും ഉണ്ടാകുക എന്നും വീഡിയോയില്‍ ആമിര്‍ ഖാന്‍ പറയുന്നു. 1994 ല്‍ ടോം ഹാങ്ക്‌സ് പ്രധാനവേഷത്തില്‍ എത്തിയ അമേരിക്കന്‍ ചലച്ചിത്രം ഫോറസ്റ്റ് ഗമ്പിന്റെ അഡാപ്‌റ്റേഷനായിട്ടാണ് ലാല്‍ സിംഗ് ഛദ്ദ ഒരുങ്ങുന്നത്.
2017ല്‍ ആമിര്‍ ഖാന്‍ പ്രൊഡക്ഷന്‍സിന്റെ നിര്‍മ്മാണത്തില്‍ എത്തിയ സീക്രട്ട് സൂപ്പര്‍ സ്റ്റാര്‍ എന്ന ചിത്രത്തിലൂടെ സംവിധാന രംഗത്തേക്ക് അരങ്ങേറ്റം കുറിച്ച അദ്വൈത് ചന്ദ്രനാണ് ലാല്‍ സിംഗ് ഛദ്ദയുടെയും സംവിധായകന്‍. ചിത്രത്തില്‍ ആമിര്‍ ഖാന്‍ അതിഥി വേഷത്തില്‍ എത്തിയിരുന്നു.
അതുല്‍ കുല്‍ക്കര്‍ണിയാണ് തിരക്കഥ.കരീന കപൂര്‍ നായികയായി എത്തുന്ന ചിത്രത്തില്‍ ഷാരൂഖ് ഖാനും അതിഥി വേഷത്തില്‍ എത്തുന്നുണ്ടെന്ന് മുമ്പ് റിപ്പോര്‍ട്ടുകള്‍ വന്നിരുന്നു. 2018 ലാണ് ഫോറസ്റ്റ് ഗമ്പിന്റെ റീമേക്ക് അവകാശം ആമിര്‍ ഖാന്‍ സ്വന്തമാക്കിയത്ചിത്രം ഈ ആഗസ്റ്റ് 11 ന് ലോകമെമ്പാടുമുള്ള തീയറ്ററുകള്‍ റിലീസ് ചെയ്യും.
Premium Lifestyle and Entertainment website
എഫ്ബിയില്‍ കുറിപ്പിട്ട പെണ്‍കുട്ടിക്ക് എന്തു കൊണ്ട് പോലീസില്‍ പരാതി നല്‍കാന്‍ ധൈര്യമുണ്ടായില്ല? 14 പേര്‍ക്കെതിരെ പോസ്റ്റിട്ട യുവതി തനിക്കെതിരെ മാത്രം പരാതി നല്‍കി; വാദങ്ങള്‍ ചുറ്റിക്കറങ്ങിയത് ആ പോസ്റ്റില്‍; ഹേമാ കമ്മറ്റി 'ധൈര്യം' ഫലം കണ്ടില്ല; സിദ്ദിഖിന് മുന്‍കൂര്‍ ജാമ്യം അനുവദിക്കുമ്പോള്‍ സുപ്രീംകോടതി പറയുന്നത് 
വീട്ടുകാരുടെ സമ്മര്‍ദ്ദത്തില്‍ കല്ല്യാണത്തെ പറ്റി ഒരു ഘട്ടത്തില്‍ ആലോചിച്ചിരുന്നു; പിന്നീട് ബോധവും ബുദ്ധിയും വെച്ചപ്പോള്‍ വേണ്ടെന്ന് മനസിലായി; ഒരുപാട് ആലോചിച്ചെടുത്ത തീരുമാനം; കല്ല്യാണം കഴിക്കില്ല; ആളുകള്‍ സന്തോഷത്തിലല്ല; ഐശ്വര്യ ലക്ഷ്മി