വിവാഹ വാര്‍ത്ത സ്ഥിരീകരിച്ചതിനുപിന്നാലെ തിരുപ്പതി ക്ഷേത്രത്തില്‍ ദര്‍ശനം നടത്തി നടി കീര്‍ത്തി സുരേഷ്. ഇന്ന് രാവിലെയാണ് നടി ക്ഷേത്രത്തിലെത്തിയത്. സഹോദരി രേവതി സുരേഷ്, അച്ഛന്‍ സുരേഷ് കുമാര്‍, അമ്മ മേനക സുരേഷ് എന്നിവര്‍ക്കൊപ്പമാണ് ദര്‍ശനത്തിനെത്തിയത്.
കഴിഞ്ഞ വര്‍ഷവും താരം തിരുപ്പതിയിലെത്തിയിരുന്നു. അന്നും കുടുംബത്തോടൊപ്പമാണ് തിരുപ്പതി ഭഗവാന്റെ ദര്‍ശനം തേടിയെത്തിയത്. താന്‍ വളരെക്കാലമായി തിരുപ്പതി ഭഗവാന്റെ ഭക്തയാണെന്നും അന്ന് കീര്‍ത്തി മാദ്ധ്യമങ്ങളോട് പറഞ്ഞിരുന്നു..
ബാല്യകാല സുഹൃത്ത് ആന്റണി തട്ടിലുമായി 15 വര്‍ഷമായി പ്രണയത്തിലായിരുന്നുവെന്ന് കഴിഞ്ഞ ദിവസമാണ് കീര്‍ത്തി വെളിപ്പെടുത്തിയത്. ആന്റണിക്കൊപ്പമുള്ള ചിത്രം പങ്കുവച്ചായിരുന്നു സമൂഹ മാദ്ധ്യമ പോസ്റ്റ്. ഇരുവരും തമ്മിലുള്ള വിവാഹം ഡിസംബറിലുണ്ടാകുമെന്നാണ് സൂചന..
.ഡിസംബര്‍ 11, 12 തീയതികളില്‍ ഗോവയിലെ ഒരു റിസോര്‍ട്ടില്‍ വിവാഹം നടക്കുകയെന്നാണ് വിവരം. വിവാഹത്തോടനുബന്ധിച്ച് ഡിസംബര്‍ ഒമ്പതിന് വിപുലമായ ആഘോഷങ്ങള്‍ ആരംഭിക്കും. തെന്നിന്ത്യന്‍ സിനിമയിലെ നിരവധി പ്രമുഖര്‍ വിവാഹത്തില്‍ പങ്കെടുക്കുമെന്നാണ് പ്രതീക്ഷിക്കുന്നത്. വിജയ്, ചിരഞ്ജീവി, വരുണ്‍ ധവാന്‍, ശിവകാര്‍ത്തികേയന്‍, അറ്റ്‌ലി, നാനി തുടങ്ങിയ താരങ്ങള്‍ എത്തിച്ചേരുമെന്നാണ് വിവരം.
നടി മേനക സുരേഷിന്റെയും നിര്‍മ്മാതാവ് സുരേഷ് കുമാറിന്റെയും മകളാണ് കീര്‍ത്തി. 2000-കളുടെ തുടക്കത്തില്‍ ബാലതാരമായി തന്റെ കരിയര്‍ ആരംഭിച്ച കീര്‍ത്തി ഫാഷന്‍ ഡിസൈനിംഗ് പഠനത്തിന് ശേഷം സിനിമയിലേക്ക് മടങ്ങി. ഗീതാഞ്ജലി എന്ന ചിത്രത്തിലൂടെയാണ് കീര്‍ത്തി സിനിമയിലേക്ക് എത്തിയത്. തമിഴ്, തെലുങ്ക്, മലയാളം സിനിമകളിലെ മുന്‍നിര നടിയായി മാറിയ കീര്‍ത്തി മഹാനടി എന്ന ചിത്രത്തിന് ദേശീയ പുരസ്‌കാരം നേടിയിരുന്നു. ഡിസംബര്‍ 25ന് റിലീസ് ചെയ്യാനിരിക്കുന്ന ബേബി ജോണ്‍ എന്ന ചിത്രത്തിലൂടെ ബോളിവുഡിലും കീര്‍ത്തി അരങ്ങേറ്റം കുറിച്ചു.
Premium Lifestyle and Entertainment website
റേപ്പ് സീനില്‍ അഭിനയിച്ചാല്‍ ആ നടിയെ പൊതു സമൂഹത്തില്‍ ആര്‍ക്കും റേപ്പ് ചെയ്യാമെന്ന തരത്തില്‍ പറഞ്ഞുവെക്കുന്നത് എന്ത് തെമ്മാടിത്തരമാണ്; സ്ത്രീകള്‍ എങ്ങനെ വേഷമിടണമെന്ന് തീരുമാനിക്കുന്നത് രാഹുല്‍ ആണോ? വിമര്‍ശനവുമായി നടി ശ്രിയ രമേശ് 
അജിത്തിനൊപ്പം സിനിമ ചെയ്യാന്‍ താല്‍പര്യമുണ്ട്; ഉടന്‍ ഒരു പടം ഉണ്ടാകുമെന്ന് വിശ്വസിക്കുന്നു: ലോകേഷ് കനകരാജ്: വീഡിയോ വൈറല്‍ 